ادارة اعمال دوليه انجليزي

[Hope]

المشاركة الأصلية كتبت بواسطة BesO نبدا من الفصل التاني الااوال بعدين ارجعلوا مو مرتب شريحه15هذي في كل فصل تجي ملخص يعني بعد ماتكملي الفصل تراجعيها كانت تركز عليها دايما شريحه 16 فوقها مكبر يعني معانا تجي الرسمه وبره مجموعة كلمات منها صح للرسمه ومنها مو للرسمه انتي تختاري الصح و ترتبي الكلمات جوه الرسمه global business environment بيئة الاعمال العالميه broad عام specific خاص شريحه17مومعانا شريحه 18 القضايا السياسيه معانا تاخدي نقاط النقطه 3 تعرفي انوا الشركات المتعددة الجنسيه صارت تتحدى بعض السياسات والنقطه5 التقسيم الجغرافي للبلدان اختفى الان الشريحه19 مهمه جدا كلها النقطه الاولىGATT تعرفي هيا اختصارايش النقطه التانيه انوا تم استبدال مسمى الاتفاقيه العامه للتعريف والتجاره بمسمى منظمة التجاره العالميه والتي تنص سياستها على معاملة جميع بضائع الدول بنفس الطريقه وعدم التحيزوالتميز بين الدول النقطه 3 صححي كلمه WOT الــى WTO وتعرفي هنا الاتحاد الاوربي عضو من منظمة التجاره العالميه شريحه 20 كل قرن تعرفي مين في 19 بريطانيا العظمى و اروبا 20امريكا 21 اسيا والصين شريحه 21 و22 مو معانا محذوفه شريحه 23 المربع مافي شي بس الا فوق تعرفي انوا افتقار التكنلوجيا والتقنيات يمنع من دخول الاسواق الدوليه شريحه 24 المنتجات المقرصنه يعني شركات تقوم بتقليد شركات عالميه لها اسم تجاري مشهور تعمل نفس المنتج وتكون مشابها للمنتجات الاصليه وكمان تستخدم اسمها التجاري يعني زي الصين بس تاخدي كلمة non-original وكلمة very similar يعني غير اصليه و مرره مشابها شريحه25 مافيها شي شرح للقبلها يعني في لكوستا اصلي وفي تقليد متشابهين

جزاك الله خير أختي BesO
والله يفرج لك دنيا وآخره
وعقبال ما تتخرجين بامتياز مع مرتبة الشرف الأولى
قولي آمين

عندي سؤال لو سمحتي
الملزمة اللي تتكلمين عنها هي نفسها ملزمة الأستاذة اللي منزلتها بموقعها باسم المادة؟؟

شاكرة ومقدرة لك
موفقة

[BesO]

امين يارب الله يوفق الجميع
ايوه هيا International+Business+460

[Hope]

المشاركة الأصلية كتبت بواسطة هنوده القمر مرحبا انا مع الاستاذة شاهيناز وحضرة معها الدورة الماده مررررررررررررررره حلوه واعطتنى موقع ونزلنا الملخص والاختبار كلو اختياري وفي رسمات تجي مرسومه والكلمات جنبها وانتي تختاري WWW.sbukharx.kau.edu.sa الله يوفقينا يارب

جزاك الله خير إختي هنوده القمر على تعاونك معنا
حبيت أصحح الرابط اللي حطيتيه
http://sbukhary.kau.edu.sa/Show_file...0007197&Lng=AR

وإن شاء الله هذا اللي كنتي تقصدينه
موفقه أختي

[Hope]

المشاركة الأصلية كتبت بواسطة BesO امين يارب الله يوفق الجميع ايوه هيا International+Business+460

الله يجزاك خير أختي BesO ويوفقك ويرزقك أعلى الدرجات دنيا وآخره
أختي أعتذر على إزعاجك لكن عندي سؤال وهو
هل نعتمد على هالملزمة في المذاكرة وإلا لابد من الكتاب؟؟

ولبقية الأخوات هذي ملزمة المادة على هالرابط للي حابين يحملونها
http://sbukhary.kau.edu.sa/Show_file...0007197&Lng=AR
اضغطوا على خيار أخرى وراح تلاقون اسم المادة ورمزها وبعدين على السهم اللي بجنب اسم الملف وحملوه

وبالتوفيق للجميع

[BesO]

هيا قالت الا ماحضر معايا ومرره مو فاهم يجيب الكتاب افضل بس الا حضر وفاهم مايحتاج

[ريانة]

في انتظار الفصل الاول وباقي الفصول ويعطيكي العافيه ويفقك ويسهلها عليكي زي ما سهلتيها علينا

