في أول يوم من رمضان..تم سحب نصف الرصيد من قبل الجامعة..!

[أرووش]

يا صاحب الموضوع حابه اقولك حاجه

في جامعتنا الموقرة ما يعتبرو الطلاب شيء ابدا

يعني يحطو القوانين في اماكن مو واضحة واكتر الطلاب ما عرفو القانون

وبدون ذكر السبب

ولو روحنا وسألنا والله محد يعطينا وجه

اذا على معاملات رسمية يمرمطونا ستين مرمطه

لسا حيشرحولنا اسباب قوانينهم العبيطه ويقنعونا فيه !!

دا الكلام في الجامعات اللي ما اشوفها الا في الافلام

حبيت اشرحلك ليش احنا بنقولك اننا عارفين القانون ومو عارفين السبب منو

مو جهل مننا زي ما رديت بالآية الكريمة. بس المشكله من نفس الجامعه

الناس يتمرمطو سنتين 3 عشان يعادلولهم المواد اللي درسوها من تخصصات تانيه

واحيانا يقولولهم معادله المواد اخر ترم على التخرج

ولما يجي وقت التخرج يقولو المواد دي ما تتعادل ولازم تدرسو المواد الحره اللي في المخطط

ويرجعو يتأخرو ترم عشان شغلهم المبهدل

والله النظام ابو كلب وماشي بالعكس كمان

وشكرا انك اقترحت نروح ونطالب بالسرقات اللي بتسير

بس المشكله المبلغ اللي اخدوه مو كبير

يادوبك 250

عشان كدا اتكسلنا وبطلنا نروح نطلبهم. وكمان عارفينا اننا حنتمرمط عالفاضي

بس والله انتا الله يعوضك المبلغ مو قليل

عشان كدا اسأل العماده وراجع وزارة الماليه كمان زي ما قالت الاخت أملي طموحاتي

يمكن ترجعلك والله اعلم

تقبل مروري وشكرا