ساعدوني في شرح جدولي تكفون :(

[ابتسمي]

الماده مكتوبه بالانقلش ومختصرة / رقم الماده / الشعبة / اسم الماده بالعربي / عدد الساعات / الايام / الوقت / المبنى / الغرفة


وهي مرتبة نفس الجدول

1/ الماده مكتوبة بالانقلش ومختصرة : ماراح تحتاجونها الان بس في الاختبار تكتبونها والمراقبين يقولونكم عنها

2/ رقم المادة : مهم تعرفونه عشان ماتتلخبطون بين الادبي والعلمي ومواد العلمي بالانقلش والادبي بالعربي

3/ الشعبة : مهم مهم مهم جدا تعرفونها عشان مستحيل الاساتذة بيعرفون انت معهم ولا في الكلاس 70 طالب/ة فيسالون عن شعبتك ومن ناحية اخري تحتاجونها في الاختبار تكتبون عالورق وحتى بالنتايج وكل شي

4/ اسم الماده بالعربي : عشان بس تعرفون ان هذي المادة والانقلش اختصار بس

5/ عدد الساعات : طبعا معروفه هي اللي تنضرب بالدرجه عشان المعدل ويتم تقسيمها بالمحاضرات كلها مثلا

طالب يدرس فيزياء يومين في الاسبوع

والاخر يدرس 3 ايام في الاسبوع

طبعا لاتنفجعون كلها نفس عدد الساعات

اللي ياخد احد وثلوثاء مده المحاضرة ( ساعة ونص )

واللي ياخذ سبت واثنين وربوع مدتها ( ساعة واحده )

المهم في النهايه كلهم ياخذوا 3 ساعات

6/ الايام : وهنا نجي للمهم

ترتيب الايام بالانقلش من اليسار صح ؟؟

عشان كذا تشوف من اليسار الى اليمين

sat , sun,mon,tues,wed

كل يوم يعبر عنه بالحرف الاول يعني محاضراتنا في الجامعة ياسبت واثنين واربعاءمع بعض // يا احد وثلوث مع بعض

يعني مثلا جاء في الجدول S.M.W

الاس :يعني سبت
النقطه اللي هيا يوم الاحد ماعندك ذي الماده
الام : يوم الاثنين عندك ذي الماده
النقطه : يوم الثلوث ماعندك ذي الماده
الدبليو : الاربعاء عندك ذي الماده

وقيسها على باقي الايام

7/ الوقت : وهو بداية المحاضرة وانتهائها واعرفها مزبوط عشان التاخير لان فيه دكتورات يحاسبو عالتاخير

8/ المبنى : يعني رقم المبنى ولسه في جدولك لم يتم تحديده

9/ الغرفة : هي الغرفه اللي تاخذوا فيها المحاضرة

وفيه اشياء بالنسبة للغرفه

مثلا يكتون مبنى 13 غرفه 1312

هنا يعني اخر رقمين يدل على رقم المبنى والرقمين الاولين رقم الغرفه يعني مبنى 13 غرفة 12

وهكذا عالباقي

ان شاء الله فهمت من كلامي شي <<< طلاسم خخخخخ

عالعموم اذا فيه شي مو فاهمه لايردك الا الكيبورد



اااااااه نسيت شي انت لنجلس لفل 2

وبالتووووووووفيق

دعواتك اخوي