بقدره قادر (( بحث وتدريب عند شمسان )) والله مني مصدق

[شانزليزيه]

صباح الانوار

والله مسدد الرسوم باول يوم وكل يوم اشيك على الاودس ابي هالدكتور وكل ماشيك مافتحو شعبته ومثل ماذكرت لاخوي نجم عالي .. والله الايباد معاي بكل مكان

وانا اسوق وانا بالدوام وانا بالسوق وانا عالسرير

وذاك اليوم قبل اطلع من البيت رايح للمطار عندي رحله شيكت حصلتهم للحين مافتحو شعبه شمسان

وصلت المطار سويت تحديث شفتهم فتحو شعبه وحده واتعبت فل والشعبه الثانيه مقفله .. قلت خيره

وصلت وجهتي والله اول مانزلت سويت تحديث واحصلهم فاتحين الشعبه الثانيه وفللت بعد

قلت اللهم لك الحمد على كل حال ,, حطيت عند السالم وكل شوي اسوي تحديث

عديت اسبوع وانا اسوي تحديث

قررت احذف الماده وخصوصا اني ماني خريج وقلت الترم الجاي

واشوفهم فتحو شعب وماحطو اسماء عليها ومنها شعبه رقم 10 و 11

وكلها بدون اسامي واغامر قلت ياعمي اختار واحد وشوف وش يطلع وانت مو خسران

قلت بيني وبين نفسي اختار الرقم الوتر وفعلا .. اخترت 11

الحين شيكت اشوف شعبتي هي شعبه شمسان

مني مصدق

اللهم لك الحمد اللهم لك الحمد اللهم لك الحمد

فعلا واقسم بالله الواحد يصفي نيته ويجتهد ويخلص والله ربي يوفقه

حبيت اقولكم سالفتي بس :)

[ميمي2008]

الف الف مبروك

سبحان الله كنت تتمنى عند شمسان لأني كنت أشوف تعليقاتك وجاك ماكنت تتمناه

فالك الدرجات الحلوه أخوي شانزلزيه

[شانزليزيه]

الله يسمع منك يارب

واياك يارب

[mass]

الله يوفقك ويسهل علينا وعليك الدراسه ..

[شانزليزيه]

اللهم امين

الله يسهل علينا وعليكم

ونفرح بتخرجكم جميعا يارب

[مستشفى]

ههههههه
المثل يقول
حطني حظ و ارمني بحر
يا اخوك شوية حظ منك " خخخخخخخ"
لاكن ماشاء الله " عيني بارده"
والخير مايستهاله الا راعي الخير
وانت كل خيرك
المهم اتواصل معه اول باول ولا تقول انك خريج " تراه عنده خاصية يعرف الطالب انه خريج او لا " بالكلام الزين و البحث الممتاز اعلى الدرجات وخلصه بدري
خل الترم هذا اللي عندك 18 ساعة" اخبرك ماتنزل الى 15 اقصى شئ " خلص البحث ونزل مواد الصعبة وافتك منهاااا
وصلني مسجك والعذر لاني مطلوب بالدوام و الجوال اغلب شئ مقفله
وابشرك حصلت واحد بالرياض قريب مني وان شاء الله كل خير
بتوفيق

[شانزليزيه]

يابعد راسي يا فهد الخير بوجهك

ورايتك بيضا بوقفاتك الله يرحم والديك

الله يوفقك حبيبي ونفرح بتخرجك هالترم مثل مافرحنا بالملكه قبلها

وان شاء الله هالترم 18 ساعه زي ماقلت

[فتى ارامكو]

صباح الخير
انا نزلتها عند السواط وكنت مسافر
قبل السفر ماكان لا السواط فاضي
فماادر تنصنحي اكمل معه والا اجل للترم الثاني
وتتوقع يفتحو الدكاترة كمان والا خلاص؟
وياليت لوتغير الخط ياشانزليزية لانها طالعه عندي بالصيني
حاولت اعدل الترميز ولا نفع
والف شكر حبيب قلبي

[شانزليزيه]

المشاركة الأصلية كتبت بواسطة فتى ارامكو صباح الخير

المشاركة الأصلية كتبت بواسطة فتى ارامكو انا نزلتها عند السواط وكنت مسافر قبل السفر ماكان لا السواط فاضي فماادر تنصنحي اكمل معه والا اجل للترم الثاني وتتوقع يفتحو الدكاترة كمان والا خلاص؟ وياليت لوتغير الخط ياشانزليزية لانها طالعه عندي بالصيني حاولت اعدل الترميز ولا نفع والف شكر حبيب قلبي

ابشر ياعزيزي اعدل الخط - بس ترى المشكله من عندك -

نصيحتي لك اذا منت خريج لا تستعجل وتاخذها واعتبر الي صار لك هالترم بروفه طيبه وتابع مواضيع الشباب مع الدكاتره حقينهم

ويصير تنشن على دكتورين او ثلاثه

بمعنى ماجا الاول معك يجي الثاني ماجا الثاني يجي الثالث

وانت وقتها قدك ماخذ بروفه وفاهم الطبخه

فالك التوفيق ياغالي

[Tayyar]

تستاهل كل خير .. الله يوفقك :/