سؤال عن التحويل أرجو المساعدة

[محمد بن عيضه]

السلام عليكم

أنا طالب في كلية الطب في رابغ دفعة 11 وودي أحول إلى كلية الهندسة
لكن ما أدري يمديني أحول ولا لا واذا يمديني اش هيا الإجراءات

أرجو المساعدة والسلام عليكم

[tkaabdu]

اعتقد يمديك الترم التاني

انا اقول استخير لاااااااااا تستعجل

بس انا مو متأكد

صح انو رابغ بعيد و كدا

الله يعينك

[rel3x]

طيب .. انا ابي احول هندسة جده؟؟
يمديني او لا ؟

[فتوووح]

اول شي انت محمد بن عيضه الي درس في مدرسة الامير مشعل بن ماجد بجده ؟

اذا نعمم يااهلا وسهلا فيك .... شوف اسمي في التوقيع وبتعرف انا مين

وانتظر اجابتي بكره على ايت حاال بعد اختبار الماث وشكرا

[AbsolutioN]

تقدر تحول و المطلوب فقط ان معدلك يكون مرتفع

راجع وكيل كلية الهندسة بجدة اذا استطعت لمزيد من العلومات

[محمد بن عيضه]

المشاركة الأصلية كتبت بواسطة فتوووح اول شي انت محمد بن عيضه الي درس في مدرسة الامير مشعل بن ماجد بجده ؟ اذا نعمم يااهلا وسهلا فيك .... شوف اسمي في التوقيع وبتعرف انا مين وانتظر اجابتي بكره على ايت حاال بعد اختبار الماث وشكرا

صحيح أنا محمد عيضه اللي كنت في ثانوية الامير مشعل بن ماجد كشفتني متلبس في محاولة هروب من كلية الطب ههههههه


ممكن انت سهيل عموما والنعم فيك سواءً كنت سهيل ولا واحد ثاني
وبانتظار ردك

[محمد بن عيضه]

المشاركة الأصلية كتبت بواسطة absolution تقدر تحول و المطلوب فقط ان معدلك يكون مرتفع راجع وكيل كلية الهندسة بجدة اذا استطعت لمزيد من العلومات

الله يعطيك العافية لكن قصدك لازم يكون معدلي عالي الحالي ولازم يكون المعدل الي بعد مايعدي الترم الاول عالي يعني عشان أوضحلك أنا الآن معدلي 4.56 يعني الحمدلله عالي لكن أكيد بعد مايعدي الترم الاول بينخفض معدلي كثير

أتمنى تكون فهمت استفساري

[AbsolutioN]

المشاركة الأصلية كتبت بواسطة محمد بن عيضه الله يعطيك العافية لكن قصدك لازم يكون معدلي عالي الحالي ولازم يكون المعدل الي بعد مايعدي الترم الاول عالي يعني عشان أوضحلك أنا الآن معدلي 4.56 يعني الحمدلله عالي لكن أكيد بعد مايعدي الترم الاول بينخفض معدلي كثير أتمنى تكون فهمت استفساري

ماشاء الله معدلك جدا مرتفع و كان بإمكانك انك تحول من الترم الأول وبدون اي مشاكل

بإذن الله في اسوأ الإحتمالات معدلك ما هينزل على 4.30 و هذا معدل كافي انك تحول لكلية الهندسة
قدم على طلب تحويل كلية على نهاية الترم الأول و ان شاء الله سوف يتم قبول طلبك دون اي مشاكل

[محمد بن عيضه]

طيب ممكن تسألي اقدر احول ذحين او اعتذر عن الترم ذا والترم الثاني أحول لان المشكلة انو ذا الترم اول ترم ليه في كلية الطب وحسب الأنظمة لازم اكمل ترم بعدين احول لكن اكمل وانا على مقاعد الدراسة ولا ممكن اعتذر عن الترم بعدين احول على الترم الثاني هنا السؤال

[سيـمو]

الله يوفقك يا اخوي