بنآت اللي فاهمه الكيمياء تدخل ...

[صاآحبة السمو]

السلام عليكم


كيفكم شو عآملين ؟

الموهم انا موب فاهمه الكيمياء من جزئية الفلزات ومدري ايش ولمن طلبنا منها تعيد قالت ماراح اعيد حتى بالساعات المكتبيه وانا مره خايفه كل ماافتح الكتاب ماافهم منه شي
وبرضو الملخص نفس الحاله لان كله على بعضه انجلش

اللي فاهمه بليز تفهمني ووش الموضوع

[maryam.n]

السلام عليكم
اولا ,, اش اللى منتي فاهمته ؟ شابتر 2 ؟؟
الشرح بالتفصيل ان شاء الله :)
................................................
نبــدأ بسم الله ..
في اشياء اساسية لازم تعرفيها ..
المعلومة الاولى :
العدد الذري Atomic number رمزه (Z)
و عبارة عن ايش ؟؟ العدد الذري عبارة عن ((عدد الــبروتونات اللى في الذرة ))
ملاحظة : لمـا تكون الذرة مستقرة (يعني ما تدخل في نفاعلات كيميائية ,,, يعني ما تفقد ولا تكتسب)) يسير >>عدد البروتونات = عدد الالكترونات (e)
الكتـلة الذرية او العدد الكتلي Mass nuber or Atomic numberرمزها (A)
طيب عبارة عن ايش ؟؟ الكتلة الذرية عبارة عن ((عد النيوترونات(n) و البروتونات في الذرة(p) ))
طيب , دحين اش حنستفيد من المعلومات اللى فوق ؟؟ حيجي سؤال يسأل عن (p) or (n) or (e )
مثـــــــــــــــــــــــــــــــــال :
give the number of (p),(n),(e) in eash of the following :
a) carbon -14
الحل :
اولا نطلع العدد الذري للكربون عشان نطلع (كم بروتون و الكترون و ناترون فيه)
atomic num = 6 <<نطلعه من الجدول الدوري (الرقم اللى يكون فوق العنصر يكون هو العدد الذري)
n = (14 - 6)=8
e=6
p=6
.................................................. ....
المعلومة الثانية :
الجــدول الدوري :
لازم نعرف انو العلماء رتبوا عناصر الجدول الدوري عشان يكون سهل عليهم يحفظوه مع كثرة العناصر ..
لذلك انتي الان المطلوب منك التالي :
تحفظي اسماء القروبات ( القروب يكون بالطول )
ملاحظة : كل العناصر اللي في القروب الواحد تكون خصائصها الكيميائية شبيه ببعض ..
مثلا نمسك الجدول الدوري و ناخذ اول عامود على اليمين حيكون اسمه (Noble gases )or(rare elements) = الغازات الخاملة او العناصر النادرة
ثاني عامود على اليمين اسمه : Halogenes = الهالوجينات (( و تكافؤ هذه المجموعة = -1 )) يعني تكتسب واحد الكترون
طيب ..
نمسك اول عامود على اليســــــــار اسمه : Alkaline metels
و ثاني عامود على اليسار اسمه :Earth Alkaline metels
و كل العناصر اللى في وسط الجدول ( نازله على تحت) اسمها : Transition metels = العناصر الانتقالية
وكل العناصر الى تحتها اسمها :INner Transition metels = الانتقالية الداخلية
الشيء الثاني اللى لاااااااازم نعرفه و مهم اللى هو (( العناصر الفلزية(l) و الغير فلزية(non l) و الشبه فلزيه(loid) ))
طبعا لو شفتي الجدول الدوري في اول صفحة من الكتاب هو مقسملك العناصر حسب اذا فلزية او لا ..
طيب ,,
كيف ممكن الاسئلة تجي على هذه المعلومات ؟
مثال:
which of these elements is most likely to be a good conducter of electricity ??
a) N
b) S
c) He
d) Cl
e) Fe
الحل :
السؤال بيقول اش اكثر عنصر (موصل ممتاز للكهرباء) = (فلز) لان من خصائص الفلزات انها موصلة ممتازة للكهرباء و الحرارة
طبعا انتي تروحي تشوفي العنصر دا فين مكانه في الجدول الدوري ؟؟
و حيكون اللحديد Fe هو اللي موجود في اماكن العناصر الفلززية

(((((((( حنتعرف على الجدول الدوري بالتفصيل في احد الشباتر قدام ))))))))

[maryam.n]

تابع غدا ان شاء الله

[بسمة غلا]

بالتوفيقـ