أين الطريق لأسير

[dark of the moon]

السلام عليكــــــــــــــــــــــــم
احبائي هاذي اول مشاركة لي بالمنتدى وان شاء الله اكون دائم التواصل بس بدياتنا نرووح للمهم
انا جاي ع جدة كرتووون زي ما بيقولوا هههههه
بس المهم في كوني ابغا اعرف هل فيه كتب الكترونية وومكن احصلها ع أي رابط زي
أحياء واحد وبقية المواد وكذلك الملخصات الكترونية ولا لا
ولا لازم ارووووح لمكتبة واصورها وقلوشة وما ادري ويش وبرضة وين احصل افضل المكتبات لكتب الجامعة
اقولكوا حاجة مشكلة إلي جاي من الديرة والله
تحياتي لكــــــــــــــــــــــــــــــــــــم

[Dr.Passed]

اخي ماقد شفت بس حادور دحين
و الكتب يبيعوها جوا في مكتبه الجامعه تلاقيها
_________________

يابنات .............احد يبغى كتب السنه التحضيريه حقتي؟
تحزير: فيها من الشخابيط ما يصدع الأعين

[جوجو المطيري]

اساسا من فين يشتروا الملخصات ومن فين احصل على تيست بانك واسئلة الاعوام الماضية؟؟؟؟
انا من جد ضايعه

[Dr.Passed]

جوجو: انا اجيبهم من المكتبه الي جوا الي قدام الجامعه..وفي اشياء تلاقيها هنا في المنتدى =)

[M!Šs JỏJỏ]

الكتب والملخصات ^^موجودة في المكاتب قدام كلية الهندسة جمب الجامعة بلازا

اما بالنسبة للتست بانك فاحسن تستنوا لين بداية الترم وتاخدوها من الدكاترة عشان كل ترم يتغير

بالتوفيق يارب

[خجول الورد]

الكتب تكون بالمكتبات الي داخل الجامعه

وبعد تحصلونها بالمكتبات القريبه من المكتبه مثل خوارزم والشقري والهدى >> كلها اسبوعين وتصيرون خبيرين فيها ^^

الملخصات تلقونها بالمكتبات الي قدام كلية الهندسه .. بس أحسن مكتبات عندها كل شيء متجدد القلم والقرطاسيه 2000 ما أعرف أوصف طريقهم ذول الإثنين ..

والتست بانك خذوه من الدكاتره

بالتوفيق

[Eng.SouL]

يا أخ صاحب الموضوع
ما راح تحتاج أي كتاب علمي (فقط الاتصال والحاسب والانجليزي)
والاعتماد الكلي عالملخصات ونماذج اختبارات الاترام السابقة
وراح تلقى كثير منها الكتروني لبعض الدكاترة وبعضهم مافيه الا مطبوع ولازم تشتريه من المكتبة

ودكتور الجامعة مساعد للفهم ولا تعتمد عليه أبداً لأن كثير من الاسئلة تجي من برى الشرح

هذا بالنسبة للاولاد :)

[Qotaiba HBK]

المشاركة الأصلية كتبت بواسطة eng.soul ودكتور الجامعة مساعد للفهم ولا تعتمد عليه أبداً لأن كثير من الاسئلة تجي من برى الشرح

هذي الجملة حط تحتها 10 خطوط حمرا

ركز كثير ع أسئلة السنوات اللي قبل تفيد مرة وبعض الأسئلة تتكرر كل سنة بدون ما يتغير حرف ..

[dark of the moon]

انا عندي فكرة كنت ابغا اطرحها واسدحها في المنتدى من اول بس خفت تقوووولوا كسول شوي
ــــــــ ليه مابنسوي موضوع ونجمع فثيه الاسئلة للسنوات الماضية او نسوي قسم وكل واحد يجتهد ويجيب الاسئلة إلي عندوا ونخلي كل قسم يندرج تختو اسماء الدخاترة وكل واحد واسئلته وكل حاجه تخصة واللي عندة من الاسئلة القديمة يجمعها عند مدير القسم ويعيد ترتيبها ويصنفها وبرضه الاولاد يساعدوا البنات زي لو اليوم اختبروا العيال ع طووول يحطوا اسئلة الدكتور في الموقع وتستفيد منها البنات وزي كذا تحياتي لكل من اجابوا علي ,,,،,،,،,، اتمنى تفكروا كويس وانا اشوووف فيها فايدة اوي