.:: حقيــقة وواقع أم مجرد كلامـ " طبيــعة علاقات الحب - غير المتزوجين - " ::.

[تركي4444]

اللي ابي اقولك اياه حبيب قلبي


انو صراحة صار عندي قناعة انو السعودييات ما ينفعون للزواج


والسبب الاول

اغلب البنات السعودييات كان لهم نزوات قبل الزواج الا من رحم ربي


السبب الثاني


فيهم نوع من الكسل والدلع الزائد ( الترف ) يعني مصاريفهم زائدة ويهتمون بالطلعات والاسواق والمظاهر الخارجية اكثر من زوجها وعيالها وامور بيتها


السبب الثالث

مهورهم غالية


وبس


ماقول الا خليها على ربك وانا اخوك

[مهاوي2008]

المشاركة الأصلية كتبت بواسطة تركي4444 اللي ابي اقولك اياه حبيب قلبي انو صراحة صار عندي قناعة انو السعودييات ما ينفعون للزواج والسبب الاول اغلب البنات السعودييات كان لهم نزوات قبل الزواج الا من رحم ربي السبب الثاني فيهم نوع من الكسل والدلع الزائد ( الترف ) يعني مصاريفهم زائدة ويهتمون بالطلعات والاسواق والمظاهر الخارجية اكثر من زوجها وعيالها وامور بيتها السبب الثالث مهورهم غالية وبس ماقول الا خليها على ربك وانا اخوك

لاتحكم على الكل اخوي لو سمحت ولا تجمع خصص لو سمحت

لاني اصابع يدك موسوا

وبعدين اسالك بالله ترضى لخواتك هالكلام ان تقول لهم نزوات

الحمدلله اخوي الله مدنابالعفه والطهاره

روح برا وشوف العجب

الله لا يبلانا

وعلى طاري الاسواق ترى مو بس العوديات كل الحريم كذا فطره فيهم حب التجمل والتغير

الله يهيدك بس ويصلحك

[Majed7]

المشاركة الأصلية كتبت بواسطة تركي4444 اللي ابي اقولك اياه حبيب قلبي انو صراحة صار عندي قناعة انو السعودييات ما ينفعون للزواج والسبب الاول اغلب البنات السعودييات كان لهم نزوات قبل الزواج الا من رحم ربي السبب الثاني فيهم نوع من الكسل والدلع الزائد ( الترف ) يعني مصاريفهم زائدة ويهتمون بالطلعات والاسواق والمظاهر الخارجية اكثر من زوجها وعيالها وامور بيتها السبب الثالث مهورهم غالية وبس ماقول الا خليها على ربك وانا اخوك

شوفـ أخوي تركي .. طبعا التعميم أبدا ما ينفع - هذا الكلام موجه ليـ ولك وللكل - لكن ودونـ مجاملة لـ أحد البنت السعودية كـ زوجة شيء مدعاة للفخر ( برضوا مو الكل ) ..

يعني شوفـ أمهاتنا الله يحفظهم نماذج للبنات اللي راح نتقدم لهم إن شاء الله .. بس الله يبعدنا عن البنات اللي ذكرتهم بموضوعي

وأنا أشوف أختي مهاوي كتبت الكلام اللي كنت راح أكتبه :)

