الاختيار بين دبي والقاهرة

[سوسا]

المشاركة الأصلية كتبت بواسطة قلبي أماراتي أم خالد..~ دبي بدون تفكير لو سرتي أمس دبي بعد أنصحج تسيرين دبي لان كل يوم دبي غير وفي تطور .. بعطيج نصايح أهم الاماكن الي لازم تسيرينها.. 1- برج خليفه ..أهم شي المصعد لازم تجربينه عندج في آخر دور بالبرج مطعم موتوسفير اعلى مطعم بالعالم إطلالته شي خيـآل .. دشيه حتى لو لفه وعندج الطابق رقم 124 من هي تفرجي على دبي كلها ..منظر لايفوووووت عندج اعلى مسجد بالعالم داخل البرج وفي اعلى حوض سباحه بس ماجد شفته البرج فيه اشياء وايد وتستانسي داخله وماتحسين بالوقت 2- خلف برج خليفه فيه دبي مول ( اتعب وانا اقول روووعه ) مستحيل تلفينه فيوم ولا فيومين لانه كبير وايد عاد استمتعي فيه واهم شي المطعم الي برة دبي مول اجلسي واطلبي شي تاكلينه وطالعي النافورة الراقصه وعاد انتي وحظج فالمعزوفه الي بتنحط 3- مول ابن بطوطه ( خيـآآل متجسد بارض الواقع ) موجود بطريق الشيخ الزايد التقاطع الخامس وقريب من حدايق جبل علي يمثل الاماكن التي زارها ابن بطوطه ( الاندلس والصين تونس وبلاد فارس ومصر والهند ) المول ممتع ومنه تتعلمي حياة ابن بطوطه بالكامل ..رائع انصحج لاتوفتينه 4- وايلد وادي ( حديقه مائيه ) موقعها بين فندق جميرا بيتش وبرج العرب هذا اذا تحبين الالعاب المائيه والمغامرة تحسين انج في ايام سندباد 5- عندج في نفس المكان الي هو أتلانتس دبي عاد يباله صفحات بروحه وانا اكتب عنه هو عبارة عن فندق بس تختلف الاجنحه بالسعرعلى حسب الجناح على شو يطل فيهاعروض الدلافين واشياء وايد سوين عنه سرش او دشي على موقع اتلانتس وشوفي الاسعار والعروض والخدمات ...بس كلمة حق رائـــــــــــــــــــــــــــــــع 6- سكي دبي ( البسي ثجييييييل نصحتج ) موجود في الامارات مول هم بيعطونج االجاكيت والقفازات والنعال الله يكرمك بس بعد احتياط لانه بارد ولاتخافين حتى لو عندج يهال صغار بس مب عمرهم شهور فيه لهم اماكن مخصصه .. ترومين تتزلجين ترومين تلعبين بالثلج واذا ماتعرفين تتزلجي في قسم ثاني يلسات والناس هناك تصور بس يونس المكان 7- إذا ماعندج مواصلات استخدمي المترو يوصلج كل مكان ويردج بعد لنفس المكان ,, همسه: أستمتعي استمتعي استمتعي.. ف اتمنى اكون افدتج عن دبي لو قررتي تروحين في حفظ الله

صراحه انا اتحمست اروح


ولا تنسي اكيد فراري ورلد <<<< بموت و اروحها



يلا انا شكلي الحج ان شاء الله بطلع و بخلي قلب اماراتي تعملي التور حقي



ام خالد انبسسسسسسسسسسسسسسسسسسسسسسسسطي و صوري ابا اشوف

[أم خالد2010]

المشاركة الأصلية كتبت بواسطة سوسا صراحه انا اتحمست اروح ولا تنسي اكيد فراري ورلد <<<< بموت و اروحها يلا انا شكلي الحج ان شاء الله بطلع و بخلي قلب اماراتي تعملي التور حقي ام خالد انبسسسسسسسسسسسسسسسسسسسسسسسسطي و صوري ابا اشوف

هلاوغلابعروستنارمضان كريم متأخرة صح

ماشاءالله عليهاكفت وفت اناكنت محتارة وهي خلتني انسى الحيرة وعلى طوووول دبي دارالحي

انشاءالله لمن اجي انزل الصورعشان تتحمس اكثروتسافري في الحج

اكييييييييييد بنبسط وابشري باالصور

[قلبي أماراتي]

المشاركة الأصلية كتبت بواسطة سوسا صراحه انا اتحمست اروح ولا تنسي اكيد فراري ورلد <<<< بموت و اروحها يلا انا شكلي الحج ان شاء الله بطلع و بخلي قلب اماراتي تعملي التور حقي ام خالد انبسسسسسسسسسسسسسسسسسسسسسسسسطي و صوري ابا اشوف

سوســآ الله يهديج عالم فيراري موجود في أبوظبي وموقعه في جزيرة ياس التذكرة نوعين في العاديه وفي VIP وبيعطونج مع التذكرة خريطه للموقع طبعا VIP أنصحج تاخذينها لانها أحسن بيعطونج سوار للـ VIP والميزة أنه في الالعاب ماراح تنتظرين وايد وبيكون لكم صف أنتظار بروحكم وأهم شي دامج VIP تدشين صاله الملوك ورؤساء الدول هي كبيرة وايد وتينن واهم شي جربي الفورملا روسا بس لو انقطع نفسج مالي خص القطار سريع وايد وايد <<بريت ذمتي ولايهمج انتي بس حددي وين تبين تسيرين وانا بدلج إن شاء الله تزورين الامارات وتستمتعين