ارجوا من الله ثم منكم مساعدتي (بشأن الجدول)

[بدايتي]

السلام عليكم ورحمة الله

لو سمحتو والله اني ضعت انا خلصت السنة التحضيرية ولله الحمد لم احمل ولا مادة

قمت باختيار تخصص ادارة عامة مسار عام

سددت رسوم الدراسة

ولاكن مانزل الجدول رحت على ايقونة الحذف والاضافة كاتبين لي اختار المواد المراد دراستها بحد أقصى 18 ساعة

انا وش اختار وش اخلي قائمة المواد عدد شعر راسي

لو سمحتوا ساعدوني وعلموني وش اختار

بارك الله فيكم والله اني متضايق جداً

[& طالب علم &]

أخي الكريم

حاول أن تسجل موادك حسب الخطة الدراسية للقسم


مع تمنياتي لك بالتوفيق

[بدايتي]

بارك الله فيك اخوي طالب علم

اشكرك انك نبهتني على الخطة الدراسية للقسم

لاكن المشكلة الجديدة الي ظهرت لي

ان الخطة الدراسية 20 ساعة وانا اقصى ساعاتي 18 ساعة

[امـــير الشـــوق]

طيب اسدحلنااا موااادك اللي بخطتك الدراسييه وابشر باللي تبيه او شووفلك اي احد معك بالسنه التحضريه واخذ نفس مواده..

[بدايتي]

امير الشوق سادحلك المواد في المشاركة السابقة

[امـــير الشـــوق]

مدري وش سالفة الساعات عندكم.. يمكن وضعك غيرووه عناا اشووي.. وارفعوولكم ساعات الخطه الدراسيه من 18 الى 20 .. لكن ما عليك من الساعات الحين.. عليك من موادك اللي تبي تضيفها .. وتعتمد على مذاكرتك واستيعابك وفهمك وحفظك لها ..من وجهت نظري.. لو اتشيل الاقتصاد الجزئي واتخليه الترم الجاي ان شااء ربك مع المحاسبه الحكوميه وتبدا من بداية الترم عليها يكون افضل.. واتثبت جدولك على باقي المواد عندك.. هو صحيح انه عندك 4 مواد دسمه يبيلهاا سفن اب العائله وشاااي اخضر عقب كل ماده وياا دووبك تهظمهاا بس الله يعينك شد حيلك من الحين.. وبالتوفيق

[بدايتي]

بارك الله فيك اخوي امير الشوق

تم اختيار الجدول وشورك وهداية الله

لاكن صارت الساعات 17 ساعة

اتوقع قصدهم من هذي الحركة ان الاريع سنوات تصير ثمان سنوات والله اعلم

طيب الاقتصاد الجزئي ما يتعارض مع مادة اخرى السمستر القادم

[قمم الجبال]

انا حصلت لي نفس المشكلة

واضفت جميع المبادئ ومعها الثقافة الاسلامية

حسب نصيحة احد الاخوة بالمنتدى .

واكيد ان المواد دسمة بقوة ولكن الحكم لله .

وهذا حنا والله يوفقنا ويوفق الجميع.


وكان اجمالي الساعات 17 ساعة