إستفسار عن الجدول

[الأدب قبل العلم]

السلام عليكم ورحمه الله وبركاته
يا أخوان أنا سددت الجامعة منذو ثلاثة أسابيع ولم ينزل الجدول،بعض الشباب نزل الجدول.

[wallace]

عليكم السلام ورحمة الله وبركاته

اخوي والله انا مثلك سددت قبل 10 ايام
وما نزل لي لا جدول ولا رقم جامعي
بس روحت لعمادة القبول والتسجيل
وكل واحد يرسلني للتاني
في النهايه ارسلوني على واحد الله يجزاه خير
طلب مني نسخ من الاوراق الي وديتها للدي اتش ال
وعلى طوووول عطاني الرقم الجامعي وطبع لي الجدول
فانصحك تروح لهم
والله يوفق الجميع

[wallace]

واعطيك الوصف عشان على طول تروح له
اول ما تدخل من وابة العماده روح سيدا لين تلاقي درج بوجهك ادخل يمين وامشي الى اخر السيب وطول لين نهايه السيب واول مكتب بوجهك

واسال عن واحد اسمه سعد

ولا تنسى تجيب معاك الطلبات عشان ماترجع
1/صوره من الهويه
2/صوره من شهادة الثانويه
3/صورتين شخصيه
والله يكتب لنا ولك مافيه الخير
واسف عالاطاله
وبالتوفيق

[الأدب قبل العلم]

أخي العزيز أنا مستوى الثالث -كلية الأدآب والعلوم الإنسانية -تخصص إنجليزي ولكن مانزل الجدول على الأودس.
س/هل الجدول ينزل على الأودس او من القبول والتسجيل؟

[wallace]

عليكم السلام ...

طبعا حينزل عالاودس
بس اذا تاخر(زياده عن اللزوم) تقدر تراجع عمادة القبول والتسجيل
وان شاء الله حيفيدوووووووك
وبالتوفيق للجميع