تجمع طالبات المستوى الثالث انتساب

[الملاك الأبيض]

المشاركة الأصلية كتبت بواسطة 989898 ربي يكتب لك في كل خطوة توفيق حبيبتي بايش تنصحينا ندخل مواد ست زي الخطة او خمس ونتأخر هذا الشي يهمني اذا ست مواد بتخفف علينا الاترام تنصحينا فيها وايش المواد الي انصحينا ندخلها مع القراة والكتابه والاستماع كمبتدئين ومايتأثرالمعدل

هلا اختي ولك بمثل مادعوتي لي ياعزيزتي .

بالنسبة لموادكم انت ترم ثالث وموادكم تعتبر قمة في السهولة +انها غير جديدة لانها مهارات مرت علينا من قبل مهارة القراءة والكتابة والاستماع ولكن الفرق هنا انكم تدرسوها بتوسع والمنهج كبير بس الحلو انو فيكم تبدوا بدري في الدراسة لانو مناهجكم ماتغيرت حملي الملفات الي تساعدك من قسم الملخصات وابدي ذاكري على بركة الله وسيري بكل ثقة ونزلي المواد القراءة والكتابة والاستماع مع بعض ولا تخافي ابدا
وتقدري تنزلي 3 مواد جنبهم وماتخافي بيمديك تخلصيهم كلهم باذن الله نحنا سوينا هيك وامدانا الوقت واخذنا درجات حلوة فلا تخافي ابدا ولا تاخري نفسك ترم

خدي ست مواد كالتالي:

مواد البيسك "قراءة+كتابة+استماع"
ثقافة اسلامية 2
فرنسي 1
مادة المواطنة وقيم الشباب او الفكر الفلسفي بس انا اقول المواطنة افضل لانو انت عندك مادة دينية فيصير تغيري فيها .

والفرنسي باذن الله راح تشوفيه وراح يكون سهل مررة عليك لانو المادة بصراحة حلوة نصيحتي الوحيدة فيها انو تحضري مع الاستاذة بتركيييز وبعد كل محاضرة تذاكري كل درس اول بأول وتكتبي الترجمة على كل كلمة والشي الي بيساعدك فيها انو تشتري نسخة مترجمة ونسخة بدون ترجمة حتى تفيدك بالفهم والحفظ اكثر وفي نفس الوقت في السنترا مايمدينا الوقت انو نكتب كل الاجوبة وراء الاستاذة ولما نعيد التسجيل مانلاقي جزء الشات فيضيع جزء كبير من الحلول فالافضل انو تكون عندك نسخة للملزمة بحيث تكون مترجمة ومحلولة لانو بتساعدك كثير وانا ايامها حصلتها من خوارزم الي في شارع الجامعة .موفقة يارب