علم إجتماع أقتصادي ( غادة أشموني ) هالاستاذة وش قصتها ؟؟

[إكليل الـــورد]

السلام عليكم
يابنات إللي تاخذ أقتصادي مع غادة بالله أحد فيكم عارف راسه من رجوله ؟؟
والله مو عارفة وش أذاكر ولا وش إللي معانا ..
ولا حتى أعرف وش الدروس إللي أخذناها وإللي ما أخذناها
هالآدمية تدخل الكلاس وتخربش ع السبورة وتبربر ولا أحد فاهمها وإللي أخذوا معاها أكيد فاهميني
نفسي أعرف كيف تعينت هالاستاذة ؟؟ والله حرام ضيعتنا معاها حسبي الله
ماتعطينا شي واضح نذاكر منه ولمن أفتح دفتري ( طبعاً أنقل خرابيشها أول بأول ) يجيني أكتئاب وأرمي الدفتر وأقوم
لدرجة أني فكرت احذف المادة بس ماأدري الحين فيه حذف ولا لأ !!
المهم .. إللي تاخذ معاها هالترم سواء شعبة من 12-1 أو الشعبة إللي بعدها تقول وش اللي معانا وخلونا نساعد بعض عسانا نعدي هالمادة على خير

[& صمت الجروح &]

هلا بك ..
غاده اشموووني ااااه منها هالاستاذه
وربي بالقوه نجحت فيها ..
شوفي مابي احطمك بس النهائي كان اسئلتها ابداع خيال ,,
والله العظيم مدري من وين جايبه هالاسئله ,,

شوفي ياعسل فيه اوراق احيانا هي توزعهم او تشوفينهم مع البنات ذي مررره مهمه وتقريبا احسسن من الكتاب ...

اذا موب عندك قولي لي علشان اكلم وحده من البنات تجيبهم لك
علشان تصوريهم ..

[إكليل الـــورد]

هلا والله ..
هي توزع أوراق بس مو هي إللي تسويها .. إللي يسويها البنات عشان يبغون درجات نشاط ..
وهي ترميها لنا وتقول صوروها .. حتى محد يدري هي صح ولا خطأ مهمة ولا مو مهمة ..
عموماً ألحقيني فيها الله يسعدكِ أختباري يوم الأثنين الجاي > تخيلي !!
وإذا تعرفين تنزلينها أسكينر يكون أفضل ؟

[& صمت الجروح &]

هلا ياعسل انا قصدي نفسها اللي يسونها البنات
هذا اللي اعرفه يالغلا
على العموم بسال لك البنات واشوف لك اذا فيه شي جديد عندهم خبرتك ..
الله يوفقك ويسهل امورك

[اوراق مبعثره]

انا لمن كنت انتظام اخذت معاها اقتصااادي ومن اول محاضره رحت وحذفت الماده على

طوووووول,,

الله يعينك وتعديها

[إكليل الـــورد]

مشكورة صمت ماقصرتي .. أسئلي وشوفي ..
/
أوراق مبعثرة ..
ليتني حذفتها مثلك من زمان
بس مافي مجال إلا هي وعصمت قاضي وكل وحدة أخس من الثانية ..
الله يسمع منك وأعدي على خير !!

[سجينة الاحزان]

بنات اختبار اقتصادي ...
الي معنا في الاختبار هو التالــــــــــــــــــــــــي

1/ من الدوري الاول
أ- تعريف علم الاجتماع الاقتصادي
ب- مجالات علم الاجتماع الاقتصادي
2/ من الدوري الثاني
أ/ دوركايم

بالنســــــــــبة للنهائي معنا التالـــــــــــــــــي
1/ فبلن
2/ باريتو
3/ اوليم اوجبرن
4/ ايفرت هيجز
5/ جورج سيمل
6/ تعريف كل من [العولمة ,سوسيولوجيا الاسواق ,شركات المتعدد الجنسيات]
7/ خصائص كل من [العولمة ,اقتصاديات العالم الثالث أو خصائص العالم الثالث]
8/ تطور مراحل النظم الاقتصادية
9/ اهم التحليلات التي تناولها عدد من العلماء حول تحليل قضايا ومشكلات اقتصاد العالم الثالث
10/ مشاكل دول العالم الثالث
11/ نظرية النظام العالمي
12/ اهم مبادئ الشركات المتعدد الجنسيات
13/ كيف فسر العالم [ كرستفور دنين ] نظرية النظام العالمي...؟ ~> مهم جداً هالسؤال [الجواب في صفحة 484@485]
14/ المتغيرات المرتبطة بالاقتصاد العالمي
15/ مصطلحات انجليزية


اماااااااااااااااااااااانة ادعولي بالتوفيق ~> وموفقين يارب

[إكليل الـــورد]

يسلمووووووووووووو سجينة ..
الله يسعدك ويوفقنا وياك بـ الإختبار

[hofaa]

طيب والتكاليف حقتها من فين ندووووورلها
تعببببببببببببببببببببببت :(
م لقيت