رأيكم بالجدول؟؟

[ساوووووووخ]

حابة آخد رأيكم بالجدول.. اقتصاد دولي..اقتصاد رياضي..اقتصاديات عمل.. اقتصاد قياسي..تأمين عام أو خاص..مادة اختيارية استثمار..

دولي ماده مره سهله وحلوه فيها تمارين وفيها كلام يعني بين البينين
بس مشكلتها الاستاذه من كثر ماصارو البنات ياخذوها اختياري صارت تصعب اسلوبها شوي
انا ع ايامي كانت انسانه بصراحة ماتتفوت بس الان الله يعينك عليها صارت شوي ناشفه و مخها معصلق مع الطالبات " إلا لو تعرفك عاد تعيشي معاها جو غير "
رياضي ترا مررررره سهل ياخذ كثير من كمي سوزان صح يقولو تظلم " وكثير كنت اشوف تجمع عند مكتبها والبنات بغو يفغصوها " بس صراحة ولله الحمد انا ماظلمتني يعني اتوقع الموضوع نصيب
عيبها انها كانت كثير تحاول تقنع البنات انهم يحولو من القسم " تبغاه " فاضي
عمل مره قصير ...ويكفي انه مع كوثر انسانه تنحط ع الجرح يبرا والله اني احبها في الله الانسانه هذي وهي الوحيده يلي كل مااشوفها اسلم عليها حقااانيه وشرحها قمه
قياسي اخذتها مع لبنى ماامزح عليك لما اقولك ....الماده مااتذكر منها شيء الانسانه هذي ابداً ماتشرح زين الله يهديها
تآمين عام مع حزين " انصحك تجمعين كل مواد حزين في ترم لانه بيقرفك " ترا مايصحح ابداً بس يحب يشوف كلام كلام كلام كلام حتى لو عنك اهم شيء كلام في كل صفحه ولا يشرح يعلق ع خط واحد ويجلس يعييد ويزيد فيه كل الترم
بس وشو تآمين خاص ؟

استثمار خذيها مع سحر صراحة كثير قالو تظلم بس والله العظيم انها عطتني حقي ايامها وزياده بعكس نسمه يلي بغثت اموت عليها اخذت معاها ماديتين وظلمتني بالثنتين
لا بارك الله فيها للحين حازه في قلبي حتى لما راجعتها تكلمني ببرود ورفضت توريني الورق