استفسار بخصوص الايلتس

[abadi malhan]

السلام عليكم
صباح الخير

عن إذنكم حبيابي هل فيه استطاعة انو أخد دورة في التوفل او الايلتس
في هالفترة ؟ وادا اخدت الشهادة وجبت فوق المستوى المطلوب يمكن انهم يحذفو الانجليزي من عندي رغم انو استلمت البطاقة الجامعية ؟ ويا ترى فين اروح اي عمادة أدا اخدت الشهادة ؟

يا ليت تفيدوني الليلة قبل بكره

وصياما مقبولا

تحياتي
abadi malhan

[Majed7]

دورة الآيلتس ممكن تاخذها بأي وقت - بس في رمضان ما أدري - ..

ولو حاب تسأل عنها اتصل على المجلس الثقافي البريطاني في جدة - لأنهم هما اللي يسووا الدورة .. وهما اللي يختبروك آيلتس - ..

طبعا لو جبت الشهادة تروح تعادلها بمبنى 30 تبع الانجلش ..

بالنسبة للتوفل ما عندي خلفية عنه ..

موفق :)

[abadi malhan]

المشاركة الأصلية كتبت بواسطة majed7 دورة الآيلتس ممكن تاخذها بأي وقت - بس في رمضان ما أدري - .. ولو حاب تسأل عنها اتصل على المجلس الثقافي البريطاني في جدة - لأنهم هما اللي يسووا الدورة .. وهما اللي يختبروك آيلتس - .. طبعا لو جبت الشهادة تروح تعادلها بمبنى 30 تبع الانجلش .. بالنسبة للتوفل ما عندي خلفية عنه .. موفق :)

يسلمو حبيبي
انا اتصلت ع المجلس البريطاني وسألت ادا فيه دروة في هالفترة وردو انو انتهآ التسجيل

عشان كدا هل فيه استطاعة أخد دورة في شوال ويدوني الشهادة في بداية ذي القعدة ممكن يشيلو الانجلش عني ع بداية دراسة السنة التحضيرية ؟

[Majed7]

المشاركة الأصلية كتبت بواسطة abadi malhan يسلمو حبيبي انا اتصلت ع المجلس البريطاني وسألت ادا فيه دروة في هالفترة وردو انو انتهآ التسجيل عشان كدا هل فيه استطاعة أخد دورة في شوال ويدوني الشهادة في بداية ذي القعدة ممكن يشيلو الانجلش عني ع بداية دراسة السنة التحضيرية ؟

هوا لازم تدخل الدورة ؟ .. لأنه لو مستواك جيد في الانجلش بدون دورة ادخل واختبر :)

إنت سجلـ في أقرب اختبار وجرب .. لو ما جبت 4.5 ادخل الدورة وبعدها اختبر ثاني ..

وعلى فكرة أنا قدمت الشهادة بأولـ يوم في الدراسة وما عادلوليـ هيا إلا بعد شهر ونص ^_^

[d-o]

المشاركة الأصلية كتبت بواسطة majed7 وعلى فكرة أنا قدمت الشهادة بأولـ يوم في الدراسة وما عادلوليـ هيا إلا بعد شهر ونص ^_^

يعني درست انجليزي شهر ونص ولا كيف؟؟

[abadi malhan]

ريحت قلبي حبيبي يسلمو يديك العافية يا ماجد
واهم شي انو قبلوك