موفق يا عسل ^_^

المشاركة الأصلية كتبت بواسطة qotaiba hbk كل الكلام اللي قلته صح .. أنا بأختصر معاك دي الوأتي عشان مافي كلام مرتب في راسي أبغى أقوله بس شوف .. خلينيـ أمشي معاك حبة حبة شكلك جايب العيد في الكلام اللي تحت .. حبيب ألبي السبب الرئيسي من أولياء الأمور ما في تربية صحيحة البنت ياحظي تخرج مع السواق على أساس انها رايحة المدرسة وتفاجئ انها بالصيرفي .. أحيانا تعذر أولياء الأمور مسكين تلقاه يطلع من الساعه 7 ولا رجع إلا على 5 يعنيـ باليالله يخلصـ دوامه ويأمن حياة أولاد وبناته .. العتب على البنت اللي رضيت بهالشيء - ونفس الحال للشباب - الولد طبعن ما عليه حرج في أي وقت يخرج ويكحل .. أغلب الشباب صارت عنده شيء مهم ويومي بالحياه والبنت ما تستغني .. الله يرحم الحال بس .. حتى استغفر الله لاحظت ان البنت ما عد تستحي صارت هي اللي ترقم .. والولد هو اللي يخجل وإلخ .. ذكرتنيـ بكلمه قالها خالي .. الأولاد بدؤوا يعقلوا والبنات العكس - ومن جد هذا الملاحظ - لكن مقارنة بهم في بنات كثير لسا محافظات ونعم والله فيهم .. ولازم تتعب كثير حتى تحصلهم .. هيا هنا النقطة البنات من هالنوع صاروا عملة نادرة .. الله يرزقني بوحدة محافظه وطيبه ومالها في الخرابيط ويرزقك ويرزق جميع اللي يشوفوا الموضوع :) .. في هالزمن كثير من العائلات المحترمة ما صارت تزوج بناتها لكل من هب ودب .. إلا بعد ما يطلعون ' ريحتك ' وأنا بصراحة أناشدهم كثير في هالشيء لأكثر من سبب من ضمنها اللي تم ذكرها فوق .. معاهم حق في هالموضوع .. ولو الكل طبق هالشيء راح نشوفـ الشباب ماشيين أدب بس الخوف بعد هذا كله تكون البنت خبرة والشاب الطرف المسكين برب

هههههههههه

تيت ^_^

[لانا عبدالعزيز]

الحمدلله الذي عافانا ما ابتلي به كثير من خلقك..يارب لك الحمد..

"الطيبون للطيبات والخبيثون للخبيثات"

وربي ترزقنا بالصالح من خلقه ولكم بالمثل ..

[Majed7]

المشاركة الأصلية كتبت بواسطة لانا عبدالعزيز الحمدلله الذي عافانا ما ابتلي به كثير من خلقك..يارب لك الحمد.. "الطيبون للطيبات والخبيثون للخبيثات" وربي ترزقنا بالصالح من خلقه ولكم بالمثل ..

آمين يا رب .. الله يحفظنا بحفظه :)

::

شكرا على كلامتك الرائعة اختي ^_^

المشاركة الأصلية كتبت بواسطة تلميذ منتسب 8 هذا بسبب الجفاء العاطفي التي تعيشه تلك البنت من اسرتها فهي بطبيعتها تبحث عن من يسمعها عبارات الثناء والاطراء والاعجاب والتقدير والاحترام وتحب ذلك وتشتاق اليه ولهذا عندما تُحرم تلك العبارات من اقرب الناس لها وتجده عند اناس آخرين تجدها تنساق اليه بالرغم من ثقتها وقناعتها بأن ماتفعله امر خاطئ وبالرغم من تحذيرها بان لا تصدق مايقال لها وان هذا خداع وعليها ان تنتبه ولكن نظرا للاشتياق واللهفة لذلك فهي لم تستطع ان تقاوم تلك العبارت الجميله التي يُسمعها لها ذلك الشاب والتي تقوم بإشباع رغباتها العاطفيه ولابد اذا مااريد لهذا الموضوع حل لتلك البنت التي سلكت هذا الطريق الخطير ان يكون هناك اشباع لعاطفتها سواء كانت بطرق صحيحه وهي المطلوبه او خاطئه وهي المرفوضه خاصة في وجود هذا الانفتاح الذي نعيشه وما تشاهده في الفضائيات بالاضافه الى وسائل الاتصال المتطورة والتي تسهل ذلك فهي ترى صباح مساء عبر شاشات الفضائيات والافلام الرومانسية والاغاني التي تشعل فيها تلك العاطفه وارى عند رؤية من سلكت هذا الطريق ان يكون هناك علاج نافع بعيد عن مسألة المطالبة لها بأن تبتعد وتترك هذا الطريق الخطير وانما يكون العلاج بإيجاد حل بديل ومناسب لا شباع رغبتها العاطفيه بإختصار كلمة حلوه تسمعها تلك البنت ممن يحيطون بها تغنيها عن سماعها من غيرهم

بالضبط أخوي هذا السبب الرئيسي فيـ كلـ العلاقات .. الكلمة الحلوة ما تسمعها في البيت وأقرب شخص يقولها لها راح تنجرف له :)

وبرضوا ما نحط اللوم كله على الشاب فيه بنات هما اللي يوقعوا الشباب في هالشيء ..

