~| أخبــآر الحذف و الإضـآفة و تنظيم الجدآول لطَـآلبـآت الإنتسـآب|~

[الملاك الأبيض]

المشاركة الأصلية كتبت بواسطة بهار السلام عليكم ورحمة الله وبركاته اخواني واخواتي كيفكم كل عام وانتوا بخير وبصحه وسلامه ونجاح ياررررب انا حابة استفسر عن الاودس اليوم فتحت صفحتي ولقيتهم كاتبينلي بالمعلومات العامه اني بالفصل 1 كييييف كدا وانا باقيلي 3 او 4 مواد بالكثير واصير في المستوى الخامس ؟؟وثانيا ياطويلين العمر حابة اسألكم على الخطه هما غيروها ولا ايه لاني مالقيت فرنسي2 وغير كدا لقيت 3 مواد حاطينها كان مكانها مقرر حر ودحين هما كاتبين ايش هي المهم كاتبين ( الشباب وقيم المواطنة و مقدمة في العلوم الطبيعية و الفكر الفلسفي في ضوء الاسلام ) الله يخليكم فهموني ايش الهرجه ؟؟ وبسألكم متى اخر موعد لتسديد الرسوم واحد عندو فكرة متى بنبدأ الدراسه واخر شي كنت حابه اخذ رأيكم في المواد اللي ناوية اخذها هذا السمستر ان شاءالله انا ناويه اخذ ريدنق1 لاني حملتو من سنة تقريبا وكمان ابغى رايتنق 2 وبصراحه كنت كمان ابغى مقررين حرين بس بعد ماشفت الخطة اتغيرت مافهمت اخذ 2 من المواد اللي كتبتلكم هي في الاقواس ولا كيف ؟؟علشان ان شاءالله وبإذن الواحد الاحد يصير باقلي رايتنق2 ومقرر حر واحد وادخل عالمستوى الخامس يارررررب ..عارفه طولت عليكم وان شاءالله مااكون لخبطتكم الله يرضى عليكم دنيا واخره محتاجه ردكم ونصيحتكم لاني متوترة هذي الايام وموقادرة افكر لاني ان شاءالله بكرة الصباح عندي عملية كبيرة وخايفه الله يستر ويكون بالعون ..صحيح انكم ماتعرفوني بس محتاجه دعائكم ومولازم تكتبوه وتتعنوا بالعكس الدعوة بظهر الغيب حلوة كمان ومشكورررين جمعيا وبالاخص ام حمدان والملاك الابيض ونور العمر لانهم دايما الله يسعدهم بيردوا عليا ويشجعوني وهما من الناس اللي بعد فضل الله فضلهم اني ماغيرت تخصصي وان شاءالله انا بحاول وبطمح اني اكمل للاخير والله يعطيكم الف عافيه ويحققلكم كل اللي تتمنوه

ربي يشفيك ويعافيك وطهور إن شاء الله . ولن انساك من دعواتي ااختي العزيزة

امم بالنسبة ياعزيزتي للمواد الجديدة فهم فعلا اضافوا 3 مواد اجبارية جديدة بدل المواد السابقة الي كانت عندنا وهي الادارة العامة والفرنسي 2 والتدريب العملي على الترجمة وابدلوها ب3 مواد الشباب وقيم المواطنة والفكر الفلسفي في الاسلام ومقدمة في العلوم الطبيعية .
وآخر موعد للتسديد اراح يكون :27-12 -1432
اما جدولك فاشوف انو لو تضيفي ريدينق 1 ورايتينق 1 وكمان مادتين من المواد الاجبارية الجديدة والافضل انو تتركي المواد الحرة للمستويات المتقدمة لانك عندها سوف تحتاجي لرفع معدلك فضلا عن انك راح تحتاجي تغيري جو من مواد الانقلش الدسمة فتكون المادة الحرة متنفس . يعني كذا يصير عندك 4 مواد ولو تبغي تزيدي حاولي تزيدي مادة ثقافة اسلامية برضو حلوة وكمان عشان تخلصي منها برضو .

وباذن الله راح تعدي العملية على خير وتكملي مشوارك الجامعي وتاخدي اعلى الدرجات اهم شي الهمة والمعنويات وضعي اهدافك نصب اعينك وربي لا يضيع تعب حدا