الله يجزاكم خير الي ابي معلومات كافيه عن قسم علم النفس

[صمت مسموع]

ويجزاكِ الف خير يارب وموفقه بأذن الله وان شالله تكوني معانا بالقسم واحب اقولك عن علم النفس انه شيق ورائع لأبعد درجه اذا كنتي تحبي ذا القسم بس مافي شي سهل في البدايه كل قسم وله صعوبته لكن علم النفس يخليكي تستوعبي الاخرين وتصرفاتهم وبيديكي دافع انك تساعدي الغير وعن نفسي بدأت اتغير كثيررر عن اول والفضل لله سبحانه وتعالى ثم لشي اللي بدرسه وحلاته انك تفهمي الشخص اللي قدامك ليه وكيف اتصرف او بيتصرف كذا وتقدري تتحكمي على تصرفاتك اكثثر وتفسريها اكثر وان شاالله انك تكوني بالمكانه والقدره اللي تأهلكِ انك تساعدي الغير وحابه اقولك انه لاتكتفي بالدراسه كثري القراءه عن ذا التخصص وادخلي الدورات المقامه بالجامعه لها فااائده كبيره وتساعدك كثيررر وهي دائما تكون في قسم شؤن الطالبات وتقام في المكتبه المركزيه لو تروحي هناك بيساعدونك والي بيدوا الدورات دكتورات من نفس القسم اولهم دكتورتي اللي زي العسل ايمان عبدالحليم والدكتوره مها سرور والباقين فيهم الخير والبركه ...

وبخصوص المواد اللي بتدرس بهذا القسم

مدخل لعلم النفس .. علم نفس نمو ... علم نفس تربوي ... علم النفس الاجتماعي ... قياس نفسي ... مدخل لتوجيه والارشاد النفسي ... علم نفس جنائي .. علم نفس عيادي ... الراي العام .. القياس النفسي .. الصحه النفسيه .. علم النفس الفسيولجي ... التوجيه والارشاد النفسي .. علم نفس الفئات الخاصه ...علم النفس المهني ..علم الأجتماع الاسري .. علم النفس المعرفي .. علم النفس التجريبي .. الفروق الفرديه .. علم نفس الشخصيه .. علم النفس العيادي .. التفسير الاسلامي لسلوك ... التأثيرات النفسيه لوسائل الاعلام

ان شاالله اني مااكون نسيت شي

المجالات الوظيفية لخريج القسم:

1- مرشد نفسي في المؤسسات التعليمية والمدارس بوزارة المعارف.

2- أخصائي نفسي في المستشفيات بوزارة الصحة.

3- أخصائي نفسي في السجون والإصلاحيات التابعة لوزارة الداخلية.

4- أخصائي نفسي في دور الرعاية النفسية بوزارة الشؤون الاجتماعية والعمل.

5- أخصائي نفسي في عمادات شؤون الطلاب بالجامعات والكليات.

6- أخصائي نفسي في القطاعات العسكرية بوزارة الدفاع.

7- أخصائي نفسي مهني في المصانع.

وبخصوص الماجستير لو عندك اي معلومه قوليها ليا لأني ناويه عليه جايبته جايبته بأذن الله

مو كأني طولتها عليكي <<<< توك تستوعبي انك طولتيها

المهم معليش مابطفشك اكثر لأنه زميلتي معايا اللحين وتقولي لاتخلي البنت تهرب من القسم من كلامك حسستني اني ثرثاره وعكس النك نيم بدل ماهو صمت مسموع صرت شريط مفروط



على العموم الله يوفقك ويسعدك وينجحك يااااااااااااااااارب بس لاتنسن ادعيلي <<< خلاص طيب