استفسار عن التحويل من كلية الى كلية

[elyas alben]

السلام عليكم ورحمة الله تعالى وبركاته

كل عام وانتم بخير

طبعا الجميع يعلم ان الدراسة ستبدأ في أقل من أسبوعين ، إن شاء الله

انا كنت طالب في السنة التحضيرية ، و الان أنا طالب في كلية الاقتصاد و الادارة

يا شباب هذا مستقبلي و ياليت تساعدوني في تحديده ، و تعطوني نصايحكم و تعتبروني أخ لكم ..

أنا أريد الإنتقال من الإدارة و الإقتصاد إلى كلية الهندسة

ما هي الخطوات أو الأمور التي يجب علي فعلها ؟
و أتمنى التفاصيل تكون كاملة وواضحه ..

و بالنسبة لي الإقتصاد و الإدارة

هل تنصحوني أتوكل على الله و أدرس فيها ؟

و يا ليت تعلموني إيش أفضل تخصص فيها ، و إيش مزايا الكلية ؟

رجاء رجاء رجاء تساعدوني ترا كلها ١٠ أيام و أنا محتار و خايف

إن شاء الله ما تقصروا معايا

في النهاية أسأل الله العظيم أن يوفق كل من ساعدني في تحديد مستقبلي و إختيار الطريق الصحيح ..

[Dina-s-b]

بالنسبة للخطوات انا راح اقولك اللي اعرفو..

اول شي انت معدلك يدخلك ولالا؟
لو يدخلك روح العمادة عندكم وكلمهم قولهم انا معدلي كدا كدا ويدخلني وابغى احول..
بالنسبة لو ما يدخلك واقل من اخر نسبة دخلت..
هنا انا اللي اعرفو انو التحويل مستحيل دحين =( بس جرب كلمهم يمكن يوافقو الله اعلم..
بس لو ماوافقو عندك انو تدرس سنة وترفع معدلك وتقولهم ابا احول..=)
بس ما اعرف في كليات معينة تدرسها ولا كل الكليات عادي الاحسن انو احد غيري يفيدك فالموضوع..

بالنسبة لكليه الاقتصاد والادارة كل التخصصات فيها مميزة انت روح وشوف فقسم الاقتصاد والادارة واسال عن التخصصات وشوف انت ايش عاجبك..ممكن احد يجيك يقول محاسبة لانو هوا يحب المحاسبة ممكن احد تاني يقول ما ادري ايش تخصص تاني يعني كل واحد وميولو والشي اللي هوا يشوفو انت اسال وشوف كل التخصصات وبعدين قرر =)

واكيد طبعا انصحك انو تكمل فيها لانها الكلية مو ضعيفة ولا شي محد يبغاه مثلا..!!
وغير كدا انت ماعندك خيار تاني يعني لو ماحولوك ايش حتسوي؟؟ عندك جامعه تانية تروحها؟؟؟
لو ماعندك فالافضل انو تجلس فيها وتدرس والله يوفقك فيها وما تعرف الخير فين =) وترى الاقتصاد حلوة ومطلوبة كتير =)

بالتوفيق واتمنى انو افدتك باللي اعرفو =$

[Dя.βℓυε ₥αя[G]яiττα]

^
يعطيهآ عآفيه الاخت دينآ

بآضيف شي .. اذا مآحولوك تقدر ترفع معدلك لأعلى من 4.5 وتحول إذآ مآخآب ظني