خاص بمواد طلاب وطالبات كلية العلوم

[بيو كيميائية ^_^]

وعليكم السلامـ

لي عودة مع المواد كلها اللي درستها

[Dr-MeMoo]

المشاركة الأصلية كتبت بواسطة بيو كيميائية ^_^ وعليكم السلامـ لي عودة مع المواد كلها اللي درستها

في إنتظاااااااارك

[Dr-MeMoo]

أسمحوووولي أبدأ
بس ياريت كل عضو يبين تخصصة الدقيق..
.........................

التخصص علم حيوان..

المادة الأولى
أحياء عامة Bio 110
المادة دراستها عربي وإنجليوي ودراستها عن طريق السلايدات..
ومقسم المنهج لعدة شباتر
ومحتوى المنهج بيتكلم كمدخل عام عن الاحياء..
وطريقة الإختبارات إختيارات
مايخرج من التست بنك..
طبعا بيطالبو الطلاب إنهم يشترو كتابين ( مقدمة علم الأحياء ) للأسف تكلفتهم الإثنين فوق الـ 250 ريال
عشان تاخد السيريل نمبر
وتدخل على الموقع الخاص بالكتاب وتحمل السلايدات اللي بيشرحو منها وهيا مترجمة..
وتطلع على التست بنك فقط
اللي للأسف ماتقدر تحملة أو تطبعة..
ويعذروني أنا حسيت المسألة جدا ربحية عشان الكتاب..
وبالنسبة للدكاترة اللي بيدرسو المادة
في الدكتور أيمن القاضي
والدكتور جمال صابر<<<بيدرسو عنو د. أيمن و د. هيثم.
وفي كم واحد كمان..
لكن خدها عند أي دكتور لن المادة عامة والأسئلة موحدة
ويرأس المادة أ.د. نبيه باعشن <<<مألف الكتاب
ملاحظة: بالنسبة للتست بنك إنتبهو يختلف في أجزاء بسيطة
لأن في بعضها متوفرة في الشقري والخوارزم فيها إختلاف عن المقرر..

وليا بااااااك لباقي المواد
وأي إستفسار تحت أمركم

[Dr-MeMoo]

المادة التانية
أحياء عامة Bio 202

دراست المادة عربي والمادة جدا حلوووووه
رغم الدش اللي فيها لكن الدكاترة اللي بيدرسوها لزيييييزين..
والمنهج بيتكلم عن الجينات والصفات الوراثية والغدد والأمراض الوراثية
والأجهزة في الكائنات والهرمونات النباتية والحيوانية..

بالنسبة للإختبار
حيكون إختيارات وصح وخطأ ووصل
ويجيب رسمة تكتب عليها البيانات<<< في إختبار الفاينل والنصفي..
والمادة شرحها باوربوينت قبل الإختبار بيعطيكم هوا..
والشرايح مقسمة لشباتر كل شابتر بينتهي ببنك تست
وهيا اللي بيجي منها أغلب الإختبارات الإختياري
أما الصح و الخطأ بيكون من دش السلايدات..
والحلو فيهم إن الكلام المهم في السلايد مضللين علية بحيث الطالب يركز على النقاط المحددة..
وبيجبو منو الصح والخطأ وأكمل إدا توفر..
وبالنسبة للدكاترة
بدرسوها الترم دا
الدكتور حسن عشماوي
والدكتور دا خطيييير حبوووب ومايركز على التأخير أو الغياب وبيساعد الطلاب<<<أخدت عندو المادة.
والتاني إسمو الدكتور طارق محرم أنا بصراحة ما أعرفو لكن بعضهم يمدحووه..
لكن أوصيكم بالعشماوي..

وبالنسبة لمعمل المادة
المعمل جدا ظرييييييف
يمكن كانو تلات معامل أو أربعة بالكتيييير
والإختبار بيكون جزئين جزء سلايدات تذكر إسم الشريحة..
والجزء التاني جزء نظري إختيارات نفس إختيارات النظري..

حاولت أرفعلكم بوربوينت المادة بس الظاهر في مشكلة مو راضي يحمل

وأي إستفسار تحت أمركم
وليا باك لباقي المواد