::

الحلـ لتجنب هالشيء مستقبلا إعطاء الاهتمام الكافي للبنت من طرف الأهلـ ..

وبرضوا أنا أشوفـ ثقافة الخطبة المبكرة لازم تتفعل - يعني خطبة والزواج بعدها بـ 3 سنوات راح يحلـ كثير من المشاكل - والشاب اللي ممكن ينقاد لهالأمور راح يغير رايه ويطلب من أهله يخطبونـ له ..


___

سرنيـ مرورك أخوي ^_^

المشاركة الأصلية كتبت بواسطة موفقة يارب .. وعليكمـ السلآآمـ ورحمــة الله وبركـآآآآتهـ .. .. مسـآآآء الخير << بما أن الوقت دآ مسـآآء ^^ أهلينـ أختي .. مسآء النور ^_^ .. بالنسبة لتعليقي لـ موضووعكـ .. أول شي الله لا يبتلينـــآ لا في نفسنـآ ولا في شريك الحيـآة مستقبلا .. آمين يا رب .. الله يزرقنا الشريك الصالح .. أنا اسمع عن دي الاشيااء المقززة اللي بتصير .. بجد شي يستفز الوآحد .. صح كلامك الموضوع خلاص ما أتوقع فيه أسوأ من كذا .. .. يعني دحين لما يطلعوا مع بعض ما يفكروا انو ممكن ربي يخسف بهم المكـآن ؟؟ ما يفكروا في الفضآيح والسمعة ؟؟ ما يفكروا يصير لهم حادث وللا بلوى وتكون الخـآتمة سيئة والعيآذ بالله .. ؟؟ هما يفكروا أصلا .. تلقين كلمه منه على كلمه منها وإلا هما في أقرب مولـ ولا كورنيش .. .. و في نفس الوقت أقول ياربي فين أهاليهم عنهم .. ؟؟؟ شوفيـ أحيانا الأهلـ ما يكون بيدهم شيء .. الأب ضغط دوام والأم مشغولة بالبيت " مفروض البنت والشاب يقدروا هالشيء ويحسوا بتعب أهلهم على تربيتهم " .. .. طبعا كمـآآن انا ما أهرج ع الطلعـآت وبس حتى المكالمات وحتى المسن كلها أخس من بعض وكلها غلط × غلط .. هوا أنا اللي تفاجأت منه إن الموضوع تجاوز المسن والمكالمات بمراحل .. يعني أستغفر الله صارت فيه خلوة وحركاتـ بطالة - يعني بعد كذا وشـ باقي !! - .. و بالنسبة للصـآاحبات اللي من دي النوعيات او الاصحاب .. دولا مو اصحاب .. دولا أعــدآآء ,, لانهم ما اكتفوا انهم هما يخربوا ويمشوا في طريق مو كويس ,, لا كمان يبغوا يخربوا اللي معـآآهمـ .. بالضبط تحسيـ كأنه مرض ينتشر ^_× و الحمدلله كل صاحباتي مو من دا النوع ,, متربيـآت و محترمـآت .. و أرجع أقول مرة تانية بجد الله لا يبلآنــا .. الحمد لله يا رب .. آمين ربي يسمع منك .. و بالنسبة للأخ اللي قــآآل انو السعوديات غير مؤهلات للحيـآآة الزوجية .. لا تجمع ولا تحصر رأيك في الناس اللي عرفتهم << سوري بس مدآم دا رأيك ممكن شايف اللي حولك زي كدآ انو متعودآت ع الترف والدلع ع قولتكـ .. فـ بالتالي حكمت ع كل السعوديات انهم كدآ .. و أبغى اقلك انو اصآبع يدك مو سوآ ,, زي مـآ انو في بنات غير مؤهلات كمـآن في شباب غير مؤهلين .. ومن كل جنس و من كل بلد في الطيب وفي البطـآل .. وكل وآحد ع حسب نيتو رح يلاقي .. +1 .. .. شكرا مـآجد و آسفة ع الإطـآلة .. ^^

العــفو .. بالعكس سرنيـ مرورك ^_^

[تلميذ منتسب]

