اللي عنده معلومه يفيدني جمعه الله ووالديه في جنات النعيم..

[تسلل]

السلام عليكم ورحمة الله وبركاته
يا اخوان واخوات
لدي استفسارات واتمنى الاجابة غفر الله لكم
س1/ جدولي حطيته 15 ساعة وانا عندي مادتين ما اختبرتها الترم الماضي at هل هي بتكون مع الساعات محسوبة في الجدول لان اعلى حد للساعات 15 ساعة ؟
س2/ رايكم بالمواد ذي تكفون لاني قاعد ابني بيتي اللحين وابي شي سهل مافيه مسائل وله ملخصات حلوة
مقرر اختياري وش اختار
مقرر حر وش اختار
استشارات ادارية
ثقافة المنظمة
اتمنى الرد الله يغفر لكم

[انجلينا]

انتبه ترى وعلى ما اعتقد تختبرها هالترم أنا زميلتي ما كان تدري انه كدا وبعدين اكتشفت انه طلع لها اختبار بديل وراح عليها
والباقي يفيدك غير هذا اقدر أفيدك فيه وبالتوفيق
ودعواتك

[جامعية 25]

سلوك انساني وسلوك مستهلك وقياده وابتكار والنظام السياسي السعودي وتطوير تنظيمي واعادة التنظيم
هذي اخذتها اختياري وحر وكلها سهله الصراحه مااعرف وين الاختياري وين الحر بس هذي هي وبالتوفيق ...
وثقافة المنظمه ان شاءالله سهل هو في البدايه دسم بس بعدين حلو وسهل اهم شي تاخذ التخطيط لانه كثييير واستشارات اداريه روعه كنت اذاكرها بمتعه ...
وبالتوفيق للجميع ...

[تسلل]

الله يجزاكم خير ويجمعكم بمن تحبون في جنات النعيم
بس احد يعطيني معلومة عن الاضافة هل يحسب البديل في الساعات المسجلة
والمواد الحرة والاختيارية وش السهل مع العلم ان تخصصي تنظيم وتطوير اداري

[تسلل]

للرفع بارك الله فيكم

[الشادي]

المشاركة الأصلية كتبت بواسطة تسلل الله يجزاكم خير ويجمعكم بمن تحبون في جنات النعيم بس احد يعطيني معلومة عن الاضافة هل يحسب البديل في الساعات المسجلة والمواد الحرة والاختيارية وش السهل مع العلم ان تخصصي تنظيم وتطوير اداري

السلام عليكم
اخوي ما تحسب مواد الاختبار البديل في الساعات المسجله

انا كان عندي الترم الماضي اختبار بديل ( ماده نظم معلومات اداريه ) وماانحسبت من ضمن الساعات

ملاحظه مهمه : لازم تكتب في ورقة الاجابه ( اختبار بديل )

..

انصحك بالمواده الحره / الراي العام com 204
والاختياريه - اداره المشروعات العامه PAD 432


بالتوفيق ...