كلن شكا حظه اليا خاب مرة وش حيله اللي عاش عمرة بلا حظ

[غدر الايام]

السلام عليكم
ابغى اقول مشكلتي وماابغى منكم الا انكم تنصفوني مالي غيركم
ماعندي احد اشكيله همي
مشكلتي انه محد يحبني ومحد يفهمني مهما يكون تصرفي خير او شر مايعجب احد
ماعندي صديقات ولا حتى قريبات ف سني اغلب وقتي جالسه لحالي كان عندي صديقه بس تفارقنا انا وهي
لان كل همها مااغلط بحق اي احد ولا ادافع حتى عن نفسي حتى لما اي وحده من صديقاتها تغلط بحقي وارد بأي كلمه تسبني
وتجرحني ماتبيني ادافع عن نفسي بأي شكل
المشكله اني طيبه وحنونه بس مااحب اي احد يغلط بحقي
صح اني عصبيه شوي بس مو انا الوحيده اللي اعصب كل الناس تعصب وانا اذا زعلت من احد وغلطت بحقه ارجع اعتذر منه واتحسف
نفسي يكون عندي صديقه تبرد قلبي وتحبني بكل صدق وتحب لي الخير ورغم اني اشوف نفسي طبيعيه الا اني اسمعهم دايم يقولوا عني مجنونه
لاني من سنين كانت نفسيتي تعبانه بس انا ألحين بخير الحمدلله تصوروا صديقتي اللي ذكرتها قبل شوي هي اكثر وحده تعرف وش كثر اتضايق اذا سمعت هالكلمه
ودايم اشكيلها والمصيبه قبل فتره جات قالتلي الكل يقول عنك مريضه نفسيا وانا شكلي بصدقهم
وربي جرحتني حيل ماتوقعت اني ممكن اسمعها منها لاني حيل احبها ومااحب ازعلها
وربي كل ماافتكر كلامها ابكي وألحين تفارقنا انا وهي لأسباب جدا تافهه بس هي طلبت فراقي وانا ماترددت لاني ماعاد ارتاح معاها كل همها صديقاتها ورضاهم
وانا ماقد دافعت عني ولا قد وقفت معي حتى بأوقات مرضي ماتتصل تسأل عني
ونادرا ماتتصل فيني انا اللي دايم اتصل فيها بجد تعبت
ماعندي ولا نص صديقه
ونفسيتي زفت حتى بالجامعه مااعرف احد بجد وش تنصحوني فيه الوحده ذبحتني
ومهما شغلت نفسي الا مايكون عندي وقت فراغ ومافي اي احد يقدر يعيش بدون شخص يكون قريب منه يسمع له ويفهمه
اسفه طولت بالكلام بس والله مهمومه وماعندي غيركم ..

[الدُنيا مدرسة]

حبيتي,, أولاً الله يفرج همك ويبعد عنك كل ضيق..
بالنسبة لوضعك.. أنا شايفه انك تحتاجي شوية ثقة بنفسك أولاً.. ثانياً حاولي تنسي أو ع الأقل تطنشي كل الكلام السلبي اللي ينقال عنك..
وفوقت فراغك حاولي تستفيدي منه بأي شيء يسليك عن التفكير في اللي انتي فيه,,
حاولي تشاركي لو فنشاطات عندكم وفعاليات,, أو في المصلى .. وبكذا بتقدري تكوني صديقات يعينوك ع الخير إن شاء الله..
وبالتوفيق ياعسل..

[~*~ ملكة الليل ~*~]

يااااعمري عليكي

انا مستعدة إني اكون صديقة لكي بمعنى الكلمة

وعلى فكرة دي مو صديقة , دي انسانة تافهه تجري ورى البناات الهاي هاي على قولتهم

[منـــــــو]

الله يكون في عونك

بس في هالزمن ما في صداااااااااقة تدوم(وجهة نظر)

أنا في حياتي كان لي صديقة وحده صديقة الطفولة ...ويوم كبرنا تفرقنا هي بالرياض وانا بجده
...والحين بالجامعة ..طبعا أنا انتساب...لي صديقتين بس...حتى ما أكلمهم إلا وقت الدراسة...
ووحده منهم أفضفض لها عن مشاااااكلي وهمومي...
واالباقي الصراحة كلهم مؤقتااااااات ...يعني وقت الملخص والاختبارات ..الجوال ما يسكت...وباقي السنه ماحد داري عني...
وبحياتي الحالية...لا يوجد أي صديقة...(ولا أبغى صديقات)
حتى في عملي..علاقاتي سطحية...صدق اني أسولف معهم و أضحك...بس أغلب الوقت أحاول أبعد عنهم...
والله كثر الصديقاااااااات والتعارف يجيب المشاااااااااكل...
أنا جربت من أيام الثانوي والمتوسط...يوم تكبر الشلة...المشااااااااكل ما تخلص...وأبكي أكثر من إني أضحك...
حتى في عملي لما أدخل كثير مع الموظفات...تبدأ المشااكل ودي قالت ودي بتقول عنك..ما تنتهي المشاكل عشان كدا من بعيد لبعيد ...أسلم وأسولف شوي و أهرب...حتى أرقامهم ما أخذتها ...و إن طلبو رقمي أعتذر....
وحاليا ما أحاول أحتك بأحد أبد....
نصيحة....من أختك الكبيرة
والله اهتمي بدراستك ونتايجك...حاولي تتفوقي وخلي همك رضا الله ثم والديك..ثم النجاح بتفوق...
ارسمي مستقبلك وحطي أهداف حاولي توصلي لها....والله يوفقك...
وصدقيني طنشي سالفة االصداقة و البنات قالو وما قالو...خليك مع نفسك والمحاضرات..
وشوفي كيف هم يصيرو يحاولو يحتكو فيكي....
الناس تبحث عن الناجح والمتميز في حياته...

