الفصول الدراسية المسموح بها

[Dawn near]

السلام عليكم ورحمة الله وبركاته

من فضلكم افيدوني في عدد الفصول الدراسية المسموح بها بعد الفصول الثمانيه الأساسية
هل المجال مفتوح ام هناك عدد محصور مثلا فصلين دراسية او اكثر

ولتوضيح اكثر انا باقي لي سنه واتخرج بس ابي اقسمها على سنتين او اكثر من اجل رفع المعدل
هل يحق لي ذلك او لا ؟

ولتوضيح اكثر

انا خلصت حاليا ست فصول دراسيه وباقي لي فصلين واكون كملت ثمان فصول دراسية اللي هي اربع سنوات

اقدر امدد واخذ اكثر من سنه يعني اقسم المواد للسنه الأخيره على سنتين او اكثر

ياليت اللي فاهم كلامي وعنده اجابه يرد علي باسرع وقت علشان على اساسها بحدد جدولي الفصل الجاي اما ازيد او انقص

[طافشـه]

مدري وين قرأته هالكلام اول مادخلت الجامعه زمان هههههههههههه

اتووقع اكثر شي 10 فصول << المجموووع

يعني تقدرين تزودين سنه بعد ال4 سنوات

[Dawn near]

الله يسعدك ياطافشه على الرد ويعطيك العافيه

[aziz8008]

كليتك اربع سنوات ينزل لك اليا سنتين يعني تصير المده للتخرج 6 سنوات


واذا اكثر من ست سنوات لازم موافقه من مجلس الكليه

[Dawn near]

يعني اقدر امدد سنتين زيادة على الأربع سنوات ؟
ياليت توضح لي لأن ودي امدد عشان ارفع المعدل

[aziz8008]

اذا خلصتي مواد الخطه ماتقدرين تمددين اذا تبغين المده تطول وزعي الساعات المتبقيه على الاترام المتبقيه

[Dawn near]

لا ما بعد خلصت مواد الخطة باقي لي حولي 50 ساعة
يعني ينفع اخذ كل سمستر 3 مواد وبكذا اتخرج خلال ست سنوات بدال اربع صح
عشان يرتفع المعدل بشكل اكبر