جامعتي تعلمني الأخلاق الحميدة ..!

[RHF]

السلام

آمال يا ريت بس في الجامعة

للاسف الاسلوب دا افضل شي في الحياة كلها ، وانا تقريبن متبعتو مع اغلب الناس ماعدا اهلي المقربين ( امي و اخواني )

لمن تكوني انسانة كويسة وتتكلمي بصوت واطي ، تبرري ، وتعتزري ، حتاخدي على راسك

بينما لمن تسوي قوية و تفردي عضلاتك ، حتنشالي عالراس

//

للاسف ، انا اول كنت اسلم على قرايبي ، كل ويك اند ، كل مرة اطلعلهم ، اسمع كلام يسم البدن !!
قولت خلاص محا اطلعلهم ، وسسسحبت عليهم اقوا شي ، بعدها بسنة تقريبن شفتهم ، يا بنت قسما بالله حسسوني اني انسانة مقدسة ، ايش الكلام الحلو ، يا رهف وحشتينا ، اللهم صلي على محمد ، ايش الحلاوة دي ، وانواع الدلع ،

وانا قبلها لمن كنت اطلعلهم ، تهززززززئي واخديني ملطشة عندهم ،

//

المهم ، نرجع لموضوع الجامعة ،

اول كنت لمن باكلم جوال ، اجي استأزن من الدكتورة بصوت واااااااااطي ، دكتورة ممكن اخرج اكلم ؟

تقولي لا اقعدي بعد المحاضرة كلمي ،

سرت لمن اجي باكلم في نص شرحها اخرج ارد و اخلص مكالمتي وارجع

وبالعكس فوق كدا تبتسملي ههههههههه

//

وكمان دكتورة تانية ، لمن اجيها بداية المحاضرة اقولها ممكن اليوم اخرج بدري ؟ تقولي لا يا رهف لازم تحضري المحاضرة كلللللها و بعدين تخرجي ،

ايش سرت اعمل ؟ لمن باخرج بدري ، يجي الوقت الي باخرج فيه الم بعضي اقولها انا خارجة دحين مستعجلة

تقولي اوكي رهف بس لا تنسي تسألي البنات عن باقي الاشياء الي درسناها < شايفة كيف ؟؟

هههههههههههههههههههههههههههههههههههههههههه

ما يمشو الا بالاسلوب دا ،

//

وكمان شي تاني باضيفو

في المحلات ، وقت الحساب الحريم ، نكون واقفين بالدور ، يجوكي حريم يخشو مكانك ،

اول كنت اكلمهم بأدب ( لو سمحتي اوقفي في الطابور )

تلاقيها تصرخ ، انا مسسسسستعجلة انا وانا و انا وانتي و انتي و انتي

سرت لمن يجي احد مكاني ،، اتواقح شوية

( لو سمحتي ارجعي ورايا ، لمتى الحركات الهمجية ؟؟
اتمنا تحترمي الطابور ، يلا ورايا بسرعة :@

تلاقيها وهي ساكتة ترجع ورا بعد ما طبعن ( احرجتها )

//

للاسف كل ما كنتي محترمة ( حقك يروح منك ) كل ما اتواقحتي وهجمتي ، ( تاخدي حقك )

رهف