[BesO]

الفصل 3
في كل فصل في Case Study دراسة حاله هيا ركزت على ده الفصل يمكن بتجي من هنا
شوفي شريحه 27 زي ماقلتلك بعد ماتخلصي ترجعيلها ملخص ومهما
شريحه 28 مافيها شي
شريحه 29 انواع الاعمال الدوليه
1)التجاره الخارجيه تعريفها تقوم على استيراد وتصدير المنتجات والخدمات
2)الاستثمار الخارجي او الاجنبي ياخذ نوعين: كل وحده وتعريفها التعريف ماينحفظ كلوا خدي كم كلمه بس تفكرك من الجدول الا في البدايه الا قلنا نراجعوا نهاية كل فصل والباقي افهمي يجي التعريف وتقولي ايش نوع الاستثمار

استثمار المباشر
المستثمريتحكم بالفائده ويكون عندوا اصوال حقيقيه ملموسه في البلد الاجنبي ممكن شركه او مصنع ينتج ..
استثمار غير مباشر
المستثمر ماايتحكم بكل شي مثلا يشتري اسهم وسندات ويحقق ارباح بس مايتحكم تحكم كامل..
شريحه30
(هنا ركزت شفتوا فوق لما قلتلكم دراسة حاله في كل فصل يمكن يجي من هنا اي وحده منهم)
يعني تجبلك مثال او قصه مختصره من الاعندنا الامثله الصور قالت مافي شي من بره وتقولك أي نوع من انواع الاعمال الكلمات الا تذكرنا ناخدها من الجدول الا قدام كل نوع جنبوا كلمه اعرفيها بس مو كده تفهموا انوا بس الكلمه الا بتجي لالالا التعريف كلوا يجي بس الكلمه للتذكير
3)الترخيص يعني شركه او شخصيه ترخصلي او تسمحلي استخدم شي من ممتلكاتها زي الصوت او الصوره او الاسم التجاري او منتج شركه زي هانا مونتانا ركزت عليها وسمسون بس اعرفي الكلمات تمام
4)الامتياز استخدم نموذج اعمال ناجح واطبقوا باتفاق بين الطرفين يعني زي ماكدونالد وصب واي هنا كمان ركزت عليه
شريحه31
5)تسليم المفتاح يعني شركه من دوله معينه تجي لبلد تاني تنجزلوا مشروع معين متفق عليه وتخلصوا بالكامل وتسلمهم المفتاح زي قطار المشاعر الا في مكه شركه صينيه انجزتوا بالكامل واحنا استلمنا المفتاح بس
6)ادارة العقود يعني مالك شركه يجيب شركه من بلد تاني متخصصه في الاداره تقوم بالوظائف الاداريه للشركه ولها رسوم
هنا كمان ركزت>>>زي شركة اكور متخصصه في ادارة الفنادق وتديراكتر من 2700فندق
شريحه32
7)عقود التصنيع يعني شركه أ تطلب من شركه ب تصنعلها منتج معين بمواصفات معينه بس ينحط عليه اسم شركه أ
كمان ركزت عليه>>> مثال شركة جنرال اليكترلك ماتقدر تصنع سخانات طلبت من شركة هوم ديبوت تصنعلها هوا وحطت اسمها على المنتج
8)عقود الوكاله شركه محليه تسوق لمنتجات اوخدمات شركه اجنبيه
مثال الجفالي وكيل لسيمينز وعبدالطيف جميل وكيل لتايوتا
شريحه33
9)مشروع مشترك اوتحالف يعني شركتين اوعدة شركات تتحد مع بعض ويكونوا منتج 3
مثال شركة سوني وشركة اريكسون انحدوا مع بعض وصار جوال سوني اريكسون ومثال فوجي اكسروكس
شريحه 34 وشريحه35 مو معانا
شريحه36
اوال صف الا فوق بس اتكلمت عليه نفس كلام المشروع المشترك يعني تقولك
شركة بيبسي كولا وشركة ليبتون اتحدوا مع بعض انتجوا شاي معلب .. ايش نوع الشراكه؟؟ تقولي joint venture
وبــــــــــــــس

[BesO]

شوفوا انا مو عارفه كيف اشرحلكم التاشير اذا مو فاهمين قولولي
كده عربي تمام ولا انجليش احسن؟؟
كيف تبغوا قولولي عشان نكمل
اوكــــيــــشــــــــن

[ريانة]

الله يعطيك العافيك كذا تمام كملي

[ريانة]

معليش بس عيدي شرح الشريحة رقم 30