المرأة السعودية مسلوبة الحقوق ، عبارة اعتادتها آذاننا حتى ملّتها !!

[RHF]

الوصاية في حالة الطلاق ؟؟

خليني اقولك على شي ، والله ثم والله ثم والله اني ماا بكزب في كلمة كاتبتها ،،

انتي تخيلي ، الوصاية على الابو اوكي ؟

انا باتكلم عن البنات عمومن ، ما يتخيرو ، يكونو مع ابوهم على طول اوكي ؟

الابو ما يصرف على العيال ، ما يحط ريال واحد ، فاهمة ايش يعني مجرد ريال ما يحطو ؟؟

ما يدري عن بزورتو شي ، ولا هو في البيت ولا يدري عنهم حتى ايش يدرسو ؟؟

فاضي للدشرة و قلت الحيا ، عطلجي ، ولا راتبو ما يجي 1000 ريال يادوب يصرفو على نفسو ،،

بيت شعبي زي الزفت ،،

//

بينما نيجي لحالة الام ، موظفة براتب 15 ألف ، بيت اللهم صلي عالنبي ،، تجيب لاولادها كلللللل شييي ،، تعرف ادق التفاصيل عن حيات اولادها ،، معاهم طوووووووول الوقت ،، تحبهم و يحبوها و يبغوها ،،

//

يجي الحاكم يحكم ، البنت مع الابو ، الاولاد يتخيرو ،،

اسألك بالله ، الدين قال البنت تترمي زي كدا ، ؟؟

الدين ليه قال البنت مع الابو ؟ مو عشان ينتبه عليها ؟؟ يصرف عليها ؟؟

طيب طالما الابو ما اتوفر فيه دا كلو ،، يقولك مجرد الابو عندو دخل سسابت و زريبة الله يكرمك يعيش فيها ، خلاص البنت تكون معاه ,,,

دا الصح ؟؟ دا هو الدين ؟؟ بالله مو ظلم و حرام كدا ؟؟

//
كمان باقول شي سمعتو ، مالو علاقة ،، بس كدا جا على بالي ,,

انا سمعت بادني ،، شيخ يقول ( الرجال قوامون على النساء )) ليه ؟؟ عشان الرجال يروح و يشتغل و يصرف و و و ، الحرمة قاعدة في البيت يجيها كل شي لحدها ، عشان كدا الرجال قوام عليها

ولو الحرمة الي كانت تشتغل وتصرف و و ، والرجال هو اللي قاعد في البيت ،، معناتو الحرمة قوامة عليه ،،

ايش رايك انتي ؟؟

//

اما القيادة انا تعبت وانا اتكلم عنها مع انو مالي فيها ولا افكر اسوق ،،

لاكن في حريم محتاجين يسوقو ، يعني بالله أأتمن نفسي على نفسي ؟ ولا أأتمن نفسي على سواق ؟ ولا اركب لوموزين ؟؟

ترا في حريم ما عندهم رجال ،،

تخيلي حتى لو تبي تقدمي على فيزا سواق و شغالة ،، لازم تكوني متجوزة ؟ او مدري ايشش !!

عمومن نرجع للسواقة ، الهرجة الي دايمن اعيد و ازيد فيها ،

صاحبت امي ، كانت مع جوزها في السيارة ، والرجال انجلط مدري ايش سار فيه ،، المهم فقد السيطرة عالدركسون ، الحرمة نطت مكانو و ساقت ،، ولا كانو ماتو هم و عيالهم ( نونوات )

انا ما ابا الفلتة و الدشرة ،

لاكن من حق ناس كتير يكون عندهم ( رخصة ) والسواقة للضرورة اقل شي ممكن يعملوه

يعني انزل اسوق سيارتي ؟؟ ولا اتصل على الاسعاف و استناه يوصلني عبال الشخص اللي عندي يموت ؟؟

ولا اجري ادورلي واحد من الجيران ولا اووقف تكسي ؟؟

بعدين لحد يقولي الشباب السعودي و مدري ايش ،، كل واحد يحترم نفسو ، ويفكر في اهلو و بس ، يتركو من بنات الناس ،

كل واحد يجي يقولك لااا الشباب السعودي ، يا ابوية خليك في نفسك و بس ،

الابو ، ازا انتا ما تبا حريمك و بزورتك يسوقو ، خلاص لا تخليهم يسوقو

الاخ / ازا انتا رافض اخواتك وامك و مرتك تسوق ، خلاص لا تخليهم يسوقو

لاكن احنا المفروض نطالب بالشي دا للحريم اللي محتاجين السيارة ، ومحتاجين يسوقوها ،

ازا كنت يا اخوية ، بتودي امك و واخواتك وما يحتاجوك ابدننننننننن ، غيرك محتاج

ازا كنتي يا بنوتة ، اخوانك بيعملولك ، وعندك ابو يجيبلك ، فكري في غيرك من البنات و الحريم

لا نكون انانيين ، خلونا نفكر في الناس المحتاجة ،،

//

والله كلام كتير ، بس الواحد ايش يقول و ايش يخلي

//