المشاركة الأصلية كتبت بواسطة majed7 بالضبط أخوي هذا السبب الرئيسي فيـ كلـ العلاقات .. الكلمة الحلوة ما تسمعها في البيت وأقرب شخص يقولها لها راح تنجرف له :) وبرضوا ما نحط اللوم كله على الشاب فيه بنات هما اللي يوقعوا الشباب في هالشيء .. :: الحلـ لتجنب هالشيء مستقبلا إعطاء الاهتمام الكافي للبنت من طرف الأهلـ .. وبرضوا أنا أشوفـ ثقافة الخطبة المبكرة لازم تتفعل - يعني خطبة والزواج بعدها بـ 3 سنوات راح يحلـ كثير من المشاكل - والشاب اللي ممكن ينقاد لهالأمور راح يغير رايه ويطلب من أهله يخطبونـ له .. ___ سرنيـ مرورك أخوي ^_^

8

نعم صدقت اخي هناك بنات هم من يبحثوا عن الشباب

وقد صدمت كثيرا عندما قرأت بموضوعك الكريم ذلك الشخص الذي كل مادخل السوق خرج ببنت معه ويذهب بها الى الشقه

إنـ فيه شخص يطلع يوميا الصيرفي - صاحبه سيكورتيـ - وكلـ يوم يدخلـ فاضيـ ويطلع ببنت معاه عالبيت !!!

واحسست ان مثل هؤلاء البنات كدورة المياه العامة اعزك الله والقارئين كل من جائها يأتي ليقضي حاجته فيها ومن ثم يأتي الاخر وهكذا ...

[•♥fŗŌồtą]

المشاركة الأصلية كتبت بواسطة تركي4444 اللي ابي اقولك اياه حبيب قلبي انو صراحة صار عندي قناعة انو السعودييات ما ينفعون للزواج نفس الشي حتى انا اقول السعودين مره ما ينفعو الا كم واحد بس ينعدو على الاصابع والسبب الاول اغلب البنات السعودييات كان لهم نزوات قبل الزواج الا من رحم ربي كيف انت عرفت من وين جبت ذي المعلومه الا انك مجرب مو كل ما تسمعو تصدقو السبب الثاني فيهم نوع من الكسل والدلع الزائد ( الترف ) يعني مصاريفهم زائدة ويهتمون بالطلعات والاسواق والمظاهر الخارجية اكثر من زوجها وعيالها وامور بيتها بالله !! ومين ينظف لك ويشيل بعدك لو اعتمدت على الشغاله كان شفت البيت يمشي دوده حتى لو الحرمه ما اشتغلت اقل شي انها تسويه تشرف على الشغاله وحب النفس ذا موجود بكل الحريم مو بس السعوديه حتى امكن السعوديه اهون الي بره يطلعون من غير عبايات يعني مصاريف زايده السبب الثالث مهورهم غالية يحق لنا تغلى مهونا لو ما اعطوتنا فلوس من وين نجهز نفسنا ولا تبغون نجي بلبسنا بالعكس والله تريحونا من اللفلفه بالاسواق والتعب وكمان تحسو بيقمتنا من يوم رخصت المهور كثر الطلاق وبس ماقول الا خليها على ربك وانا اخوك

،،

الله يرزقك بزوجه اجنبيه ياااااااارب

،،

[تركي4444]

المشاركة الأصلية كتبت بواسطة •♥fŗŌồtą ،، الله يرزقك بزوجه اجنبيه ياااااااارب ،،

امين وياكي <<<< براااا


معليش انا يمكن عممت عالكل طبعا هذا الشي مو صحيح وانا اسف

وطبعا في عائلات كثير زي ماتفضلتو محترمة ومحافظة


والسبب في الانفتاح الرهيب اللي نشوفه هو سهولة التواصل مو زي زمان يعني حتى لو قفلت على الشخص في البيت وفي رأسه انحراف بينحرف



وزي ماقلتو هي في الاخير تعتمد على تربية الاهل

واكرر اسفي واعتذاري لو زعلت احد

على رأسي كلكم

[موفقة يارب]

المشاركة الأصلية كتبت بواسطة تركي4444 امين وياكي <<<< براااا معليش انا يمكن عممت عالكل طبعا هذا الشي مو صحيح وانا اسف وطبعا في عائلات كثير زي ماتفضلتو محترمة ومحافظة والسبب في الانفتاح الرهيب اللي نشوفه هو سهولة التواصل مو زي زمان يعني حتى لو قفلت على الشخص في البيت وفي رأسه انحراف بينحرف وزي ماقلتو هي في الاخير تعتمد على تربية الاهل واكرر اسفي واعتذاري لو زعلت احد على رأسي كلكم

.. كلام سليم

.. شكرا لكـ ..

