مادة الاحياء

[so0ona]

السلام عليكم ورحمة الله وبركاته
انا موضوعي باختصار شديد هو

انا دخلت الجامعة وكنت اعتقد انو انو الهدف من السنة التحضيرية انو تحدد مهاراتك في كل مادة وتعرف اش افضل تخصص لك


بس لمادة الاحياء


انا ما اكتشفت اي دليل على انو دارسة مادة الاحياء تحدد تخصصي لعدة اسباب :_
1- كثافة منهج الاحياء يعني انتو تتوقعو الاختبار النهائي كم شابتر اذا احنا اختبرنا في 14 شابترز وامس في اول محاضرة خلصنا شابترين

2- هدف معظم الدكاترة هو ليس اعطاء المعلومة انما انهاء المنهج لدرجة انو صار يقلب السلايد من دون ما يتكلم عن اي معلومة

3- بنك الاسئلة البنك فكرة مرة جيدة انا ماحكذب عليكم لأنو اكثر الطلاب في الاختبار النهائي اعتقد انهم حيجبو درجات عالية وهذا جيد بالنسبة لقسم الاحياء لأنو في نجاح كثير حيكون في الاحياء وجيد بالنسبة للطلاب لأنو ما حينطردو من الجامعة

لكن من متى كان الهدف من دخول الجامعة هو النجاح
يعني احنا مو زيي الثانوية اي معلومة تاخذها وتنسها ماحتفرق معاك
احنا الحين في جامعة وكل معلومة حتقعد معاك الين ماتخرج وكمان لبعد التخرج عندما نشتغل إن شاء الله <<< صح ولا

وانا صراحة ذاكرت من بنك الاسئلة في الاختبار الدوري الثاني بس مدري عن اش المنهج كل اللي سويته نسخ ولصق نسخت اللي في البنك ولصقته في ورقة الاجابة
وهذا يعني اني إن شاء الله حنجح في الاحياء لكن هذا مو دليل على انو انا ممتاز في الاحياء لأنو كثير من الطلاب منهم انا حجيب درجات عالية وحيعتبروني فاهم الاحياء وحيدخلوني تخصصات ما استحقها


فارجع واعيد سؤالي كيف بمادة الاحياء انها تحدد تخصصي وماهدف اضافتها في السنة التحضيرية

[ROoOFaNA]

الله يستر السنة التحضيريه ما لها داعي ابد ابدا

[so0ona]

شكرا يا النور السعودي على اهتمامك بالموضوع

[LσvєLy HєαяT]

في نظري هدفهم الرئيسي انهم يبغو الطلاب يسحبو من الجامعه


غلطو وندمو لما قبلو عدد كبير بدا الشكل



قالو ايش الحل ؟




نعقدهم ونخليهم يسحبو من الترم الأول





انا اليوم استلمت درجتي في الاختبار التاني جاني احباط لدرجة اني بس صرت ادور النجاح في الماده بشمعة



اقسم بالله خرجت من الاختبار وانا مبسوط اني حليت وانو هه في امل





شفت الدرجة كرهت الدراسه مو مادة الاحياء وبس :S





الله يكافي اللي كان السبب ما اقول غير كدا




تسلم ع الموضوع





sEE yA

[كفاني عذاب]

كوويس يعني استفدت ونجحت

انا لا فهمت ولا جبت درجه حلوهـ

يعني على قولتهم ( موت وخراب ديار ^_^ )


وفعلا كل اللي سويناه هو حفظ الاسئله بالشكل

يعني بالله من بيقدر يفهم الاسئله هذيك كلها في اسبوع ؟

فما بالك بيومين :)


كان من المفترض انه المناهج تكون مختصره وعامه
ولمن الواحد يتخصص في هالشي يتعمق ويدرس الاشياء اللي لازم يدرسها



تحياتي للعقلاء ..

[so0ona]

مشكور يا LσvєLy HєαяT و يا كفاني عذاب
على اهتمامكم بالموضوع

[حايسه]

الاحياء دماااااااااار لانو الهدف من الماده مو انو نفهمها الهدف تحطيمي و انا اشوف الاحياء لازم يكون خمس شاتر بسس اذا يبغوا نأخذ الماده كعلم وليس كدرجه وبس المنهج مرا كثير اليوم اخذنا شابترين في محاضره وحده ببالله حنستفيد!!!

[مجرد شخص]

والله ياخوي ماده الاحياء من اروع المواد لو تعمقنا فيها لكن وين تطبيق النظام والله لو ماكان فيه تحضير والله ما احضر ولا محاضره وخل الدكتور يشرح مع نفسه والله من جد ماده مثل هذي مفيده لي بعدين تدرس كذا بهذه الطريقه

ياخوك والله نحن نتكلم لكن من يسمع وين اللي يلتفت لنا لكن مالنا غير الله ولا حول لا قوه لا بالله

[كفاني عذاب]

^^
اخوي والله دكترونا ما عمره حضر

وللأسف ما قد سحبت ولا كلاس إلا اليوم

تدري ليه لاني كنت متوقع اني اذا حضرت بـ أفهم وأجيب درجه

لكن للأسف ما استفدت ولا شي من حضوري لو نمت في بيتنا

كان يمكن اداوم وانا مصحصح وافهم في المواد الثانيه واجيب درجه



الله يهديهم ويغيرون النظام هذا السنه الجايه مو عشاننا لكن عشان الطلاب اللي جايين ..

[so0ona]

بس ياخي هذي جامعة مو مدرسة
يعني اكيد في ناس وظيفتهم نقل اراء الطلاب الى المشرفين والاهتمام بمصلحتهم
صحيح الكلام دا ولا