فديتكم تعآلوآ شويه << طفشت ومآني فآهم

[قلوبٌ تريد وربٌ يشآء]

السلام عليكم

من العايدين ومن الفايزين حبايبي

عندي استفسار

انا انقبلت في كلية العلوم في رآبغ على طول من غير سنه تفحيطييه
يعني على طول رآح ابدآ ادرس في الكليه بآركووولي
للاسف رآح اضرب يوميا مشوار 300 كيلو من جده لرابغ ادعولي اوصل بالسلامه :(

استفساري عن التخصص

هل انا رآح اتخصص في اول سنه وابدأ والا اول سنه راح تكون درآسة المواد عامه ( فيزكس , كيمياء , احياء ... )

وللمعلوميه الدراسه هيا 4 سنوات


اللي يعرف تكفون يفيدني

وابغى اسألكم انا صراحه اهبل مره في الانقلش والكتب كلها انجليزي .. انتو كيف تشوفها صعبه يعني والا يسهلوها .. والله شايل هم اللغه مره

بس هوا هذا خلصت استفساراتي < شفتو كيف اسئلتي قليله وسهله

فديتكم والله فديتكم

[LeLou]

و عليكم السلام و رحمة الله و بركاته..

ابغى أسألك سؤال قبل لا أجاوب على أسئلتك بعد إذنك..
كيف انقبلت في كلية من غير تحضيري،، أيش مكتوب عندك في البطاقة أو في الأوديس؟!
و لا هذي مزحة؟!

[قلوبٌ تريد وربٌ يشآء]

^

اهنين وسهنين

جد والله مآ امزح من غير تخضيري في رابغ
وهذي اول سنه لهم بهذا النظام يعني انا اول دفعه
وبس طلاب مافي للطالبآت

البطاقه اللي معايا مكتوب فيها
جآمعة الملك عبدالعزيز
كلية العلوم برابغ

للمعلوميه : الكليتين الوحيده اللي تقبل بدون تحضيري هي ( كلية الاعمال + العلوم والاداب ) برآبغ

تكفون افيدوني في استفساراتي

[LeLou]

المشاركة الأصلية كتبت بواسطة قلوبٌ تريد وربٌ يشآء ^ اهنين وسهنين جد والله مآ امزح من غير تخضيري في رابغ وهذي اول سنه لهم بهذا النظام يعني انا اول دفعه وبس طلاب مافي للطالبآت البطاقه اللي معايا مكتوب فيها جآمعة الملك عبدالعزيز كلية العلوم برابغ للمعلوميه : الكليتين الوحيده اللي تقبل بدون تحضيري هي ( كلية الاعمال + العلوم والاداب ) برآبغ تكفون افيدوني في استفساراتي

صراحة أول مرة أسمع بالنظام دا كويس في تقدم..
أعتذر بس من جد أنا انفجعت لما دريت انه في احد دخل علوم من غير تحضيري..

بالنسبة لأسئلتك:~

هل انا رآح اتخصص في اول سنه وابدأ والا اول سنه راح تكون درآسة المواد عامه ( فيزكس , كيمياء , احياء ... )

على اعتبار انك ما درست تحضيري فاحتمال أنه أول سنة أو أول سميستر يدرسوك المواد العامة لأنها تعتبر متطلب كلية على ما أظن..
فما أعرف إذا راح يجبروكم بيها أو يخلوكم تتخصصوا على طول..
عشان تعرف ادخل على الأوديس،، و اختار الخطة الدراسية للقسم و شوف المواد إللي نازلة لك..

وابغى اسألكم انا صراحه اهبل مره في الانقلش والكتب كلها انجليزي .. انتو كيف تشوفها صعبه يعني والا يسهلوها .. والله شايل هم اللغه مره

بالنسبة للإنجليش الكتب بالإنجليش و الدراسة عمومًا إنجليش بس الدكاترة يشرحوا عربي..
بس المصطلحات إنجليزية..
بالنسبة للغة أنا أحسها مو مرة تأثر لأنه حتى لو كانت لغتك قوية ما راح تكون على إلمام كبير بالمصطلحات العلمية و ممكن تتعب من دي الناحية..
و عن نفسي أنا في مصطلحات صرت أعرفها بالإنجليش ما أعرف معناها بالعربي..
راح تتعب ممكن شوية في البداية مع المصطلحات الجديدية بس بعدين على طول راح تتعود عليها..

بالتوفيق،، و أعتذر على الإطالة||~

[بيو كيميائية ^_^]

أول سنة ماراح تتخصص راح تكون سنة تحضيرية في العلومـ

وبعدها تتخصص

بالنسبة للإنجليزي لاتخاف ولاتشيل هم راح تتعود وبعدين ماراح تعرف تذاكر بالعربي مثلنا

وهي مع الأيام تقوى لغتك وتكون سهلة عليك

بالتوفيق

[قلوبٌ تريد وربٌ يشآء]

LeLou

بيو كيميائيه


يديكم ألف عآفيه والله طمنتوني ع الانقلش

دعواتكم ليا

وانا فتحت الخدمات الاكاديميه من اول ولقيت كل المواد نآزله الفيزياء والكيمياء وكلو

بس اللي حيرني الموظف اللي في الجامعه لانه قال يخصصوك على طول

يالله عوافي حبايبي