كل ماتريد عن تعرفه عن سكن الكليه الشرفيه والسلامه

[خوخة القلب]

السلام عليكم ورحمة الله وبركاته

اخواتي المستجدات ابارك لكم على القبول واتمنى لكم السعاده والتوفيق

هذا الموضوع خاص للطالبات الكليه فرع السلامه والشرفيه (المتغربات )

انا راح اتكلم عن عن السسكن بشكل عام وخاص

السكن يقع في شمال جده عند دوار الفلك

الفئات الموجوده فيلو التخصص( كلية الفيصليه ) (كلية الرحاب ) التحضيري علمي (الشرفيه )
التحضيري اداري (السلامه )

السكن عباره عن 5 عمائر في كل عماره دوراين في كل دور 4 شقق
في كل شقه 3 غرف وحمام ومطبخ
يوجد مكتبه وكافتريا في باصات في اشياء للترفيه باسكت بلياردو
ولاتقلقو من ناحية الصرافه هما يودوكم يوم السبت والاثنين مع مشرفه

وكمان لاسمح الله صارلك شي مرضت يجبو الاسعاف >>مررره تعبونا من ناحية المستشفى :( الله يهديهم

الاشياء الا المفروض تجيبها معاك في السكن ثلاجه خاصه تحطيها في غرفتك وغساله وسخان لانو الا فران ممنوع واي شي يشتغل على 220 ممنوع جيبي معاك مؤنتك اذا تبغي
وجوال كام ممنوع >>بس بالدس يمشي كل شي ^_^

اللاب بالكام عاادي وانتبهي علي لانو على ايامي 4 لابات انسرقات

وفي حراسات امن الساعه 12 يدخلو كل وحده على غرفتهاا >>الله يعينكم طبعا في شي ابغا انبهكم على شي
اول ماتدخلي السكن راح ياخذو اورقك طبعا مافي شي اسمو مفتاح غرفه راح يقولولك روحي عماره رقم كذا وشوفيلك غرفه >>هذا الشي انا مرررره نرفزني

اول شي اتاكدو الغرفه مهي لاحد ولا اسالي الغرفه دي فيها خريجه
عشان تستقري نفسيا وجسديا
طبعا ماحصل معانا في السنه الا راحت
قالولنا روحو دورلكم غرف في عماره كذا روحنا انا انبسطت اني انا راح اختر غرفتي رتبت الغرفه نظفتها وفرشت السرير وسوت كل شي بس ابغا انام
:(((( جاتني وحده قالتلي لو سمحتي هذي غرفتي هيا معاها حق ماقلنا شي بس انا الا نرفزني المشرفات عشان كده اتحملووووو قد ماتقدرو انتو خلاص وقتها راح تكونو في غرربه
بنات التخصص الله يهديهم مايجو من اول اسبوع عشان كده انتبهو لاتاخو غرفهم لانو العام صارت مضاربات على الغرف انا 3 مرات نقلت من غرفتي :(

وانشاءالله كلها سنه وجيبو معدل حلو فوق 3 ونصف وينقلوكم الجامعه ان شاءالله
مررررررررره فرق سكن الجامعه عن الكليه الله يعينكم ويسهلكم اموركم


والا عندو اي استفسار انا حاااضره :) ^^بالتوفيق

وهذي الموضوع مزود بالصور الاخت بدورماقصرت
http://www.skaau.com/vb/showthread.php?t=430168

[خوخة القلب]

up
up
up

[دكتورة.]

الله يعطيج الف عافيه

بس من وين بجيب اجهزه تشتغل على 120 .؟.

[طموحاتي نطحت السحاب]

شكراااااااا علىى الموووضوع..^__^
بس عندي سؤااال؟!!
اناا رحت للفيصلية وسجلت عشان السكن ..وقالتلي الاستااازة تعالي يوم 12-10
بس قبلوااا لمن سألت الحارس حق السكن قلي تعلي 6 -10
متى اروح ايت يوووم فيييهم ؟؟؟!!!!
وفي المنتدى وحدة كاتبة تعالي يوم 11-10
ترااااااااااني مررررة متلخبطة &___&
اللي يعرف يرد سررييييييييييع *_*

[دكتورة.]

هلا فيك اختي

ماعندي المعلومات الكافية

بس ماحبيت اطنش

بس انا قدمت وحطيت اسمي عندهم وبودي اوراقي لهم 12/10

[طموحاتي نطحت السحاب]

شكرااا على الرد يا (دكتورة)
ان شاء الله انا بعد بروح يوم12-10

يااليت تكوني معااي بالسكن حق الشرفية حمااااااااااس لان حتى حلمناا زي بعض $__$

[دكتورة.]

العفوووو...


ان شاء الله بأذن الله يالغالية ...


ان شاء الله انكون ويا بعض...

[Dr.ALHOWRA]

-

بالنسبه للاجهزه 220 عادي انا كان عندي استشوار واشياء على 220 وعادي مو مشكله