تجربتي مع السنة التحضيرية

[ibrahim_13]

المشاركة الأصلية كتبت بواسطة محمد الداود :: أغبطكم ع الفللة اللي بتعيشوهآآ في التحضيري .. وحتنصدموآ مـن الواقع المخالف للي في بالكم أنهاا صعبة ومعقدة وووو... والله ماا فليتهااا زي التحضيري واسألوآ د ابراهيم ^_^ يعرف اش كنت اسوي [ ربي يفتحلكم كل خير ،،

يا رجل تفتكر السحبات الأليمة ... بصراحة كانت سنة ماتتنسي !!؟؟ ....

الحين حديكم بعض النصائح وأتمنا ان تنال إعجابكم ...

1- حاولوا انكم تفهموا بنفسكم من الملخصات والكتب...يعني بعدوا عن الخصوصي , واذا مافهمتوا من الملخصات عليكم بالإنترنت.

2- استعينوا بالله ثم بالخرائط الذهنية ...وهي عبارة عن ملخص شامل قبل الإختبار,لأنو مع كثرة الملخصات حيتشتت ذهنكم.

3- تابعوا المنتدى بإستمرار.

4- حاولوا انكم ماتكثروا من السحبات...لأنو كل مادة لها عدد محدد من الغيابات لو اتجاوزتوها راح تاخذوا (حرمان dn )

6- بالنسبة للأحياء ومادة اللغة الإنجليزية حاولوا انكم تترجموهم من بدري ...بس مدري كيف حيكون وضعكم مع الأحياء لأنو شكلهم حيلغوا التيست بنك.

7- وبالنسبة للي مستواه ضعيف بلإنجليزي , فأحب ابشروا وأقلوا لا تشيل هم من ذي الناحية , بعض الطلاب درسوا انجليزي من المستوى الأول والحين إنقبلوا بالطب والهندسة و...

8- شوفوا لا تعبروا اللي يقلكم انو السنة التحضيرية صعبة وبكل أمانة بعض الأشخاص حاولوا انهم يحطموني بس ما اديتهم وجه ولله الحمد ومن العبارات الي كنت أواجهها (صدقني ماراح تدخل طب الا بالواسطة) والعبارة الثانية (فلان جاب 99% بالثانوي وبعد التحضيري ما انقبل بالطب) .

9- استعينوا بالله قبل كل شيء واتوكلوا عليه , وحاولوا انكم تعتمدوا على نفسكم بكل شي (بالدراسة و طلبات الدكاترة) , وحاولوا انكم تحبوا المواد مهما تفاوتت صعوبتها .

[AM00NA]

^^

يوووه وآلله اتذكرت الكلام الاليم اللي يحبٌط الصخر

وماشاءالله كثيـر جداً مواضيع النصآئح واساليب وطرق المذآكره لكم يآالتحضيري
صدقوني لو مشيتوا عليها بإذن الله رآح تحققوا احلامكم وكل واحد يدخل الكليه اللي يبغاها ..

وبعدين ابغى اقول نصيحه من بعد اذن د. ابراهيم مررررررره فآدتني
بعد مااذاكر الفيزياء والكيمياء والاحصآء اخذ ورقه
واكتب فيها جميع القوانين _بجميع الاشكال_ مع اسم الدرس طبعاً عشان ماتلخبط
كمان اخذ ورقه اكتب فيها المسآئل اللي عكيت فيها مع حلها بالشرح
وخلاص احفظها زي اسمي .. بعدها احل نمآذج والله راح تحلونها بسرررعه
لانو خلاص مايحتاج تحوسوا و تفكروا اي قانون تستعملون ..

وربـي يفتح عليـكم وزي مايقولون آخواني لاتشيلون هم
والله سنه حلوه مع المذاكره والاجتهاد طبعا

[hadeel a]

up...

