اسئلة الدكتور ياسر العنقري ....

[Ali The Humble]

السلام عليكم ورحمة الله وبركاته ....


الاستاذ ياسر العنقري دكتور الكيمياء خبرنا انه ترك اسئلة في مكتبة خوارزم في مبني العلوم امام مبني الانجليزي 73 والمكتبة تصورها للي يبغى .

قبل ما تعصبوا وتقولون ايش دخلنا احب اقولكم ان الاختبار السابق واللي قبله 80% من الاسئلة كانت من الاوراق حقته ومن ال80% يمكن 60% مطابقة تماما .

الاستاذ ياسر العنقري يدرس كيمياء وبكره عنده مراجعة عامة من الساعة 12 الى 1 ظهرا . اذا تبغون تحضرون تروا الدكتور مره ما يرفض شي واطيب منه مافي بشهادة كثير من الناس .

اذا دخلتوا المحاظرة وشفتوا واحد كنه طالب يشرح اعرفوا انه الدكتور نفسه .... من التواضع والله ما تعرفونه ولا تمييزونه من غيره الله يبارك له في دنياه واخرته .

وفقكم الله وشدوا حيلكم .

اها نسيت الدكتور بندر الزهراني (احصاء) قال ان درجات الاحصاء معاد النظر فيها سواء من صحة الدرجة ام ضعفها ...

يعني خلوا عندكم امل .

بالتوفيق .

[LσvєLy HєαяT]

جزاك الله خير



وفي موازين حسناتك يارب ^___^




بس المراجعه فين حتكون ؟ في اي مبنى ؟ وكلاس كم ؟

[ROoOFaNA]

مشكور
لمساعدتك لاخوانك
وجزاك الله الف خير

[Ali The Humble]

المشاركة الأصلية كتبت بواسطة lσvєly hєαяt جزاك الله خير وفي موازين حسناتك يارب ^___^ بس المراجعه فين حتكون ؟ في اي مبنى ؟ وكلاس كم ؟

راسي بينفجر نوم عشان كذا نسيت .....

المراجعة في مبني 40 غرفة 105 اللي احنا نسميها الحفرة

والاسئلة زي ما قلت في مبنى العلوم يصورونها لك ب 4 ريال اعتقد .

[LσvєLy HєαяT]

المشاركة الأصلية كتبت بواسطة ali the humble راسي بينفجر نوم عشان كذا نسيت ..... المراجعة في مبني 40 غرفة 105 اللي احنا نسميها الحفرة والاسئلة زي ما قلت في مبنى العلوم يصورونها لك ب 4 ريال اعتقد .

تسللللللللم وما قصرت


اخر سؤال وحشقلب هههههههههههه


الاسئلة اللي في خوارزم



هيا اللي 25 صفحة ؟



واول سؤال في الصفحة الاولى عن الـ n , f , o ؟

[ROoOFaNA]

ليه ما تنزلوا نسخه منها للبنات في اي مكتبه
او نزلوها في المنتدى للكل عشان نستفيد
وشكرا

[Morouj Q]

طيب ممكن واحد منكم ينزلها لنا في اي مكتبه جنب الجامعه (دار حافظ مثلا) بس المهم تكون جنب الجامعه <<< شحاته وتتشرط

[كيتا الكتكوته]

تسلم علي ... بس ممكن احد من الاولاد ينزل الاوراق في مكتبه بره ... ازا مو تعب عليكم
و ثانكس

[Ali The Humble]

المشاركة الأصلية كتبت بواسطة lσvєly hєαяt تسللللللللم وما قصرت اخر سؤال وحشقلب هههههههههههه الاسئلة اللي في خوارزم هيا اللي 25 صفحة ؟ واول سؤال في الصفحة الاولى عن الـ n , f , o ؟

لا
الاسئلة 29 صفحة .
وما تبدا بالسؤال اللي انت كاتبه ..

طيب ممكن واحد منكم ينزلها لنا في اي مكتبه جنب الجامعه (دار حافظ مثلا) بس المهم تكون جنب الجامعه <<< شحاته وتتشرط

اية دار حافظ ؟

معليش بس دار حافظ مغطية حي الجامعة كله .

ان كان قصدكم اللي قدام بوابة 6 فا ان شاء الله احطها عنده بكره .

[كيتا الكتكوته]

المشاركة الأصلية كتبت بواسطة ali the humble لا اية دار حافظ ؟ معليش بس دار حافظ مغطية حي الجامعة كله . ان كان قصدكم اللي قدام بوابة 6 فا ان شاء الله احطها عنده بكره .

ايوا بالله ... مرررررررررره شكرا
تسلم يا علي ... ربنا يوفقك في اختباراتك ... وتجيب الفل مارك