[LeLou]

باكـ..
ترى الموضوع عاجبني و شكلي ملصقة فيه..
كمان أنا ما احب أشوف أحد تعبانة نفسيته و معقد من موضوع من غير ما أساعده<< مسوية مصلحة نفسية..

المهم نرجع لموضوعنا..

أهلين خيتو ^_^ .. من جد وضعيـ كئيب

خلي الكآبة عنك شوية و اسمعني براسك دحين يا دكتور..

بسـ مين يعرف هالشيء - صاحبات البنت - .. فـ تلقيـ أهلها مو داريين عن شيء والمسكين اللي يتقدم لها يحسب إنها بنت ناس وطيبة ومالها حركات نص كم وإنها سوابق !!! أنا ما راح أكونـ قاسي جدا .. لكنـ فيه أشياء خط أحمر ما ينسكت عنها يعني البنت تطلع مع شباب ويصير بينهم حركات هالأشياء مستحيلـ أحد يغض الطرف عنها :)

معاك حق في النقطة هذي البنت صح لو لها سوابق ما احد راح يدرى عنها غير صاحباتها و المقربات منها جدًا..
بس هي لو تابت توبة نصوح معليش ساعتها حتى انت ما راح تدري إللي حتكون مستمرة بدا الحال و جاية تتزوج و تدري زوجها بكل عين وقحة دي يبغالها قطع راس..

و مو معناته أنه البنت ما تطلع مع شباب أنه تفكيرها مو مسموم..
و ما راح تعاير زوجها بأحد ثاني..
أعرف واحدة على حد علمي أنها ما خرجت مع شباب قبل كدا و جاها عريس ما شاء الله تبارك الله طالب طب و هي لما جاها طلعت تتحزم و ترقص على السرير و قالت أنا جاني فارس أحلام<< القصة دي حقيقية 100% لأنه البنت و الولد يقربوا لي..
و اتزوجوا و كان مدلعها دلع و معيشها رومنسيات زي اللي في المسلسلات و الولد صراحة حليوة ما شاء الله..
قامت أيش تقول له: أنا نفسي أتزوج كاكا ..
بكل عين وقحة تخيل و هما متزوجين..
المصيبة أنها ما عرفت لاعبين الكورة غير بعد ما ملكت من زوجها..
فالوقحة وقحة و راح يبان عليها فما عليك بصاحباتها و ما اعرف أيه لأنه حيبان معاك..
ساعتها بيت أهلها أولى بيها..
بابا يقول الزواج زي البطيخة تشتريها و تفتحها لو طلعت حمراء أكلتها و لو طلعت بيضاء ارميها..
و ترى أبغى أقول لك حاجة البنت اللي من دي العينة يبان عليها و إنت لما تجي تخطب أمك و إذا عندك أخوات أو خالات او عمات أكيد راح يشوفوها و ساعتها راح يبان و الحريم لهم نظرة..

بس النسبة مخيفة جدا .. يعني تخيليـ أولاد عمي الـثلاثة اللي كنت أمشي معاهم من الروضة ثلاثتهم طاحوا في هالشيء .. أعز أصحابيـ بالثانوية كلهم طاحوا فيها ..

لا تحكم من تجربتك الشخصية إذا إنت كان نصيبك انك توقع في ناس من دي العينة..
أنا عن نفسي صاحباتي إللي أعرفهم ما فيهم واحدة تكلم شباب و لاتخرج مع شباب و لا لها سوابق..
و اللي لهم ينعدوا على الأصابع،، و أنا الأشكل دي أسيبها من بدري..
و مع كدا ما اقدر أقول أنه العالم وردي و أنه اللي زي كدا هما الاكثرية..