[غدر الايام]

المشاركة الأصلية كتبت بواسطة الدُنيا مدرسة حبيتي,, أولاً الله يفرج همك ويبعد عنك كل ضيق.. بالنسبة لوضعك.. أنا شايفه انك تحتاجي شوية ثقة بنفسك أولاً.. ثانياً حاولي تنسي أو ع الأقل تطنشي كل الكلام السلبي اللي ينقال عنك.. وفوقت فراغك حاولي تستفيدي منه بأي شيء يسليك عن التفكير في اللي انتي فيه,, حاولي تشاركي لو فنشاطات عندكم وفعاليات,, أو في المصلى .. وبكذا بتقدري تكوني صديقات يعينوك ع الخير إن شاء الله.. وبالتوفيق ياعسل..

تسلمي الله يسعدك ويفرج همك

[غدر الايام]

المشاركة الأصلية كتبت بواسطة ~*~ ملكة الليل ~*~ يااااعمري عليكي انا مستعدة إني اكون صديقة لكي بمعنى الكلمة وعلى فكرة دي مو صديقة , دي انسانة تافهه تجري ورى البناات الهاي هاي على قولتهم

الله يسعدك ياقلبي ويفتح عليك
اتشرف فيك اكيد واذا على صديقتي فأنا طلعتها من حياتي ومستحيل ارجعلها بعد كذا
ومستحيل انسى اللي سوته فيني ..

[غدر الايام]

المشاركة الأصلية كتبت بواسطة منـــــــو الله يكون في عونك بس في هالزمن ما في صداااااااااقة تدوم(وجهة نظر) أنا في حياتي كان لي صديقة وحده صديقة الطفولة ...ويوم كبرنا تفرقنا هي بالرياض وانا بجده ...والحين بالجامعة ..طبعا أنا انتساب...لي صديقتين بس...حتى ما أكلمهم إلا وقت الدراسة... ووحده منهم أفضفض لها عن مشاااااكلي وهمومي... واالباقي الصراحة كلهم مؤقتااااااات ...يعني وقت الملخص والاختبارات ..الجوال ما يسكت...وباقي السنه ماحد داري عني... وبحياتي الحالية...لا يوجد أي صديقة...(ولا أبغى صديقات) حتى في عملي..علاقاتي سطحية...صدق اني أسولف معهم و أضحك...بس أغلب الوقت أحاول أبعد عنهم... والله كثر الصديقاااااااات والتعارف يجيب المشاااااااااكل... أنا جربت من أيام الثانوي والمتوسط...يوم تكبر الشلة...المشااااااااكل ما تخلص...وأبكي أكثر من إني أضحك... حتى في عملي لما أدخل كثير مع الموظفات...تبدأ المشااكل ودي قالت ودي بتقول عنك..ما تنتهي المشاكل عشان كدا من بعيد لبعيد ...أسلم وأسولف شوي و أهرب...حتى أرقامهم ما أخذتها ...و إن طلبو رقمي أعتذر.... وحاليا ما أحاول أحتك بأحد أبد.... نصيحة....من أختك الكبيرة والله اهتمي بدراستك ونتايجك...حاولي تتفوقي وخلي همك رضا الله ثم والديك..ثم النجاح بتفوق... ارسمي مستقبلك وحطي أهداف حاولي توصلي لها....والله يوفقك... وصدقيني طنشي سالفة االصداقة و البنات قالو وما قالو...خليك مع نفسك والمحاضرات.. وشوفي كيف هم يصيرو يحاولو يحتكو فيكي.... الناس تبحث عن الناجح والمتميز في حياته...

وانت الصادقه بهالايام مافي صداقه حقيقيه
وكلامك صح راح اشغل نفسي بدراستي وبالمذاكره
وبحاول انسى كل شي
الله يسعدك وينور طريقك ياعسل

[دفا الروووح]

الله يريح قلبك ياعسل
انا مع منو بكل شي قالتوو
بس حابه اضيف حاجه
كتري من الاستغفار وشوفي كيف حياتك تنقلب من حزن لسعاده
سعاده نابعه من داخلك مو من الخارج ( سواء صديقات او حتى الاهل )
نصيحتي لك قوي علاقتك بربك
قال احد السلف ( من أصلح مابينه وبين الله أصلح الله مابينه وبين الناس )
الله يفرج همك يارب

[شدندن]

غدر الايام والله انا معك بس تدرين من ايش هالتفكير من الفــــــــــــراغ
الفـــــــــراغ سم بذات اللي لاتروح ولاتجي وبس جالسة بالبيت
فحاولي تشغلين نفسك بأي حاجة مثلا قراءة كتب تحبينها
وانا اتشرف تكوني صديقتي

[الشه NoOosh3 ري]

ياحياتي عليك من جد حاسة فيك ياعمري لاني مريت بنفس تجربتك تقريبا
بس انا حاطه قاعدة بحياتي دايما امش عليها
اللي يبيعك بيعيه وصدقيني راح ترتاحي