Bus 465 مادة نظم ومعلومات ادارية بالانجليزي

[Full Moon]

بسم الله الرحمن الرحيم
السلام عليكم جميعاً

بس حبيت انو نتكلم هنا على موضوع مادة نظم المعلومات الادارية بالانجليزي يللي اكتر الطلبة...<<< وانا من ضمنهم
شايفينها انها مادة صعبة، فبليز اي احد اخد هادي المادة او عندو خلفية عنها يساعدنا شوية
انا اخدتها دحين مع كمال خوالدي وبصراحة اول محاضرة لي معاه ما فهمت ولا اي كلمة حسيت نفسي ضايعة

نرجو منكم مساعدتنا في إعطاء معلومات عن المادة وعن الاستاذ كمال خوالدي

وسلامـــ

[الياقوت]

معليش ممكن أعرف أيش صار اليوم .. لانو صار لي ظرف وغبت

والله ييسرها لنا أن شاء الله

[Full Moon]

المشاركة الأصلية كتبت بواسطة الياقوت معليش ممكن أعرف أيش صار اليوم .. لانو صار لي ظرف وغبت والله ييسرها لنا أن شاء الله

ما اخدنا شيء بس قال انو نرسل بعض المعلومات زي الاسم والرقم الجامعي والايميل، وقال اسم الكتاب Managment information system بس بالله اتأكد لأنو إحنا البنات مررة الصوت واطي وكلامو اصلا ما يتفهم، فبالله اسأل يللي معاك واعطينا خبر
وقال كمان انو عندو موقع ويب ناخد منو الاشياء يللي نحتاجها
وهادا كل يللي انا فهمتو لاني مضيعة معاه مررة

[الياقوت]

شكرا

انا أحضر يوم الثلاثاء واشوف ايش الهرجة .. لانو ما اعرف احد لسى

[رفيعة الشان]

انا زيك اخذتها الترم هذا والله يستر وربي تحطممممت الصوت مو واضح
والله يستر منه سمعته مش ولا بد بس مافي غيره يدي اش نسوي >>> بروح ابكي تهئ

[Full Moon]

من جد مرررة شايلة هم دي المادة الله يعيننا بس t^t
بس اهم شيء كمان نحاول كلنا نساعد بعض هنا عشان نستفيد ^_^
وشكراً على المرور

[طافشـه]

اووووف ابداااع محاضرة امس <لا a+ ان شالله

الصوووت وااااطي وكلامه مكسسر مدري اش يقوول :(
حتى المراقبه تموووت ضحك مسوية فاهمه عليه وهي من جنبها

بس بعرف المذاكره من وين بالضبط ؟؟؟

وسمعت يقول انو راح يخلي الاختبار الكترووني -_-

الموهيم هذا توزيع الدرجات للي ماحضروا الشي الوحيد اللي فهمته الصراحه

20 دوري اول
20 دوري ثاني
20 حضور ومشاركه وواجبات ..الخ < راح يطلعها من عيوننا
40 نهائي طبعا

ومعلوماتكم ارسلوها لبنت اسالو عنها قدام تجلس لانو يبغى الايميلات والاسم والرقم الجامعي وهي تجمعها وترسلها للدكتور

وبسسس الله يستر من هذي الماده :(

[Full Moon]

المشاركة الأصلية كتبت بواسطة طافشـه اووووف ابداااع محاضرة امس <لا a+ ان شالله الصوووت وااااطي وكلامه مكسسر مدري اش يقوول :( حتى المراقبه تموووت ضحك مسوية فاهمه عليه وهي من جنبها بس بعرف المذاكره من وين بالضبط ؟؟؟ وسمعت يقول انو راح يخلي الاختبار الكترووني -_- الموهيم هذا توزيع الدرجات للي ماحضروا الشي الوحيد اللي فهمته الصراحه 20 دوري اول 20 دوري ثاني 20 حضور ومشاركه وواجبات ..الخ < راح يطلعها من عيوننا 40 نهائي طبعا ومعلوماتكم ارسلوها لبنت اسالو عنها قدام تجلس لانو يبغى الايميلات والاسم والرقم الجامعي وهي تجمعها وترسلها للدكتور وبسسس الله يستر من هذي الماده :(

ههههههههه من جد حسيت المراقبة تبغى تضحك ...<<< انا جلست اضحك على وضعنا اصلا
الله يستر وان شاء الله خيييير، وتسلمي على المعلومات ^_^
المزاكرة والله حتى انا ماني عارفة من فيين، اصلا ابغى اتاكد هو كتاب ولا اوراق ولا ايش بالزبط؟!!!
يوم الأحد ان شاء الله لمن نحضر نشوف ايش يسير

[الياقوت]

يديكم العافية .. ان شاء الله بتجمعنا ومساعدة بعضنا لبعض تتسهل الامور

تحياتي..

[Full Moon]

المشاركة الأصلية كتبت بواسطة الياقوت يديكم العافية .. ان شاء الله بتجمعنا ومساعدة بعضنا لبعض تتسهل الامور تحياتي..

إن شاء الله يا رب