يالدواافييير افيدوونا عن طريقة المذاكره السليمة

[نــورهـ]

المشاركة الأصلية كتبت بواسطة قدرات+90 د. نورة

المشاركة الأصلية كتبت بواسطة قدرات+90 انا مشكلتي اني خوافة ويوم لاختبار ماعرف ايش اسوي داا في حالت انا الي اداكر لنفسي اما مع مدرسة خصوصي الوضع تمام دحين انا ماابغي ادخل مدرسة لانها تضيع وقت كثير وانا اصلا وقتي مرااا قليلل وخايفة من الرياضيات انو بدون حاسبة وانا اشوف انو اساسياتي موتمام <<<شو تنصحيني ادخل مدرسة ولاادرس مع انو لحد دحين تمام مع لاستاذة وفاهمة والانجلش انا افهم معاها واحل الواجب لكن ماعرف اتكلم او اركب جمل انا لفل 2 <<ترا افكر ارجع لفل1 بس كيف؟ وهل الانقليزي له ملخص ؟ او تبسيط

- هــلا أختي ،،

- إستنتجت من كلامكـ إن أساسيات الرياضيات عندكـ مو تمام و إذا ذاكرتي لنفسكـ تكونِ خايفة و إذا كنتِ مع مدرسة تصبح أموركـ تمام،،

- نصيحتي لكـ إستمري مع المدرسة لكن بشروط كيف ؟؟ أول شيء لازم تبدأي معها من بداية الترم و تتفقِ معها من أول الترم على جدول دقيق ، يعني عشان تنجحي لازم تخططي مع مدرستك من بدري على ورقة ( لو كان التخطيط بالكلام حتنسى مع الايام ) و تتبعها معكـ مثال :- جدول الخانة الاولى فيه تقسيم الاسابيع و الخانة الثانية الكمية المحددة للدراسة و الخانة الثالثة المهارات المتقنة من الطالبة .

- الخطوة الثانية بدأتِ الاسبوع الاول مع مدرستك و انتهت معك من الفصل الاول حسب الجدول المخطط له الى هنا تمام ، بعدها إطلبي منها تكتب لك أصعب الاسئلة بعد ماتذاكري تمام و تجاوبي على الاسئلة بدون الحاسبة و اطلعي على أسئلة إختبارات السنوات السابقة و حليها بدون حاسبة و لاجل تنجحي مرني عقلك و يدك و عوديها على الحل بدون آلة و دايماً حلي تمارين لاجل اذا جاء الاختبار تقدري تجاوبِ بإذن الله ، بالنسبة للوقت مع المدرسة كونِ دقيقة في مواعيدك معها عشان وقتك لا يضيع و اطلبي منها نفس الشيء أبدا ما تضيع وقتك لا تأخذ منك زيادة أو نقصان و كونِ صارمة لابعد درجة و بيني لها أهم شيء وقتكـ و إنتِ في مرحلة تحتاجي لكل دقيقة .

- الانجلش إذا تبغي تتكلمي لازم تسمعي كثير ، ماوصلني بعد ما سئلت إن المناهج بتكون سهلة لكن مكثف و متعمق فيها أو بتوسع لكن شدي حيلكـ ، بالنسبة للملخص و التبسيط و كيف ترجعي لفل ون إعذريني ما عندي أي فكرة ، إسئلي هنا و إن شاء الله تلاقي جواب ،،،

http://www.skaau.com/vb/forumdisplay.php?f=78

- أتمنى وفقت معك في الاجابات ، لو تبغي أفصل أكثر في الشرح ما عندي مانع ، أو إذا فهمت أسئلتكـ خطأ وضحي لي و بكون معكـ ان شاء الله و إذا قدرت بساعدكـ بإذن الله ، توكلي على الله و بتكون سنة حلوة و مرحلة جديدة من حياتكـ و بإذن الله ناجحة بتفوق ،،،