إستفسارات بخصوص الانتساب للغة الانجليزية

[ابوتركي عبدالعزيز]

السلام عليكم ورحمة الله وبركاته

اخواني الاعزاء انا اخ لكم جديد على المنتدى والجامعه ....

طبعا انا سجلت بالموقع انتساب وارسلوا لي رسالة السداد

الاسلئه اللي احب اجابتها

1/كيف طريقة السداد؟
2/انا مسجل بالاصل ابي لغة أنجليزية فكيف يكون وضع دراستي هل بأول ترم اتخصص وادرس مواد إنجليزية او ادرس كل المواد ؟
3/ هل تكون الدراسة باللغة العربية او باللغة الانجليزية ؟
4/ الفرق بين شهادة الانتساب والانتظام طبعا بالدوائر الحكومية والتوظيف وسواها ؟


يارب بالتوفيق للجميع

[Dalia07]

المشاركة الأصلية كتبت بواسطة ابوتركي عبدالعزيز السلام عليكم ورحمة الله وبركاته وعليكم السلام ورحمة الله وبركاته اخواني الاعزاء انا اخ لكم جديد على المنتدى والجامعه .... ويامرحبا فيك نورت المنتدى وإن شاء الله راح تنور الجامعة ... طبعا انا سجلت بالموقع انتساب وارسلوا لي رسالة السداد ألف مبروك وبالتوفيق ... الاسلئه اللي احب اجابتها 1/كيف طريقة السداد؟ تقدر تسدد عن طريق النت أو الصراف الألي .. 2/انا مسجل بالاصل ابي لغة أنجليزية فكيف يكون وضع دراستي هل بأول ترم اتخصص وادرس مواد إنجليزية او ادرس كل المواد ؟ لا أخوي الحين راح تدرس السنه التحضيرية وبعدها يبدأ التسكين بالكليات ... وهذا رابط شرح للسنه التحضيريه... http://www.skaau.com/vb/showthread.php?t=417335 3/ هل تكون الدراسة باللغة العربية او باللغة الانجليزية ؟ صراحة ما أعرف وإن شاء الله يجي أحد ويفيدك / الفرق بين شهادة الانتساب والانتظام طبعا بالدوائر الحكومية والتوظيف وسواها ؟ لا يوجد فرق ولوأنهم الحين مسوين دوشة بموضوع توظيف الإنتساب.. بس ما عليك الرزق بيد رب العالمين وربك ما يظلم أحد .. يارب بالتوفيق للجميع

يارب أكون أفدتك وسامحني يا أخوي إذا قصرت ... والله يوفقك إن شاء الله

[king143]

من رأيي أن اللغة الإنجليزية لمن ليس لديه معرفة كافية ستصعب عليه في حال كونه منتسباً إذا لم يتم الإلتحاق بأحد المعاهد الخاصة .....
وأعتقد الدراسة باللغة الإنجليزية بالتأكيد

[القلب النابض]

اللي اعرفه انه السنه التحضيريه المواد كلها بالعربي عكس التحضيري انتظام

[ابوتركي عبدالعزيز]

شكرا للاخ داليا وشكرا لاخوي الكنق والقلب النابض..............

اخوي كنق انا عندي مبادي في اللغه ودارسها في دورها لمدة سبع شهور .... بصراحه انا عندي دبلوم تقنية شبكات بس مااحب اكلم حاسب الالي حاب اخذ بكالويا لغة انجليزية مع الدبلوم الحاسب اللي معايا فإن شاء الله راح اجتهد في اللغة مع المبادي اللي عندي وكذا .............. شاكر لكم مروكم وعسى الله يوفق الجميع

[مشآرِي ..]

ابو تركي بالنسبه لشهادة الانتظام والانتساب خصوصاً تخصصك لاا يفرق ابدا لمسمى الشهادة الخصص الوحيد الي يقبل من كل الجهات الانجليزي حتى تقدر انك تصير مدرس ...


بالنسبه للدراسة
السنه التحضيرية راح تدرسها بالعربي بعدين عاد اذا تخصصت انجليزي كل دراستك راح تكون انجلش

[HAMTO]

تدرس سنه تحضيريه فيها 9 مواد مقسومه ترمين 4 و5 وفي الفصل الاول انجليزي والفصل الثاني انجليزي والباقي مواد اخرى هيا ( البحث والتفكير العلمي , مهارات اتصال , لغة عربية , وثقافة اسلامية , رياضيات , احصاء , حاسب , وطبعا مادة الانجليزي مقسوم على الترمين 101 و102 . ومواد سهله جدا بس لازم مذاكره لانك لو ماذاكرت راح تندم تقول مواد سهله وماجبت معدل طبعا الانجليزي 101 سهل بس 102 يبيله شوي مذاكره وبعدين لما تخلص السنه التحضيريه تتخصص وتدرس 6 اترام وتتخرج إن شاء الله قدامك مواد كثير في قسم الادب الانجليزي واللغات الاوروبية هذا للي بيتخصص انجليزي وفيه مواد مثل لغة فرنسيه كتابين تقريبا وطبعا فيه دين ولغه عربيه بالاضافه لمواد الانجليزي الي عددها تقريبا لايتجاوز 4 مواد بالانجليزي وكتابه واستماع وتحدث وطبعا ما فيه شي صعب مع العزيمه والله يوفقك المهم متابعة المنتدى اول باول وراح يفيدونك عن اي استفسار

[ابوتركي عبدالعزيز]

اخوي مشاري شكرا لك للتوضيح

أخوي حمتوا اشكر لك تفصيلك بالرد , ولكن هل صحيح ادرس رياضيات ؟ هالمادة تسوي لي قلللللق , وكم فصل ادرسها ؟

[ابوتركي عبدالعزيز]

اخواني هل المعلومة اكيد عن دراسة مادة الرياضيات ؟؟؟ واذا كانت اكيده كم ترم ادرسها ؟؟ يعني هل ادرسها ترم واحد او سنة واحده؟؟؟ او كل الاترام الثمانية؟؟؟؟؟؟؟؟؟


up