وهذا مع التوصية !!!!!(اسئلة المشروعات في القاعة قبل الاختبار )

[ابو راكان *]

بعد التحية
مبروك عليكم نهاية الامتحانات ومبروك عليكم قدوم عيد الفطر
ثانيا : ما قصروا الاخوان عزوز ز مستشفى على الفطور الطيب امسى
بسى هم قالوا تكفون لا احد يشيل الاسئلة للاختبار بس المثل يقول اذا اكرمت الكريم ......الخ
وهذا ما شفت بعيني اليوم
هذا واحنا موصين عليهم
والله يا واحد كان بجانبي ويوم الدكتور يقول جيبوا المذكرات برا والاخ شايل الاسئلة عيني عينك وراميها قدام بعدين شكلها ملفت للنظر بالدواير السوداء كنت ابي اقوم اغطيها بس فيه واحد جزاه الله خير جاب مذكرته ورماها فوقها
واذا تبون تعرفونه تراه كان بقاعه 214
في يسار القاعه عند الكراسي الفاضيه بس مو على الجدر ثاني صف لابس غترة (والله يا هو رفع ضغطي لو ما انا صايم اقوم اتوطى في بطنه)
اكيد انه عرف نفسه ؟

[طـــالـــب]

ترى بعض الناس مثل ماقلت وبعض الناس تدلخ في الامتحانات

المهم بشر جت نفسها او لا

[ممدوح حائل]

صراحه ظاهرة جدا سيئة ،،،

وانا حصل معي موقف اليوم في القاعة اثنين من الشباب جنب بعض في القاعة طبعا يعرفون بعضهم جايين سوا وقاعدين يراجعون الاسئلة ويتناقشون فيها داخل القاعة ،،، ولا همهم أحد ،، شوي ودخل الدكتور ،، صراحة من النرفزه جلست ادق لهم على الطاولة اللي بيني وبينهم على شان الفت نظرهم واشرت لهم على الدكتور ،، هم على طول لفو الورق وكل واحد دخله في مخباته ،، طيب أوكيه لكن بالطريقة هذه جهرا والعين ترا ما يصير وأكيد لو الدكتور أي دكتور لاحظ هذا الشي على طول تغيير لطريقة الاسئلة 100 % بالترم اللي بعده ،،، صراحة شي ينرفز دخول القاعة بهذا الشكل ،،،

[أبومحــمد]

هههههههههههههههههه هانت ياأبوراكان خالصنا

[فهد العنزان]

من المفترض يتم المنع من بوابة الدخول وهذا أفضل حل سبحان الله الترم الماضي تشاد طالب مع دكتور في القاعة في أختبار القانون قال له الدكتور : يا ولدي تعتقد بأن المعلومه الأن سوف تأخذها من الكتاب ؟؟؟
هذي ظاهر متفشية للاسف بالجامعه وقت الاختبارات بكل أختبار الترم الماضي بكذا قاعه لقد شاهدته من هذه العينة والمشكلة هم من الكبار !!!

[مستشفى]

المشاركة الأصلية كتبت بواسطة فهد العنزان من المفترض يتم المنع من بوابة الدخول وهذا أفضل حل سبحان الله الترم الماضي تشاد طالب مع دكتور في القاعة في أختبار القانون قال له الدكتور : يا ولدي تعتقد بأن المعلومه الأن سوف تأخذها من الكتاب ؟؟؟ هذي ظاهر متفشية للاسف بالجامعه وقت الاختبارات بكل أختبار الترم الماضي بكذا قاعه لقد شاهدته من هذه العينة والمشكلة هم من الكبار !!!

هههههههه
صح كلام ابو فيصل
بالقيادة انا واخوي عبد العزيز سيم سيم
لاكن أن شاء الله يهديهم الشباب

[أبو دانا]

حب لأخي ماتحب لنفسك

من جد عالم بصراحه قليلة خاتمة

اليوم انا شفت اثنين معهم اسئلة عزوز الي مكتوبه كتابه وعلى عينك يا تاجر

انا بفهم الحيـــــن

يوم انك تجيب الاسئلة ليه ؟؟؟ تبي تخرب على الناس الي بعدك مساكين بتتغير الاسئلة
ولا تبي الدكتور يشوفها ويغيرها ؟

بس على العموم الف مبرووووك مقدماً لكم a+ والدكتور عبدالعظيم الله يطوووول بعمره يقول هذا اخر فصل يدرس فيه المشروعات العامة والحمد لله اننا محضوووضين ان حنا درسنا معه

ولا اظن الاسئلة بتكون نفسها للسنوات القادمه لان الدكتور بيتغير


اشكر اخواااااااااااااااني المبدعــــــــــــــــين دومـــآ

مستشفى و عزوز واقولهم الله يفرجها عليكم دينا واخره وربي هذي اول مادة اجيب فيها a+ وانا وااااااااااااااثق 100% ولو فيه اي خطأ كرم الدكتور بيخليها 100%

و اللهم لك الحمد حتى ترضى ولك الحمد اذا رضيت ولك الحمد بعد الرضى


بالتوفيق للجميع

[as123456]

بصراحه فية ناس كبار في السن
لكن العقل لك عليه اشوي
فالمفروض الاسئلة حصل عليها يذاكرها ويفك نفسة من المهايطهههههه

[السريعي]

أخ مستشفى وأخ عبدالعزيز الله يعطيكم العافيه ويوفقكم على مجهوداتكم الطيبه

[ضيدان]

بعضهم يطلع من الاختبار ويترك المذكرة ونموذج الاسئلة بالقاعة!!

ساعات اقول الله يستر لا يجي احد يناقش الدكتور بالاسئلة والا يطلع الاسئلة قدامه ويقول يا دكتور انا جاوبت على هذا السؤال صح ... هل هو خطأ؟ والا جوابي صح؟؟

نصيحة
اذا لقيت نماذج او ملخصات ممتازة ....... اياك تاخذها الجامعة واذا اخذتها ... اتركها بالسيارة اذا رحت تختبر

ترى تسبب احراج للدكتور .. تلقاه كان ناوي يساعد الطلاب بس لما يشوف الوضع هذا يمكن يحقد او يسبب له احراج من باقي الدكاترة او يمكن ينظر له دكتور انه موزع الاسئلة او مسربها او يمكن حتى يتهم بانه بايعها! لا تحرجون الدكاترة اللي يحاولون يساعدونكم