استشارة

[بلسم المشاعر]

السلام عليكم ورحمة الله وبركاته >> كيفكم طيبين

حبايبي ابغى استشيركم في شي انا قبلوني علوم في الفيصلية وانا مو من جدة يعني حكون في السكن زي مادرست السنة التحضيرية وانا بصراحة عادي مافرقت معي انو اكون بعيدة عن اهلي بس المشكلة السكن تعبت منو وماكان تمام مرة نفسيتي تعبانة منو هدا من ناحية ومن ناحية تانية كلية العلوم كمان مو طموحي احب التخصصات الصحية وسجلت طب طوارىء في المدينة عند اهلي يعني قلت شي صحي ولا العلوم بس مو هنا المشكلة المشكلة انو انا لسا قلبي متعلق بالجامعة هنا وبصاحباتي بس حتى لو كملت هنا مارح اشوفهم لأن كل وحدة حطوها في جهة وحدة علوم سليمانية وانا بالفيصلية ووحدة اقتصاد منزلي ووحدة اقتصاد وادارة ووحدة عندها صيفي الله يعينها مدري فين بيحطوها يعني مارح استفيد ولا رح اشوفهم انتو اش رايكم انا قلت المستقبل اهم وصاحباتي اتواصل معهم بالجوال وخلاص

اسفة طولت عليكم

بلسم المشاعر

[sosotash]

انتي تبغي يكون مستقبلك ناجح وزي ما يعجبك روحي للطوارئ ما دام دا طموحك وبين أهلك والصحبات عااااااادي حيكون في تواصل صح مو زي اول بس مافي مشاكل حتلاقي صحبات تانين بس لا تضيعي مستقبلك عشين صحبات تخيلي لو اتخلوا عنك يوم او انشغلوا هما بمستقبلهم ايش حيفيدك غير مستقبلك ؟ انتي فكري واستخيري

[أنتوني كيد]

نصيحتي لك انك تروحي في سبيل تحقيق حلمك
والصحباات والدنيا دي ماراح تفيدك مررة <<<وخصوصا انكم مو مع بعض
والله يخلي الجوالات والمسن والفيس و كل وسائل الاتصالات المتطورة<<ياهووو احنا في عالم متطور مننا عايشين في الصحرااء >.<
والله يوفقك وييسرلك أمورك ويرزقك صحبات أفضل و أحسن