معلومانكم عن هذي المواد..!

[aboodi70]

السلام عليكم ورحمة الله وبركاتة..

انا ارغب في دراسة المواد التالية لهذا الفصل إن شاء الله وابغى معلومات عن المواد ودكاترتها....

مبادئ محاسبة 102
تحليل كمي204
ادارة اعمال بالانجليزي
ادارة عمليات
نظم معلومات ادارية
التطوير التنظيمي واعادة التنظيم


وشكرآ...

[طافشـه]

مبادئ محاسبة 102 << اسهل من 101 بكثيييير
تحليل كمي204 << ماده عملية حسابات سهله بس يبي لها مذاكره
ادارة اعمال بالانجليزي<< تافهه بس نفس الشي يبي لها مذاكره اول باول لانها انجلش
ادارة عمليات << نظرريه وفيها كم مسأله سهله بس المادة طووويلة
نظم معلومات ادارية << نظريه بحتتته و مو سهله طوووويله يبي لها جهد
التطوير التنظيمي واعادة التنظيم << ماعندي فكرة بس اللي اعرفه انها نظرية

ماادري اشوف لو تحذف وحده من ال 3 المواد الاخيرة وتاخذ ثقاافه لان جدولك دسسم شوي

موفق

[الوزير السابق]

مبادئ محاسبة 102
سهله بس تحتاج الى حل تمارين والمنهج يعتبر طويل شوي



تحليل كمي204
ركز عليها وتمرن من بدري على جميع انواع المسائل الموجودة في الكتاب
ماراح يخرج الاختبار منها


ادارة اعمال بالانجليزي
اهم شئ في هذي المادة تعرف وش المطلوب من خلال حضور الدورة
لانه راح يركزون على فصول معينه يجي الاختبار منها



ادارة عمليات
المادة هذي سنه يخلونها مسائل وعلمية وسنه تكون نظري
وهي سهله بس يبي لها حقها من المذاكرة

نظم معلومات ادارية
منهج طويل وممل والاختبار جانا شامل للمنهج


التطوير التنظيمي واعادة التنظيم

لم ادرس هذه المادة




انا اشوف لو تحذف ايضا من جدولك تراه والله احسه ثقيل

احذف المحاسبة لانها ليست متطلب لشئ واستبدلها بثقافة او نظم المعلومات الادارية لو ماتحب الحفظ

التحليل الكمي وادارة العمليات لاتحذفها لانها متطلبات وايضا ادارة اعمال بالانجليزي

[القوس]

مبادئ محاسبة 102
أساسها 101 و هي أسهل من 101بس الأساسيات مهمة مرة..
تحليل كمي204
مسائل أغلبها سهلة بس يبي لها تدريب..
ادارة اعمال بالانجليزي
مادة سهلة و الترجمة راح تساعدك كثير..
ادارة عمليات
ما أتذكر المقرر بالضبط..
نظم معلومات ادارية
مادة بس فيها معلومات كثيرة و كلام طويل..
التطوير التنظيمي واعادة التنظيم
مادة حلوة و متسلسلة و مو صعبة..

بالتوفيق للجميع..

[aboodi70]

ياشباب انا مضطر لهذي المواد..!!؟؟

لأني سويت غلطة كبييييييرة في خطتي الجامعية,,
حذفت ترم وجمعت المواد النظرية واخذتها كلها حتى المواد الحرة والاختيارية خلصتها..

صارت اغلب موادي علمية وصعبة..
وش الحل....؟؟؟؟

[القوس]

الله يعينك يا أخوي..

بس أتوقع الحل الوحيد إنك تجمع المواد المتشابهة و تاخذها مع بعض و إن شاء الله الأعضاء يفيدونك وش المواد المتشابهة لو نزلت المواد الباقية عندك..