!. ستـــــ'( الســـنة التحظيريـــة )'ــــوري .!

[شفع]

وعليكم السلام ..
نورت اخ ماجد بجامعة المؤسس .. وعسى الله لا يضيع عليك تعب ..
ولكن اسمح لي ترى دراستك بجامعة الملك عبد العزيز بجدة احسن لك من بريطانيا ..
ولا امريكا ولا قديد ولا عسفان .. في عمرك هذا .
انا عمري الان 22 سنة ومعاكم .. درست التحضيري وعمري 21 وشىء طبيعي ترى
خذني مثال وخذ الاخ يوسف هوساوي معانا بدفعة 11 .. <~ اتمنى يوسف ما يزعل بس
تدري شاللي ضيعني اني يوم تخرجت مثلك من الثانوية .. وكنت مسوي زحمة على بالي خلاص
انتهت مشاكل الحياة و بلا بلا بلا .. الخ
المهم اني وقتها ما كان عندي حماس زايد مثلك ما شاء الله عليك بالعكس حتى انتهى التقديم من الجامعات
وانا باقي رايح جاي على بالي اجازة .. وبعد الاجازة خير
ويوم يدق علي الوالد يقول ليه ما قدمت .. قلت باقي ..!؟
قال الله يهديك الناس قدموا وخلصوا <~ تم تسهيل العبارات منعاً للإحراج ;)
رحت على جامعة الباحة دايركت هذاك اليوم " اقرب جامعة لي " دخلت على عميد القبول والتسجيل وملفي بيدي .. قلت الله يجزاك خير اقبلوني ترى كان عندي مشاغل ..
قال : كم نسبتك ..
قلت : كذا وكذا .. <~ جزء من النص مفقود ..
قال : القدرات والتحصيلي
قلت : = <~ جزء من النص مفقود ..
المهم وسبحان الله يعلم الله انه قال كلمة لين الحين اتذكرها .. وقال مثلها مدير القبول بجامعة الملك عبد العزيز ..
نقزت شوي بس خل اوريك شلون وصلت لجامعة الملك عبد العزيز ..
درست بالباحة ترم ونص ترم هندسة سحبت الترم الثاني من نصه بدون احم ولا دستور ..
جلست سنة رايح جاي .. كالصعلوك طبعاً هـ السنة فهمت فيها اشياء كثيرة عن الحياة ..
السنة اللي بعدها مرت كمر السحاب .. وانا باقي احاول افهم كل شىء ..
السنة اللي بعدها دايركت على مدير القبول بجامعة الملك عبد العزيز بجده .. بس هـ المره
كان باقي ع التقديم ما انتهى ولله الحمد ..
وتم القبول .. وعديت السنة التحضيرية ولله الحمد وهذا انا هنا جالس وربك طفشان من هـ
الاجازة الصيفية لأني صيفت كثير وكل اللي ابيه الحين ان اصحى بكره يقولوا دوام ..
ان شاء الله دوام وسط السيول بس اهم شىء اطلع من جو النكد .. البارد اللي انا فيه ..

اخيراً احب اقولك لا تندم .. لا تندم نصيحه وتذكر قوله تعالى .. { قُلْ لَنْ يُصِيبَنَا إِلا مَا كَتَبَ اللَّهُ لَنَا }
ولكن احتسب الاجر على الله سبحانه بالصبر .. والله يجزاك خير الجزاء .