[هممس الشوق]

يعطيك الف عافيه ع هالنصصآيح
بس كم معدلك ؟؟؟؟؟؟؟؟؟؟؟

[عاصم العاصم]

موفقين خير ان شاء الله
ودائما نصيحة من شخص مجرب وناجح يغني ويفيد عن كثير من الكلام
أتمنى لك كل التوفيق لك ولجميع المسلمين

[torreso]

جزاك الله خير يا دكتور ابراهيم ماشالله كفيت ووفيت

[تركي4444]

كفيت ووفيت دكتور ابراهيم

انا عن نفسي من اشد المؤيدين للمدرسين الخصوصيين

والمذاكرة اول باول والمراجعة اسبوعيا


موفقين يارب

[alnay]

ياخوان والله اني خايف من السنه التحضيريه حملت تيست بانك للاحياء قلت بشوف يمكن اعرف شي اله والله ميح ماني عارف ولا شي والرياضيات دخلت على شرح واحد للاون لاين وجالس اطالع في المسائل احس اول مره اشوفها

والله اني خايف منها الله يستر يارب

[طموح بنوتة]

لا تخاف اخوي لانك مو بدارس شي ولا عندك خلفية بس اكيد يوم تدرس بتفهم على كل الي ينقال ولاكيف الي قبلنا نجحوا وجابوا معدلات ودخلو احسن الاقسام تفائلو بالخير تجدوه وان شاء نسمعك السنة الجية في القسم الي تتمناه قاعد تحفز المستجدين الله يوفقنا جميعا ويحقق امانينا *_^

[ibrahim_13]

المشاركة الأصلية كتبت بواسطة am00na ^^ يوووه وآلله اتذكرت الكلام الاليم اللي يحبٌط الصخر وماشاءالله كثيـر جداً مواضيع النصآئح واساليب وطرق المذآكره لكم يآالتحضيري صدقوني لو مشيتوا عليها بإذن الله رآح تحققوا احلامكم وكل واحد يدخل الكليه اللي يبغاها .. وبعدين ابغى اقول نصيحه من بعد اذن د. ابراهيم مررررررره فآدتني بعد مااذاكر الفيزياء والكيمياء والاحصآء اخذ ورقه واكتب فيها جميع القوانين _بجميع الاشكال_ مع اسم الدرس طبعاً عشان ماتلخبط كمان اخذ ورقه اكتب فيها المسآئل اللي عكيت فيها مع حلها بالشرح وخلاص احفظها زي اسمي .. بعدها احل نمآذج والله راح تحلونها بسرررعه لانو خلاص مايحتاج تحوسوا و تفكروا اي قانون تستعملون .. وربـي يفتح عليـكم وزي مايقولون آخواني لاتشيلون هم والله سنه حلوه مع المذاكره والاجتهاد طبعا

باتأكيد لحد ينسى ورقة التلخيص ... لأنها راح تثبتلكم المعلومة بأقل مجهود ممكن .

المشاركة الأصلية كتبت بواسطة هممس الشوق يعطيك الف عافيه ع هالنصصآيح بس كم معدلك ؟؟؟؟؟؟؟؟؟؟؟

والله شوفي ماراح اقولك كم ... بس الحمدالله انقبلت بالطب .

المشاركة الأصلية كتبت بواسطة تركي4444 كفيت ووفيت دكتور ابراهيم انا عن نفسي من اشد المؤيدين للمدرسين الخصوصيين والمذاكرة اول باول والمراجعة اسبوعيا موفقين يارب

بالعكس انا أخالفك الرأي , لأني التمست عدة مساوئ من المدرس الخصوصي منها , تضيع الوقت , خسارة فلوس , والمعلومة الي يديك هيا اول ما يمشي تتنسي , طبعا بخلاف لمن تدور عن المعلومة بنفسك وتحاول تفهمها وتحل عليها تمارين ... وبالنسبة ليا انا خليت المدرس الخصوصي شي ثانوي (يعني ما اجيبو الا وقت الضرورة) .

المشاركة الأصلية كتبت بواسطة alnay ياخوان والله اني خايف من السنه التحضيريه حملت تيست بانك للاحياء قلت بشوف يمكن اعرف شي اله والله ميح ماني عارف ولا شي والرياضيات دخلت على شرح واحد للاون لاين وجالس اطالع في المسائل احس اول مره اشوفها والله اني خايف منها الله يستر يارب

كلنا دخلنا التحضيري وكنا نقول نفس كلامك ...( لا تشيل هم ) .