هل المعـــــــــلومة صحـــــيحـــة؟؟؟

[falah1426]

المشاركة الأصلية كتبت بواسطة حامد الزاهد انا الآن غايب محاظرتين وبغيب بعد اسبوعين محاظره ثالثه..... مااقدر كل مااروح اسبوع اموت من التعب واجلس لي يومين ثالث ماقدرت استوعب وش قاعد اسوي.... اعتقد جايين ندرس بفلوس مو مجاني عشان الواحد ينحرم بهالسرعة..... بالله عليك في احد يقدر يحضر اسبوعياً................؟؟؟ 700 كيلو بالسيارة + الطيارة+ حجز سكن واستئجار سيارة وتذاكر ذهاب وعودة وطيران يحبه قلبك بس واقفين عند بوابة المطار ينتظرونا نركب..... مآسي بالساعات نجلس بالمطار

الله يعين ... تدري إني ادق مشوار 1300 كيلو على فورد 95 وأبو نايف وعزازي حاطهم على الطبلون .. واحيانا اوصل الكلية بدري واواصل لحايل أفر شوي وارجع ..
ويش نسوي وانا خوك ربي كتب لي اكون من الجنوب .. ماعندنا تطور زي القصمان

نصيحة لك .. ترى المسالة مسالة وقت بس وبتخلص الماجستير .. ولو مثلا انسحبت بعد سنتين تقول ياليتني واصلت كان ألحين مخلص ..

[حامد الزاهد]

لكن هالمشوار اللي تمشيه كم مره تروح له ..........الله يسهل عليك.....لكن انا ياخوي مضغوط من الدوام مدري من يوصل يوم الاربعاء الا واجد نفسي في قمة التعب

والإرهاق واجد امامي مسافة 700 كيلو سيارة وانتظار طيران ساعة ونص وهكذا.....

مدري صراحه وش اسوي هلكني التفكير واتعبني متمسك ماودي انسحب بس لاشفت الوضع اللي اعانيه

أتعب كثيرررررر..ياناس الكلام سهل جداً لكن الفعل شيء ثاني خالص.......

مدري ليه

[منتسب ادارة]

الله يكون بعونك اخوي حامد يعني الدراسة عنكم اسبوعيا

[falah1426]

المشاركة الأصلية كتبت بواسطة حامد الزاهد لكن هالمشوار اللي تمشيه كم مره تروح له ..........الله يسهل عليك.....لكن انا ياخوي مضغوط من الدوام مدري من يوصل يوم الاربعاء الا واجد نفسي في قمة التعب والإرهاق واجد امامي مسافة 700 كيلو سيارة وانتظار طيران ساعة ونص وهكذا..... مدري صراحه وش اسوي هلكني التفكير واتعبني متمسك ماودي انسحب بس لاشفت الوضع اللي اعانيه أتعب كثيرررررر..ياناس الكلام سهل جداً لكن الفعل شيء ثاني خالص....... مدري ليه

كل اسبوعين طبعا ... أول مرة سيارة مباشرة ابها القصيم والأسابيع الجاية من أبها إلى الرياض طيران وبعدها سيارة .. ودوامي من البيت للمدرسة يوميا 95 كيلو رايح و95 كيلو جاي !!

ياخي حاول تبرمج نفسك إنك رايح تتمشى مو دراسة وراح تشوف الوضع تغير ولا تتكدر وتفكر كل شوي في طول المدة على قولة بو نايف ( ترى بعد المدى يقصر !! ))
ترى هذي نستحق نتعب عشانها ولو ما استفدت ربع ريال منها ..

[عماد الحسن]

الله يسهل أمورك أخي حامد ،، كلنا نشعر بوضعك وهذه المعاناة الكبيرة

أنا مع نصيحة زملائك انك تكمل هذا الفصل بأي طريقة ، وفي نفس الوقت حاول تقدم على النقل لجدة ولابد أن تجد النتيجة وترتاح في الفترة الباقية ، وأنصحك لا تستسلم للتعب والأفكار السلبية ،، صدقني يوم حصولك على الشهادة رايح تفرح بها وتنسى كل النعب والجهد في دراستك كما ذكر أخي فلاح.. مع خالص الدعوات لكم.

[حامد الزاهد]

اخوي منتسب ادارة نعم الدراسة اسبوعياً......

اخوي فلاح كان الله بعونك ..... بس اسبوعين ارحم بكثير من اسبوعياً.... لان عندك فترة راحة مايقارب 13 يوم

بعكسي انا عندي فترة راحة فقط اربع ايام ونصف وكلها دوام طبعا....

ويادكتور عماد مسألة النقل الى جدة مستبعدة جدا لإن عملية عودتي لمنطقتي مرة اخرى صعبة جداً جداً...

حتى انا خايف من حاجة الا وهي الاترام الجاية؟؟ اخاف يرجع الوضع لأسبوعياً....

فهي صايرة الدعوى قويه يا انسحب من الان واتحمل نتائج انسحابي ولا اكمل واتوقف في النص واتحمل نتيجة

مواصلتي وعدم انسحابي من البداية...

[همة همة همة]

اذا لم تكن موظف في منطقتك فلما لا تسكن سكن مؤقت في جدة للدراسة
أذا كنت موظف لم لا تدرس الماجستير في هذا التخصص في نفس الجامعة الموجود في منطقتك
أذا كنت موظف ممكن لك ان تطلب من رئيس مدير جهة عملك تفرغ لدراسة الماستر .
بالتوفيق والتيسير
واستخير الواحد الأحد لأنك لا تعلم أين وضع الله لك الخير
الانسان في التفكير والله في التدبير

[حامد الزاهد]

عزيزتي همة:: انا موظف والقسم لا يوجد إلا في جدة... قسم جديد ومستحدث هالسنة واحنا اول دفعة...

وبالنسبة للتفريغ مستحيل هالشي اصل بالسنة الوحدة مايفرغون الا معلم واحد فقط بالكثير ان كان في تفريغ وفي تخصصات معينه ومحدودة....

حتى لو رعاية الشباب لان لها دخل بالبرنامج لو تعطينا تفريغ جزئي يومان على الاقل للدراسة على افضل مستوى

لكن............لا أعلم ماذا تخبيء الأيام..........

لكن كم اتمنى الآن يعطونا اجابة شافيه هل فيه امكانية ضغط المحاظرات ام لا؟؟ عشان ارتاح من التفكير

[منتسب ادارة]

اخي حامد الله يعينك ويسهل لك امورك انا بعد مشكلتي المسافة حاول تمشي وضعك وبعدين الفصول الجاية احذف مادة اذا كان عندك اربع مواد في اربع اسابيع فستكون ثلاث مواد بثلاثة اسابيع والرابع راحة اذا ممكن الحذف ومو مشكلة تتاخر فصل بالتخرج انا اقول لك ممكن ينطبق هذا عليكم وممكن ما ينطبق انا ما ادري تفاصيل برنامجكم للماجستير في التربية البدنية اتمنى لك التوفيق

[حامد الزاهد]

اخوي منتسب ربي يسهل دربك ويسعدك..... شنو تخصصك وطريقة دراستك شنهي.....

بالنسبة للنظام ماعندي اي معلومه عنه للحين... بس ودي يريحونا يعلمونا اذا بيضغطوا الجدول ولا لا...

عشان نواصل ولا ننسحب............وارجع اقول مليون مره ترى الكلام شي والواقع والفعل شي ثاني