نداء الى اهالي حايل

[سكون الورد k.a.u]

المشاركة الأصلية كتبت بواسطة نواف القصيم حائل القصيم كلها 260 كيلو ولا عندنا أرتفاع بأسعار الشقق والفنادق زي جده موفقين جميع...

صادق ولد ديرتي ..

والله يوفقكم جميع ياجيراننا
^_^

دمتم بود

[abo-yazad]

المشاركة الأصلية كتبت بواسطة سكون الورد k.a.u صادق ولد ديرتي .. والله يوفقكم جميع ياجيراننا ^_^ دمتم بود

حي الله بنت ديرتنا...

بريده أغلى من عنيزه وزحمة شوارع وبشر...

[سكون الورد k.a.u]

المشاركة الأصلية كتبت بواسطة نواف القصيم حي الله بنت ديرتنا... الله يحييك ويبقيك بريده أغلى من عنيزه وزحمة شوارع وبشر...

صحيح ، لان لاتنسى ان بريدهـ هي قلب القصيم النابض ..
وشي طبيعي بتكون زحمه ولان عليها اقبال شديد راح تكون أغلى من عنيزهـ بس طبعاً مو زي جدهـ نهائيا ً
تخيل انا علشان اروح اختبر في جده لمدة اسبوعين لازم ادفع لسكن الطالبات (خاص) 1500 ريال للغرفه ، هم طبعاً مايتعاملون الا بسعر الشهر تقعد يومين تقعد شهر كله واحد دافع الشهر دافعه .. عاد ناهيك عن اسعار الشقق اللي الشباب يقولون في محافظهم المرثيات بسبتها ، لذلك اهل حايل جيرانا اقرب لكم وأرخص لكم (القصيم)>>(ديرة العلم والعلماء) ، وان شاء الله السنوات الجايه مع تزايد طلبكم راح يفتحون لكم مركز اختبار في حايل ^_^
بالتوفيق جميعاً ..

[حائل والعقال مائل]

[size="5"]حاااااااااااااااااااااااائل سجل واحد وبيني وبينك لو يفتحون اختبار بحائل مااختبرت لان بحائل مارراح تذاكر لكن جده وجوها يالبى قلبه تقدر تذاكر وتاخذ وقتك وتغيررر جووووووووو وبالنسبه عاد هالسنه هذي بيكون حائل بررررررررررد وننحاش لجده يم الحرر والرطوبه

[الماجد 123]

الف شكر للجميع على التفاعل الطيب وجزاكم الله خير

[الماجد 123]

طيب ياجماعة ابي مدرسين خصوصين للرياضيات والانقلش والحاسب بحايل

[ليلي طويل]

جاوبوه يا أهل حاتم الطائي

[الماجد 123]

المشاركة الأصلية كتبت بواسطة ليلي طويل جاوبوه يا أهل حاتم الطائي

الف شكر وجزاك الله خير

بس الظاهر ربعنا نايمين ماحولك احد

[ابو تركي 2]

المشاركة الأصلية كتبت بواسطة الماجد 123 هلا بك اخوي وحياك الله وجزاك الله خير على الرد انا سنة تحضيرية واختباري قرب ابي اسئلك وانا اخوك وش نصايحك بخصوص السنه التحضيرية اعتمد على الكتب ولا اشتري الملخصات افضل ووين احصل الملخصات وهل لازم تكون باسماء الدكاترة حقين المواد ولالا وهل في مدرسين خصوصين كويسين في حايل انا بالعربي ماعندي سالفة ماشريت لاكتب ولا ملخصات قلت لازم اتاكد وش الافضل

هلا الماجد
اولا الله يوفقك ويسهل دربك وعقبال التخرج إن شاء الله

ثانيا السنة التحضيرية اهم سنة واصعب سنة بالجامعة وهي الي تحدد معدلك وحتى تخصصك اذا عديتها بمعدل زين الباقي كله سهل واذا بمعدل ضعيف راح تتعب حتى تتخرج
يعني شد حيلك

بالنسبة لاسئلتك
طبيعي المفروض تعتمد على الكتب لكن الحين اعتقد مايمدي فمالك الا ملخصات
بالنسبة للملخصات مافيه ملخصات باسماء دكاترة وكلها اما اجتهادات طلاب ولا تجميع من نفس المكتبة واعتقد افضلها ملخصات مكتبة دار الهدى
حاجة مهمة تأكد ان الملخص جديد وقارن فهرسه بفهرس الكتاب وتأكد ان الموجود هو فقط المطلوب بمفردات المادة
حاجة اهم
الدورات التأهيلية جدا جدا مهمة اذا مابدت احضرها ولا ابحث عنها بالمنتدى

بالنسبة للمدرسين بحايل ارسلت لك رقم مدرس رياضيات واحصاء خبرة

بالتوفيق