عاااااااااااجل بخصوص الابتعاث

[crazy buy]

السلام عليكم و رحمة الله وبركاته

كيف حالكم جميعا ؟ إن شاء الله بخير

بغيت اسألكم الآن الابتعاث بالخارج للماستر تخصص إدارة أعمال

هل يحق لطلبة الإنتساب الإبتعاث بالخارج و أخذ درجة الماجستير ؟

أرجو الرد بأسرع وقت

[محمد22]

عادي يحق لك
اذا معدلك 3.75
وميلادك بعد 9-11-1404هجري
اعتبرنفسك مبتعث من الان

[crazy buy]

محمد اكيييييد؟

[محمد22]

متاكد انا متصل على الوزاره
واعرف ناس مبتعثين كثير وهم كانوا منتسبين
اهم شي ماتكون موظف حكومي عند التقديم

[crazy buy]

اممممممما عاد
انا مواليد ١٤٠٧ ورايح سنه ثالثه إدارة اعمال
يعني ان الله أعطاني العمر وقدمت وانا موظف ما يحق لي ابتعث :(

[محمد22]

شف وانا اخوك خلك الان في دراستك
والان المر حله السابعه وباقي ثلاث مراحل يعني انت ان شاء الله على المرحله التاسعه
وماندري وش بيجد من شروط
لكن احي فيك الطموح
وموظف قصدي حكومي لكن شركات بنوك قطاع خاص عادي

[crazy buy]

تسلم لي لبى قلبك
بس يا محمد أنا موظف حكومي العن ام الحاله
مو باقي لي سنتين وانخرط ان الله أراد؟
معليش كثرت عليك الأسئلة

[محمد22]

يمديك ذا ك الوقت ان شاء الله تسحب على الوظيفه اذا ضمنت الابتعاث
لكن ابي اسالك با انك مو ظف حكومي حصلت وظبفه على المرتبه السادسه
في الرقابه والتحقيق مراقب اداري او مالي كيف عملهم

[crazy buy]

والله ما ادري عنها هالوظايف لان وظيفتي بقسم مالية

[red]

المشاركة الأصلية كتبت بواسطة محمد22 يمديك ذا ك الوقت ان شاء الله تسحب على الوظيفه اذا ضمنت الابتعاث لكن ابي اسالك با انك مو ظف حكومي حصلت وظبفه على المرتبه السادسه في الرقابه والتحقيق مراقب اداري او مالي كيف عملهم

ااسفه ع المداخله بس مو اكيد اذا سيبت الوظيفه ترجع تلاقي بديل لها
يمكن ترجع بشهادتك وماتحصل ولا شي

بس ممكن تقدر تاخذ اجازه بدون راتب من عملك وتدرس في الخارج كمحرم مع اي احد
وتظمن وظيفتك ودراستك