جزاكم الله خيررررر ساعدوني........

[مدينتي ينبع]

السلام عليكم ورحمة الله وبركاته ....
بجد محتااااااجة مساعدتكم انا متخرجة من كلية التربية للمعلمات (جامعة طيبة)بينبع البحر قسم لغة عربية ثانوي يعني معاي بكالريوس الحمدللة معدلي 4.21 جيد جدا ونفسيييييييييييييييييييييييييييي اكمل الدراسات العليا بجامعة الملك عبد العزيز بس بصرررررررراحة مااعرف شي بالدراسات العليا كيف دراستها ؟ هل الماستر فية انتساب مع العلم اني متزوجة (عرووسة ) ليا بس سنة وبصراحه مااقدر اروح جدة تدرون عاد البيت والزوج يعني صعبة مررررة وانا الحمدلله شاطرة وطموحااتي مرررة عاليا ونفسي اكمل بس والله مااعرف شي بالماستر ابد ابد انا نفسي اكمل انجليزي احبه او اي تخصص بس غير العربي بصراحه مااحبة بس كنت مضطرة بسبب ظروف وانا الحين محتااارة ايش اسوي الاسئة هي
هل صح فية انتساب ؟
هل فيه دفع رسوم وكم ؟ بصراحة والله صعبة مااقدر ادفع حالتي المادية ماتسمح
وكيف دراستها صعبة سهلة ؟
وكيف الاختبارات
انا فكرت اسجل السنة الجاية عارفين لية قلت ادخل الحين دورات انقلش واتمكن منه كويس بعدين اسجل وبنفس الوقت خايفة يروح عليا التسجيل واتورط بس ماادري اذا فية انتساب او لا
بجد ابغى الرد سررريع
ابغى نصيحتكم ترى انا احب الدراسة مرررررة

[مدينتي ينبع]

ليش محد راضي يرد عليا

[عماد الحسن]

عليكم السلام ورحمة الله وبركاته وكل عام وانتم بخير ، ومبروك عليكم التخرج والزواج الله يوفقكم في أسرتكم ، كما نرحب بكم في المنتدى والعذر لتأخر الرد لأن الكل مشغولين في رمضان.. تفضلوا الرد على الأسئلة.

س/ هل صح فية انتساب ؟
ج/ نعم يوجد ماجستير عن بعد في الجغرافيا وفي الإرشاد وكلها خاصة ومدفوعة.

س/ هل فيه دفع رسوم وكم ؟ بصراحة والله صعبة مااقدر ادفع حالتي المادية ماتسمح!
ج/ الله يعينكم،، البرنامج الخاص عن بعد يكلف 15000 ريال ولكن توجد برامج عامة مجانية في كل التخصصات وهي تحتاج للسكن بجدة.

س/ وكيف دراستها صعبة سهلة ؟ وكيف الاختبارات ؟
ج/ الدراسة متوسطة ولكن مع المذاكرة لا شئ صعب.

س/انا فكرت اسجل السنة الجاية عارفين لية قلت ادخل الحين دورات انقلش واتمكن منه كويس بعدين اسجل وبنفس الوقت خايفة يروح عليا التسجيل واتورط بس ماادري اذا فية انتساب او لا؟
ج/ دراسة اللغة طيبة ومفيدة لكن لازم حضور اختبارات القياس في الحج وبعدها ممكن التقديم للماجستير، أهم شئ هو الاستعداد من الآن وإن شاء الله من المقبولين.

[مدينتي ينبع]

مشكوووووووووور على الرد بس والله احبطت بسبب شروطهم هذي واللة حرااااااااااااااام ليش كدة التعجيز بالدراسة
طيب معليش بس ابغى اعرف كم بالضبط يعني بالترم كم ؟ والدراسة هتكون كم سنة ؟
انا بصراحة مااقدر اداوم انتظام والله حالة .............
ممكن تنزلي رابط اختبارات القدرات التي تعتمد عليها الجامعات
لان بصراحة ماعمري اختبرت قدرات ابدا ومااعرف كيف طريقتهم او اعطيني اسم كتاب اعتمد علية عشان اخذ فكرة عن اختبارات القدرات والتوفل كمان ومشكووووور وماقصرت اخوي جزاك الله الف خير .

[عماد الحسن]

لا داعي للزعل من بدري لأن الأمر سهل إن شاء الله ،
هذا هو رابط مركز القياس ، سجلي عندهم واستعدي للاختبار في الحج، أما المراجعة فهي مفصلة في المواضيع المثبتة وفيها كل التعليمات والكتب المطلوبة http://www.qeyas.com/ ، وعند التقديم الله يحل كل المشاكل وتجدوا الفرصة لإكمال الدراسة.

[مدينتي ينبع]

مشكور اخوي ماقصرت بس انشاءالله لو عندي اي استفسار اكيد هطلب مساعدتك ومشكووووووور مرة ثانية