هناا ضعي ::استفسااااارك ::عن ..(جدولك ..وموادك )..؟؟!

[Gmoorh]

المشاركة الأصلية كتبت بواسطة back back إزا تسمحولي يا حلوات، حرد عليكي = ) أستازة هيفاء، في التنمية، في الدوريات، تجيب 5 فقرات عللي والباقي صح وخطأ، بس والله ماني قادرة أتزكر مزبوط إزا كانت تجيب اختاري، بس كلو قريب من بعض "على العموم هيا حتقلكم الأسألة كيف حتيجي إن شاء الله وإزا ماقلت أسألوها" في النهائي مافي مقالي "يعني مافي عللي" إنما كلو صح وخطأ، بس نوعين من الصح والخطأ، النوع العادي المعتاد، والنوع التاني إللي هوا تكتبلك عبارة تكون أصلًا عبارة عن تعليل، وتحطي بجمبها يا صح يا خطأ، يعني مسلًا تقلك تعاني الدول النامية من الجهل لأنها لاتواكب التكنلوجيا <<مثل ترى مو عبارة سليمة خخخ فانتي تشوفي هيا صح ولا غلط وتحطي الإشارة، ودي جات اظن حوالي 10 أو 20 فقرة يعني عارفة حطت معظم التعاليل بصيغة صح وخطأ، ودي صراحة فكرة رهيبة. والأسألة حق النهائي تكون مرررة كتيرة الصراحة، يعني تتعبي وقت الحل بس حلو لأنو كلو تقريبًا أو نص درجة = ) بس شوفي، ترى أي أي أي مثال قالتو في المحاضرة أو ناقشتو، على طول اكتبه عندك لأنها تجيبو، وأي تعليل وأي شي تقول عندو "لييييش" تعرفي إنو مجال تعليل ويجي، فاكتبي معاها طوااالي، وبالعربي، خليكي مصحصحة معاها 100% تحط درجات على المشاركة، الحضور والغياب، والتكليف وتكليفها بسيط، حتقلكم عليه. ،،، أما بالنسبة لسلوك تنظيمي مع أستازة بدرية، فالدوريات حقها حلوة ومن أبو نص درجة برضو، واظن كلو كان اختياري...ما أتزكر إزا كان فيه صح وخطأ...بس كان مليان اختياري بس برضو في كدا كم فقرة توقفي عندها شوية ^_^" تحط درجات على المشاركة، الحضور والغياب، والتكليف، وتكليفها برضو بسيط وحتديكم شرح كيف تعملوه والنهائي كلو اختياري وكتيييييير ومررة كان حلو ماشاء الله = ) <<ماني عارفة ليش بس ما افتكر إنها جابت صح وخطأ... بس على العموم الصح والخطأ والاختياري مايفرقو عن بعض، إللي مزاكرة حتحل الاتنين بإزن الله

ياقلبي ربي يسسسعدكك ويوفقكك مآقصرتي و الله

بسسَ مآتتذكري آيش كآنت تكاليفهم ؟

من قلببب آلف شككر بعتمد آخذ عندهم

[Back Back]

المشاركة الأصلية كتبت بواسطة gmoorh ياقلبي ربي يسسسعدكك ويوفقكك مآقصرتي و الله بسسَ مآتتذكري آيش كآنت تكاليفهم ؟ من قلببب آلف شككر بعتمد آخذ عندهم

آمين يارب وانتي كمان الله يوفقك وشكرًا على الدعوة إللي من قلبك = )

التكاليف:-

التنمية، طلبت مننا نتدرب لمدة 10 ساعات في أي جهة حكومية باستثناء البنوك
وفضلت إننا نتدرب في الأقسام الإدارية عشان نقدر نشوف الشغل كيف ماشي
هادا هوا الجزء الأول وعليه 10 درجات.

