لنستدرك ماابقي من الووقت........ياابطال(ب)

[سأهزم المستحيل!]

المشاركة الأصلية كتبت بواسطة eng.m7mmd ’’ بالتوفيق للجميع =) سيبك من كلمة " يقولو " هذي, في سنتنا طلعت كمية اشاعات وكلها كانت كلام فاضي ما تسبب إلا الاحباط للطلاب طلاب السنة اللي قبلنا قالو نظام الاختبارات يكون كذا: الاول سهل والثاني صعب والنهائي سهل, والله ثم والله كانت كل الاختبارات سهله لكن اعترف ان الاختبار الوحيد اللي كان صعب وعن قصد صعبوه هوا الماث النهائي, كان المنسق حقنا غير كان صعب بمراحل! لكن منسقكم سمعت انه الدكتور ابو جبل؟ هو من افضل دكاترة الماث, فلا تخافو اهم شي تذاكرو كويس وما تكتفو بالملخصات, حِلّو تمارين الكتب المقررة عليكم لأن افكار الاختبار مستحيل تخرج عنها -- انا خايف لا اكون دخلت غلط, لكن النقطة اللي ابغا اوصلها لكم انو والله كلنا جبنا العيد في اول اختبارات وبعضنا ما اتعدل الا في الاختبارات النهائية يعني انا في اول اختبارات جبت في الماث 22 والفيزياء اعتقد 27 > كان فيه 5 درجات بونس تقريباً بعدها اتحطمت وكان بعد الاختبارات فيه اجازة تقريباً اسبوعين, والله كانت اسوأ اجازة مرت, نفسيتي كانت سيئة وكل يوم احلم بالدرجات وبالتخصص اللي يروح مني, ولكن ولله الحمد عوضت بعدها. كلنا خبصنا ودايما كدا اول اختبارات لأن الطالب لسه مو متعود على انظمة الجامعة واسلوبها في الاختبارات عن نفسي اذكر اني ذاكرت من برا المنهج وانا مو داري في اختبار الماث الاول ,, ذاكرت حاجات جالس اخدها في ماث203 الترم هذا! والاختبار كان سهل لدرجة مو طبيعية يعني لو واحد مفتح شوية وبمعلوماته حقت الثانوي يجيب الفل مارك, بس عاد قدر الله وماشاء فعل فـ لا يجيكم احباط زي ما جاني ولا تخافو اللي ضيع درجات البونس بإذن الله يغطيله النقص لكن شدو حيلكم في اللي جي وذاكرو كويس, ونصيحة من اخ ومجرب, تمارين الكتب خصوصا الفيزياء والماث حلوها بنفسكم , مهمة مهمة مهمة والافكار كلها منها, واسأل الله التوفيق لي ولكم =) وآسف على الدخلة الغلط.. :: \

شكرآ على النصائح الجميله وعلى مداخلتك المفيده وماكانت ابدآ غلط بالعكس رفعت معنوياتي ,, بخصوص انو لازم نخبص بأول إختبار مع ان الفاااااااارق جدآ كبير بين الدرجات اللي نقصتها أنت ونقصتهاأنا ولكن عزائي أن الكليه اللي ح أدخلهاماتطلب معدل عالي بعد ضياع حلم الطب.....!!!

ولكن كل مايحصل لناخيره من رب العالمين قدرالله وماشاءفعل والحمدلله على كل حال..

[Eng.M7mmd]

المشاركة الأصلية كتبت بواسطة سأهزم المستحيل! بخصوص انو لازم نخبص بأول إختبار مع ان الفاااااااارق جدآ كبير بين الدرجات اللي نقصتها أنت ونقصتهاأنا ولكن عزائي أن الكليه اللي ح أدخلهاماتطلب معدل عالي بعد ضياع حلم الطب.....!!! ولكن كل مايحصل لناخيره من رب العالمين قدرالله وماشاءفعل والحمدلله على كل حال..

’’

فيه شباب اعرفهم الصراحة خبصو لين النهائي يعني تقريباً كانت درجاتهم في اول اختبارات

ما تتجاوز الـ 25, واحد منهم جاب في الماث تقريباً إن ما خانتني ذاكرتي 18 او 17

والفيزياء جاب 20 حتى الحاسب الآلي يقولي خبصت في الاختبار النظري..

وفي النهائي كلنا طلعنا مبسوطين من الفيزياء لأنه كان سهل لكن الماث كان اختبار مستحيل

افتكر قلي انو اخد في الماث b او c+ , لكن رفع معدله في المواد الثانية

يعني لو احد بيجيه احباط كان هو اول واحد, لكن والله شد حيله وجاه بونس اخر السمستر

وشد حيله في السمستر الثاني لأن مادتين من موادها من متطلبات الطب,

ودحين ماشاء الله عليه في كلية الطب =)

فـ إن كان الطب طموحك انصحك لا تيأسي من البداية كذا, لأن بإذن الله بيجيكم بونس يعوضكم

وفي الغالب بيكون كيرف اب لجميع الطلاب لو الكل خبص في مادة معينة

وبالتوفيق لكِ ~


::


\

[سأهزم المستحيل!]

المشاركة الأصلية كتبت بواسطة Eng.M7mmd ’’ فيه شباب اعرفهم الصراحة خبصو لين النهائي يعني تقريباً كانت درجاتهم في اول اختبارات ما تتجاوز الـ 25...لو جبت20 كان سويت حفله لكن ارجع واقول:الحمدلله على كل حاااال وكل شيء من ربي خيره حت لو كان ظاهره لايرضينااا يعني لو احد بيجيه احباط كان هو اول واحد, لكن والله شد حيله وجاه بونس اخر السمستر لازم نستفيد من تجاارب غيرنا ومانيأس فـ إن كان الطب طموحك انصحك لا تيأسي من البداية كذا, لا خلاااااااص متناااااازله عن الطب بكل جوارحي وبرضا تاااااااااام وبالتوفيق لكِ ~ الله يوووفقك ياااارب وجميع طلاب وطالباات هذي الجاامعه.........(؟؟؟؟؟؟) :: \

..............