آمين يا رب .. ونعم بالله :) اللله يدينا على قد نيتنا ويبعد عننا أولاد وبنات الحرام ::

آمين يا رب..
شفت البنت اللي حكيتك عليها هذي أكبر مثال..
البنت لما اتزوجت ما كانت نيتها انها تنستر و تفتح بيت،، لا تبغى تتفاخر قدام عماتها و بنات عماتها انه جاها واحد في الأحلام..
و سبحان الله قعد معاها فترة زي ما قلت لك زي المسلسلات و بعدين قلب حياتها جحيم و بصراحة ما أبغى أتشمت بس هي جابته لنفسها بتصرفاتها الغير طبيعية..

أنا فاهم قصدك .. بسـ صدقيني تجي وحده تجنن راسي ولا تجيني وحده ضيعت مراهقتها في مقابلة هذا وحب هذا .. حتى لو تابت بعض الاشياء زي ما قلت لك خط أحمر :)..

معاك حق بس إنت شكلك ما تعرف شي عن الزواج،، من جد و لا تعرف بلاوي الحريم،، إن كيدهن عظيم..
ترى أنا في يوم كنت أقول الحمد لله أني لم أخلق رجل كي لا أتزوج امرأة..
و أبغى أعطيك مثال أنا مثلا..
ما قد عمري كلمت رجال غير في منتديات أحيانا و على العام و أصلا أنا حتى المنتديات حالفة أني ما أشارك فيها و سكاو هو المنتدى الوحيد إللي أشارك فيه على اعتبار انه ما فيه حركات نص كم..
لكن و بصراحة فيني صفات أنا أشوف أنها ما تؤهلني أني أكون زوجة فلا تقول الكلام الفاضي ده،، من جد ما تعرف يمكن تكون أبواب السماء مفتوحة و تجيك واحدة تخلي مو بس الغابات،، إلا تخلي العصافير تعشش على راسك و القرود تنطط من شجرة لشجرة..
زي ما قلنا الواحد ربنا يديه على قد نيته قول اللهم ارزقني بنت الحلال اللي تعينني على آخرتي و دنياي..
أفرض جاتك واحدة أبوها أو أمها غضبانه عليها هذي بالنسبة ليا أشد و أنكى،، لأنه هذي واحدة كمان ربنا غاضب عليها يعني أتوقع جميع المصايب تحل على راسكم..
الواحد المفروض لما يدعي يطلب أعلى شي،، المفروض ما يقول اللهم إني أسألك الجنة،، المفروض اللهم إني أسألك الفردوس الأعلى..
فلما تطلب من ربنا أطلب أحسن شي..

هههههههههه طيب ترجعيـ بالسلامه ^_^

الله يسلمك..
تلقاك قلت يا ريتها ما رجعت خخخ..
لا خلاص الحمد لله شربت نسكافيه و خف الصداع هو سببه اني من فترة مخلص من عندنا البن و ما أشرب قهوة تركي و أنا عندي فنجان كبير للنسكافيه قد فنجانين عشان تعوض بدل القهوة و كسروه عيال أخواتي ..

معليش سوري ترى الكلام مرة ملخبط أنا لسا مزاجي ما انعدل << آثار قلة القهوة..
من جد كان نفسي أكتب كلام مرتب شوية عشان تقتنع أتمنى تكون غيرت رأيك شوية..

و بقول لك حاجة أنا هذي متبعتها قاعدة في حياتي..
بالنسبة للزواج،، ترى اللي راح تتزوجها شكلها و اخلاقها و عيلتها و طولها و وزنها و فصيلة دمها و الساعة و الدقيقة و الثانية اللي راح تتزوجها فيها و القاعة اللي راح تسووا فيها الفرح و الشقة اللي راح تسكوا فيها و المدينة اللي راح تعيشوا فيها هذا كله مكتوب و متحدد و متقرر خلاص انتهى..

فريح بالك و حط أعصابك في فريزر أنا كدا اسوي في موضوع الزواج ما احب لا افكر فيه و لا اتكلم عنه..
و أي شي يجي في بالي أبغاه في زوج المستقبل إن شاء الله أقوله لربنا..
عشان هو عارف الأحسن ليا أولا و اخيرًا،، الله يرضى عننا و يهدينا و يرحمنا برحمته و يغفر لنا..

و شوف من الآخر ترى ربنا ما يجمع بين اثنين إلا يكونوا هما الأنسب لبعض..
و الطيور على أشكالها تقع..
فخلي أملك بربنا كبير و ربنا ما يخيب عبده..

و سامحني على الإطالة شكلي بنقل لك الصداع خخخ..