أبغى تررجمه لموآد التحضيري ؟ [ عنوان مبهم ]

[عقيل فقيهي]

السلام عليكم

ياشباب ممكن مساعده.... ابغى ترجمة كلمات مواد السنه التحضيريه الخطه ب



(( انجليزي...احياء....كيمياء....احصاء))

[AM00NA]

وعليـكم السلآم ..

آممم مآفهمت والله ^_^.. وضح آكثر يمكن آقدر آفيدك ..

[Majed7]

وعليــكم السلام ..

أتوقع قصدك ترجمة الكلمات في مناهج خطة ب ؟

اأخوي استمتــع بإجازتك ولاحقـ عالدراسة .. صدقني فيه وقت تذاكر لا تخاف :)

[إبداع آخر]

يا رجال لاحق على التعب....استمتع بوقتك ذحين

[عقيل فقيهي]

ياشباب قدرو الحال..............اذا عندكم شيء تفيدوني فيه بالله افيدوني

[asoma312]

ترا مح تستفيد منها شي

كلنا كدا بدأنا بنترجم كل كلمة في الدرس الاول لكن بعدين طفشنا وكملنا دراسة كدا
اصلا مالو داعي هوا في المحاضرة الكلمات المهمة بيقولها الدكتور ويعيد فيها لين ما تحفظها ولما ترجع البيت تقرأ الدرس وحتلاحظ الكلمات هذي والباقي يكون كلمات عامة مفهومة
خصوصاا اذا بتذاكر من ملخصات ما تحتاج تترجم الكتاب

[hadeel a]

المشاركة الأصلية كتبت بواسطة majed7 وعليــكم السلام .. أتوقع قصدك ترجمة الكلمات في مناهج خطة ب ؟ اأخوي استمتــع بإجازتك ولاحقـ عالدراسة .. صدقني فيه وقت تذاكر لا تخاف :)

+1
و على الترجمه ممكن تترجم مع الدكتور و هو بيشرح
أن عن نفسي كان عندي دكشنري صغير دايما أشيلو معايا و أترجم بي الكلمات اللي ما عرفت ترجمتها من المحاضرة أما صاحباتي كانو يترجمو من جوجل ترانسلت فأنت أختار اللي يعجبك و بعد فتره من الدراسه ماعد راح تحتاج تترجم حتتعود خلاص على الدراسه بالانجلش ..

[AM00NA]

آللي فهمت من ردود الآخـوان انك تبغى المصطلحات اللي في كل مـآده ..

http://www.skaau.com/vb/showthread.php?t=238060

هآلرابط موضوع تلاقي في الردود مصطلحات كثييير مع الترجمه
مهمة جداً وتعتبر آساس للمـآده ..
بس زي ماقآلوا انبسط اللحين واستمتع وانسى شي اسمه دراسه ^_^
وقبل الدراسه بااسبوع اتصفح واقرأ لانها سهله ومايبغالها
ومع الوقت راح تحفظها زي آسمـك ..

بآالتوفيق ..

[hadeel a]

المشاركة الأصلية كتبت بواسطة عقيل فقيهي ياشباب قدرو الحال..............اذا عندكم شيء تفيدوني فيه بالله افيدوني

أفتكر مره رحت مكتبه الشقري اللي قدام الجامعه وجلس اللي يبيع يوريني زي الكتب صغيره لكل ماده من مواد التحضيري يعني فيا المصطلحات و ترجمتها .

[عقيل فقيهي]

شكراً لكم جميعاً


طيب الملخصات تجي من عند الدكتور ولا...

شباب ابغى كل واحد منكم ينصحني نصيحه اذا مافي مانع...