•|| لـ طلاب التحضـ( دفعة 12 )ــيري الجدد |||•

[ُزمرد]

المشاركة الأصلية كتبت بواسطة deev عندي مشكله مأرقتني ×_× الاحصاء مني قادره افهمو رغم انو الاستاذه مرا شاطره .. انا اشتريت الكتاب بس برضو حسيت الانجلش اللي فيه مهو ماشي معايا تنصحوني بايش؟؟ اخذ ملخصات ولا اروح عند مدرسه خصوصيه ؟ واللي خايفه منو انو احنا لسا مابدأنا في الشي الصعب وانا مني فاهمه امال كيف لو رحنا بعيييد انا استاذتي اسمها ( ريم الحربي ) وسمعت كثير يمدحوها وبصراحه كلامهم في مكانو بس انا مني قادره استوعب ويدخل مخي كلامها ، !! سأأأآآآعدوني ايش اسووووي ،،

بدري عليكِ الارق

بِ النسبة لل إنقلش بما انها العائق الاول . ف محلولة ترجمي كل كلمة وكل حرف بِ مجهودك الشخصي .."

وعلى فكرة في أساتذه يأشرو ويترجمو حرف حرف .. استأذتي كانت أ.ود عفيف مرا كويسة =)

وفي نهلة كمآن .. شوفي يو يمديكِ تحولي ل وحدةةة منهم أضمن لك ان شاء الله انك تفهمي

بِ النسبة ل مادة الإحصاء ما انصحك تروحي ل مدرسة خصوصية "وقتك بيضيع + المدرسآت اللي يعتمد عليهم يروح ورا الشمس .. مستحيل تكون المدرسة الخصوصية مهما كانت متعمقه مع طلبة التحضيري انها تعرف المنهج وتعرف المطلوب زي الطالب / الطالبة اللي بيحضر يومياً للجامعة ويعرف كيف تفكير الدكاترة والحاجات اللي بيركزو عليهآ

والملخصآت كنت أشتريها حقت الستآت .. عشآن احل عليها التدريبات فقط .. اما كَ فهم وشرح ما تصلح اصلا في حاجات كانت ناقصه ف الملخصآت =)

حاولي تغيري شعبتك + ذاكري من الكتاب + حلي أسئلة الاختبارات + حلي تمرينآت الملخصآت = ان شاء الله a+

وعلى فكرة .. لو مرة مرة متعبتك حكاية الترجمه .. فَ كتآب طلبة الإنتساب تبع الستآت بالعربي ومنهجهم 80% زي منهجنآ ، تقريبا ثلاث أرباع التشآبترز نفس حقتنا.. ف لو مرا حُستي أشتري الكتآب تبعهم بالعربي واقري الدرس و ح تفهمي إن شاء الله ^_^

الماده جدددددااا سهله ما تخآفيششش ^^!
موفقة عزيزتي .."