لطالبات وطلاب ماستر احياء دقيقة تخصص بكتيريا

[شمس العالم]

وعليكم السلام

مبروك قبولك في الماستر

التخصص تبدأي دراسته من الترم الثاني

و بكتيريا وغيرها من التخصصات سهله الدراسه مهو كلام تحفظية و تنسخيه في اختبار

كلو يعتمد على ابحاثك اكثر من محاضرات

و لو اردتي النصيحة

اذا حابه تخلصي دراستك بدري في 3 سنوات زي المقرر اختاري غير البكتيريا

لانو صراحة مافي مشرفات و الطالبات اعدادهم في تزايد .. دفعتي 13 طالبه
وحدة كانت مع دكتورة و الدكتورة استقالت
واربعه او 5 انتظار عند دكتورة ماجدة علي ( لان عندها طالبات دكتوراة وماجستير و لسى ماخلصوا )
و 2 لقولهم دكتورة جديدة جايه و حطوا اساميهم عندها
والباقي لايدري ما مستقبله *_^

دي بس دفعتنا

في اللي قبلنا و اللي بعدنا

والله اعلم ايش مسوين وايش حيسووا

و إذا ماعندك مشكله تطولي في الماستر اختاري بكتيريا وانتي مطمنة انو مافي صعوبة ان شاء الله

..

والقرار بيدك

واستخيري اولا واخيرا

والله يكتب اللي فيه الخير