طلاب ماجستير المحاسبه المهنية المقبولين هذا العام او من يدرسون .. بعض الاستفسارات؟

[فندام]

المشاركة الأصلية كتبت بواسطة khaledalharby نتمنى من الاخ ابو رضا والاخ فندام مساعدتنا في اعداد التقرير الخاص بمادة التحليل المالي لاني شايف فيه صعوبة ولاني قادر ابداء فيه لو طلب بحث كان اهون

ماعندك مشكلة ياأخي الكريم وانا من ناحيتي حساعدكم قدر الامكان في موضوع التقرير المالي وكمان الأخ ابورضا ماأعتقد ابدا انو حيتاخر عليكم بشي
بس بدي اعرف مين بياخد المادة مع الدكتور عبدالله عسيري ؟ ومين بياخدها مع الدكتور تركي بثشان أنا اخذتها بالفصل الأول مع الدكتور عبدالله عسيري وهنا بدي الفت نظرك ونظر الاخوان لشيئ بغاية الأهمية وهو انو موضوع التقرير المالي بيخليك تشعر للوهلة الأولى انو موضوع كبير وصعب ويحتوي على تفاصيل كثيرة وانو القيام بي يتطلب الكثير من الوقت والجهد وانو المطلوب هو تقديم تقرير مثالي وهدا الأمر يخلي الواحد يشعر ببعض القلق والتخوف من موضوع هدا التقرير لكن صدقوني ياشباب بمجرد انك تبدا بالتقرير وتمشي فيه حتتاكد انو العمليه سهلة وممكنه جدا وبإمكان اي واحد فيكم ياشبا بالمعلومات الي حياخذها بمادة التحليل المالي تقديم تقرير مالي جيد جدا والعمليه كلها بدها شوية تعب وجهد ووقت وبس فمافي داعي للتخوف الزايد من موضوع التقرير المالي
وايضا بدي الفت نظرك ونظر بقية الزملاء لنقطة بغاية الأهمية وهي انهم يبداو بدري باعداد التقرير المالي عشان مايتزنقو بالوقت لأانو الي حصل العام الماضي اننا بدأنا بالتقرير يعد الفصل الثامن الي هو تحليل النسب المالية والوقت المتاح أمامنا كان كافي الى حد ما لكن الي حصل معايا اني انضغطت كثير لأنو لاتنسو انو عندنا مواد ثانية وكان عندي بحث بمادة نظم المعلومات المحاسبية وواجبات مستمرة بمادة المحاسبة المالية فصار الواحد مطلوب منو انجاز عدة اعمال بوقت واحد وعشان كدا نصيحة لك ولبقة الشباب تبدأو في اعداد التقرير المالي قبل ماتوصلو للفصل الثامن الخاص بتحليل النسب المالية عشان تكسبو الوقت الدكتور حيعطيكم ورقة فيها اسماء الشركات المدرجة بسوق الأسهم السعودية وكل واحد حيختار الشركة الي تناسبه نصيحة لكم ياشباب ابتعدو عن شركات التأمين وشركات البنوك لأانو طبيعة والية عملها تختلف عن الشركات المساهمة الاخرى وححاول في اقرب وقت ممكن اني اطرح التقرير المالي الي اعدته وكان خاص بشركة المراعي بالمنتدى عشان تسرشدو بي لأانو انا نفسي ما كنت عارف كيف ابدا بالتقرير وحاولت الحصول على تقرير ساسق لاي من زملائنا بالدفعة السابقة عشا على الأقل استرشد بي واعرف الخطوط العريضة الخاصة بالتقرير المالي لكن دون جدوى ولكن الحمد لله اتسهلت الأمور وقدر من خلال النت الحصول على تقرير مبسط في التحليل المالي مثل بالنسبة لي بداية الانطلاقة لكتابة التقرير المالي وحددي الأمور الهامة الي يجب ان يحتوي عليها التقرير فانا مقدر الوضع الي انتو فيه ياشباب لأني قدر مريت بي وزي ماقلت ترى الموضوع سهل وبسيط ومافي داعي للتخوف او القلق الزائد منو وبالتوفيق للجميع