آرائكم فاختبار القدرات + التحصيلي

[الرٌواء]

المشاركة الأصلية كتبت بواسطة rhf مممممممم انا من دفعة 11 حياك يشرفني وجودك لاكن قولت خليني اقولك رأيي مع الشعب // ممممم ما اعتبرو حظوظ ، لاكن انتي الحظ كان معاكي ما شاء الله ،، وان شاء الله دايمن بالنسبة للقدرات ، من اسمو ، قدرااات ، كل واحد و قدرتو << بس بس انا اتزكر انو الموضوع كلو يعتمد على سرعة البديهة ، مدري ممممممم اعتقد اني جبت فيه 84 :) بس انا اموت واعرف كيف طريقة تصحيحهم وبعدين نرجع لمسألة الحظ والله فيه بنات كانوا معي ماشاء الله نوواابغ والله يعني كان مبين انهم ذكيات من ادائهم فالحصص ماجابوا شي ، طيب انا ماذاكرت وحسيت اني حليت اششياء كثيرة صح وتوقعت اجيب اعلى ، ماادري وين السبب بالضبط ، بس ماانسسسى بررد القاعة معاناة تخيلي تكتبين ورجولك تصافق ببعضهاا من البرد يعني دخلت وانا حاطة في بالي احل ، وكنت متدربة عليه ، // اما التحصيلي هههههه الصراحة كان مرة صعب احس مممممممم او امكن انا اتوهم انو صعب ؟؟ بس الاسئلة كانت مممم يعني اشياء دقيقة جدا ، او امكن انا نسيت المعلومات اللي كنت ازاكرها كانو الناس يقولو انو اسهل من القدرات ،، عمومن انا جبت فيه 73 والله كلهم جحيش بن عم جحنش نفس المستوى ،بس مادري لية احس فية تلاعب فالتصحيح يمكن الكمبيوتر غلط لية لأ < بالله // اللي باقولو ، انو ليه محسسيننا انو الجامعة حاجة مو اي احد يدخلها ؟ ليه لازم تراكمي سنوي ( نظام مطور : اولى و تاني و تالت تراكمي ) وبعدين قدرات و تحصيلي ، وبعدين ازا قفل الانتظام تدخلي تأهيلي و ازا قفل انتساب او تعليم عن بعد ، وازا ما كفت الاماكن خلاص مالك مقعد في الجامعة طيب ليه دا كلو ؟؟ انا اشوف انو من حق اي احد خلص السنوي يكمل جامعة ، مالو داعي اختبار قدرات و تحصيلي ، ليه لازم تصعيب الامور بس يقولو عشان اللي كان في مدرسة اهلية ، يجي يدخل الاختبار التحصيلي وما يعرف يحل ، ونعرف اانو المدرسة الاهلية كانو يعطوهم الاسئلة و مدري ايش ,,, لاكن في الحقيقة لمن نيجي الآن نشوف المقبولين ، حنلاقي انو اللي ما انقبلو في الجامعة مو شرط كلهم من مدارس اهلية !! ممممممم اشوف انو اللي درس 12 سنة مدرسة ، غير التمهيدي و الروضة يحقلو يخش الجامعة :) اوكي الفرص موجودة في جامعات اهلية لو ما انقبل ، ولاكن انا اقصد يحقلو يخش جامعة حكومية ، دا حقو من حقوقو كمواطن عاد اللي حاط هادي الانظمة هو ادرى ، بس ما ادري ليه هم مصعبين الامور :( صراحةً من ناحية تعقيد فهو تعقيد وبشدة ، اناشد الششقيري يسوي حلقة لنا وعن القبول فالجامعات معليه طولت ، بس الحمدولله قولت كل اللي في قلبي

شاكرة لك مرورك