أوفود الحزن

[علي محمد الزهراني]

حبيت أشارك الاخوة في هذا القسم ، الحاضر الغائب

نفذ صبــــــر الأماني واليالي ملـّت السيــــــره ..
.....................( وداعا ) قلتها صادق وهذي (حكمة أفراقي)

مع - أوفود الحزن - ماشي بلا وجهه و لا ديره
.....................تسيّرني أحاسيسي وانا مرهــــــون بشواقي

جواز الحزن في صدري ودمع العين تأشيره
.....................مسافر لو يضيـــق الكون كله داخل أحـــداقي

تعازي فرحتي هلت وحـــــزني له تباشــــــره
.....................وأنا مدري متى أطلع من آخر (آخر أعماقي)؟

حلمت أحيا بحـــرّيه وانا المولود في حيــــــره
.....................حلمت أحرر أيامي لقيت القيد هو ســـــاقي

أنا العاتب على عمري ، على قصره وتقصيره
.....................عطيته أجمــــــل أيامي ولا رجّع لي الباقي !

حقيقه .. أنتهى الشارع ولا باحت مشاويـــره
.....................غريبه ما أهتنى الشاعر بعمره .. لا متى شاقي ؟

يخون الشاعر أحساسه لجل يكسب جماهيره
.....................وانا ماخنت آحساسي ولا أوفتني أوراقي ..!

علي الزهراني