تجمّــع طلاب وَ طَالبــات قـسـمــ الفـيـ Physics ـــزياء||~

[LeLou]

@ .. الظل ..

لا يا عسل أنا ما عرفتك من المنتدى،، من الجامعة..
لو تتذكري كنا مع بعض في 202 و 203 و في المعمل كمان..
و في معمل الفيزياء كنا في نفس الوقت بس كلاسين مختلفين..
و كمان عشان تتذكري زيادة:~
Skip Beat..
عرفتيني و لا لسا؟!

أنا نزلت عربي 1 + ثقافة 2 + طرق نظرية + ميكانيكا تقليدية + فيزياء حديثة + معمل الكيمياء = 16 ساعة..

و احتمال أغير شعبة المعمل أنا FC..
أبغى أخليها BB هي نفس وقت BA بس الكلاسات مختلفة << احنا متواعدين بهذي الحركة..

أنا في احساسين جوا قاعدين يتنازعوا واحد يقول لي كملي إجازة و الثاني يقول طفش خلاص روحي الجامعة..
بس شكلي ما راح أروح حتى كمان بكرا زيك يا الثلاثاء يا الأربعاء إن شاء الله..
لأنه أنا اتوقع 90 في المية مافي محاضرات زي السنة إللي فاتت..
ثاني أسبوع داومت و لا أعطوا..
و العربي و الثقافة عادة يتأخروا بسبب زحمة الحذف و الإضافة..

على العموم أنا لو استقريت على خبر اليوم بخصوص المعمل راح أروح الجامعة أشوف كيف..

أشوفك على خير يا عسل||~

[.. الظل ..]

المشاركة الأصلية كتبت بواسطة lelou @ .. الظل .. لا يا عسل أنا ما عرفتك من المنتدى،، من الجامعة.. لو تتذكري كنا مع بعض في 202 و 203 و في المعمل كمان.. و في معمل الفيزياء كنا في نفس الوقت بس كلاسين مختلفين.. و كمان عشان تتذكري زيادة:~ skip beat.. عرفتيني و لا لسا؟! أنا نزلت عربي 1 + ثقافة 2 + طرق نظرية + ميكانيكا تقليدية + فيزياء حديثة + معمل الكيمياء = 16 ساعة.. و احتمال أغير شعبة المعمل أنا fc.. أبغى أخليها bb هي نفس وقت ba بس الكلاسات مختلفة << احنا متواعدين بهذي الحركة.. أنا في احساسين جوا قاعدين يتنازعوا واحد يقول لي كملي إجازة و الثاني يقول طفش خلاص روحي الجامعة.. بس شكلي ما راح أروح حتى كمان بكرا زيك يا الثلاثاء يا الأربعاء إن شاء الله.. لأنه أنا اتوقع 90 في المية مافي محاضرات زي السنة إللي فاتت.. ثاني أسبوع داومت و لا أعطوا.. و العربي و الثقافة عادة يتأخروا بسبب زحمة الحذف و الإضافة.. على العموم أنا لو استقريت على خبر اليوم بخصوص المعمل راح أروح الجامعة أشوف كيف.. أشوفك على خير يا عسل||~

يؤ يؤ .. يَ أهلًا و سهلا و مرحبًا
إلا عرفتك ي عسل .. :)
وحشتيني ،

اممم المواد العامة بالعادة يبدأو في الأسبوع الثاني
التخصص ما ادري الترم اللي فات اخذوا الماث الاسبوع الأول اعتقد الاربعاء و ما أضمن ممكن يسووا نفس الحركة هذا الترم في أي مادة ,,

احتمال اغير المعمل كمان ، أشوف اختي المَصون عندها يوم معمل حتى 5 شكلي بأضبط جدولي معها :(

الله ييسر اللي فيه خير ، و الله يسعدكِ :")

[LeLou]

بالنسبة لمادة أمن و سلامة مختبرات الكيمياء..
Chem 200..

أنا توني راجعة من الجامعة و اكتشفت أنهم رجعوا أضافوها في الخطة الدراسية..
هي انحذفت من الخطة السنة الماضية و سألت عنها قالوا لي لا تاخذيها و الآن رجعوها..
و زبطوا الخطة كان فيها أخطاء..

عمومًا إللي ما أخذ المادة دي و حاب يضيفها أنا شخصيًا أضفتها..
//

@ الظل..
أنا اليوم رحت و مافي محاضرة طرق نظرية و الدكتورة لبنى ما كانت موجودة كنت أبغى أسألها متى راح تبدأ..
و كنت أبغى أعدي على الدكتورة ريم الطويرقي أسألها متى راح نبدأ حديثة و نسيت ..

عمومًا أنا يمكن أروح الأربعاء أشيك على سير العمل مرة أخرى..
لأني كنت أبغى أغير اليوم مفتاح اللوكر بس ما لقيت الموظفات تبع اللوكرز كانوا في قاعة المؤتمرات..

بس أكيد السبت راح نبدأ أتوقع خصوصًا المواد العامة راح يبدؤوا أكيد..
و إلى الآن ماني عارفة مين راح يدرسنا ميكانيكا يمكن دكتورة هالة؟!
إنتي رايحة بكرا و لا كيف وضعك؟!