يالدواافييير افيدوونا عن طريقة المذاكره السليمة

[نــورهـ]

المشاركة الأصلية كتبت بواسطة clood دكتوره نوره انا لدي تخويف قليل إشطب هالكلمة من قاموسكـ و من أحاسيسكـ ، كيف تحقق التوكل على الله حق توكله و إنت خايف ، ان توكلت على الله انحلت أموركـ و كل مشاكلكـ أيقنها يا ابني من قلبكـ و فوض أمركـ لله ،، انا ضعيف في اللغه الانجليزيه من ناحيه معاني كلمات يعني ما عندي محصول كلمات الي مثلي يمشي في التحضيري ولا لا صــراحة مااقدر أفيدكـ من ناحية التحضيري لان أنا من دفعة 08 يعني مادرست نظام التحضيري ، لكن بسأل لكـ ، خليكـ متابع الموضوع هنا ،، لو ماده الانجلش حفظتها هل اجيب لفل مارك وكمان افهم القرامر من ناحيه المذاكره مشكله اول ثلاث اسابيع عادي اذاكر بس الامل إكتب هدفك و طموحك و حطه على المكتب ، تبغى توصل الى وين ، اكتب انا فلان هدفي كذا و خليها قدامك هــذا اكبر دافع ، الهدف ، الهدف ، الهدف إجعل اهدافك و طموحك أهم من اي شيء في الحياة ،، و إجعل قدامك انك تكون شخص غير عادي في الحياة وهل يعني وقت التحضيري يكون وقتي مذاكره يعني ننسى البلاستيشن والاشياء هذي لانو كلام الاعضاء احس مافي وقت وناسه انا ابي احقق طموحي وخايف

- تدري إنكـ قاعد تجاوب نفسكـ ، تبغى تحقق طموحكـ إذن لازم تشد حيلكـ ، مادام مالي تجربة مااقدر اقول التحضيري سهلة أو صعبة لان الناس قدرات ، لكن قرأت هنا في المنتدى إنها سهلة و ان هالكلام الي ينقال كله إشاعات ، نظم وقتكـ بين الدراسة و الترفيه وإجعل نسبة الدراسة أكثر لانكـ في مرحلة حساسة ياتدخل التخصص الي تبغاهـ او تدخل اي شيء ، انسى الخروج و البلاي استيشن لان مو هذا وقتها ، او يوم واحد في الاسبوع ترفيه إجعل ربكـ و دروسك و الجامعة اهم شيء و انتبه حاول لا تغيب و لا يوم ، و المذاكرة المذاكرة ، خذها قاعده في حياتكـ إلي يتعب و هو صغير يرتااااااح و هو كبير ،،،

- بالنسبة للانجلش من خبرتي الخاصة حفظ الكلمات و معانيها له دور كبير في فهم الاسئلة ، لا تعقد نفسك من هالناحية ، كل يوم احفظ خمس كلمات حسب قدرتكـ و حاول تستخدمها بس لو تنطقها عشان تثبت و بالطريقة الي كتبتها بتساعدك لو طبقتها في الحفظ ، القرامر في الانجلش جدا سهل لانها قواعد ثابتة ماتتغير فلخص القواعد في دفتر خاص بها و ذاكرها تمام و اهم شيء طبق عليها تمارين و بتكون بعدها سهلة ، طبعا هالكلام قبل الاختبارات يعني أول بأول كل يوم بيومه ،،،


بإذن الله تحقق طموحكـ و ربي يوفقكـ حط المذاكره قدامكـ ، قبل بداية الترم او نهاية الاسبوع خذ عمرهـ و ادعي الله فيها بتضرع و اطلب منه التوفيق و السداد و إلتجىء اليه و بيقذف في قلبك حب المذاكرة و فالكـ الدرجات العالية ،،

برفع لكم كتاب مهارات دراسية ، و ان ماكنت تقرأ عن طريق النت الكتاب موجود في جرير و كتاب ادرس بذكاء و ليس بجهد ،،

تابعوا الموضوع ممكن اضيف لكم طرق ثانية ،،


اسأل الله لكم التوفيق و التفوق و السداد ،، ان شاء الله ماانسى و أسال لكـ على الانجلش و برد لك هنا ،،

موفق ،،