الجزء التاني هوا إنك تكتبي تقرير عن الجهة إللي اتدربتي عندها، والتقرير عليه 5 درجات،
تفتكري المباديء ال14 إللي اخدناهم في الادارة العامة، حق وحدة الأمر والمركزية والاامركزية والتنظيم والعدل والكلام دا كلو؟
على دا الأساس حتكتبي تقريرك، يعني حتنتقديهم وتمدحيهم بناءً على المباديء إللي اتوفرت عندهم والعكس.

السلوك، كان عبارة عن عرض بوربوينت بس بشكل خريطة ذهنية وعليه 10 درجات، عن أي فصل من الفصول إللي درستيها في المادة، وتضيفي عليه معلومة خارجية من عندك.

إن شاء الله اكون افدتك = )

[Gmoorh]

المشاركة الأصلية كتبت بواسطة back back آمين يارب وانتي كمان الله يوفقك وشكرًا على الدعوة إللي من قلبك = ) التكاليف:- التنمية، طلبت مننا نتدرب لمدة 10 ساعات في أي جهة حكومية باستثناء البنوك وفضلت إننا نتدرب في الأقسام الإدارية عشان نقدر نشوف الشغل كيف ماشي هادا هوا الجزء الأول وعليه 10 درجات. الجزء التاني هوا إنك تكتبي تقرير عن الجهة إللي اتدربتي عندها، والتقرير عليه 5 درجات، تفتكري المباديء ال14 إللي اخدناهم في الادارة العامة، حق وحدة الأمر والمركزية والاامركزية والتنظيم والعدل والكلام دا كلو؟ على دا الأساس حتكتبي تقريرك، يعني حتنتقديهم وتمدحيهم بناءً على المباديء إللي اتوفرت عندهم والعكس. السلوك، كان عبارة عن عرض بوربوينت بس بشكل خريطة ذهنية وعليه 10 درجات، عن أي فصل من الفصول إللي درستيها في المادة، وتضيفي عليه معلومة خارجية من عندك. إن شاء الله اكون افدتك = )

وي تكليف التنميه صععب والله
اتدرب مو مشكله في التقرير الله يأجرنااا

وآنتي فين تدربتي ؟

تكليف السلوك سهل بس تناقش عليه ؟

[Back Back]

المشاركة الأصلية كتبت بواسطة gmoorh وي تكليف التنميه صععب والله اتدرب مو مشكله في التقرير الله يأجرنااا وآنتي فين تدربتي ؟ تكليف السلوك سهل بس تناقش عليه ؟

لاصعب ولاشي --"

التقرير ترى كلو على بعضو اظن ما اتعدى الصفحتين،
أصلًا هيا بنفسها قالت ماتبغاه يكون أكتر من صفحة أو صفحتين، وحدة منهم.

ياقلبي المكان إللي اتدربت فيه كان ميت ومافي شغل وعشان كدا تعبت في التقرير، وحتى نسيت إيش كان، بس صحباتي راحو للوقف العلمي ووالله كرفوووهم

وبالنسبة لتكليف السلوك، لأ ما تناقش فيه.

[~Aspirant~]

المشاركة الأصلية كتبت بواسطة gmoorh وي تكليف التنميه صععب والله اتدرب مو مشكله في التقرير الله يأجرنااا وآنتي فين تدربتي ؟ تكليف السلوك سهل بس تناقش عليه ؟

المادة دي درستها
بالعكس تكليف التنمية سهل وممتع
والتقرير كتبتوا من دماااغي ههههههههههههههههه
كان تكتبي الإيجابيات والسلبيات و الحلول في المنظمة إللي رحتي لها
مثلا: عدم القدره على توزيع المسؤليات بين العاملات وتضارب المهام
عدم الإنضباط بالوقت ... هيك يعني
وأخذت الدرجة كاملة
تدربت في مرآكــز الأحياء كان قريب مننا ورحت له
لا تخافي وناسسسة

[انا والتاريخ اصحاب]

دودي ووحشتني ايامك انتم ابطل البنات ربي يحفظكم ويوفقكم وتترخو بتفوق

بنات اذا ماعليكم امر ممكن تصورو قائمه الشعب فديتكم